ಕೋಮಲ ಪ್ರಿಯ ವಿರಾಜಪೇಟೆಯ ಪ್ರಥಮ ಆಟೋ ಚಾಲಕಿ

ಕನ್ನಡಪ್ರಭವಾರ್ತೆ ವಿರಾಜಪೇಟೆ

ವಿರಾಜಪೇಟೆ ನಗರದ ಗಾಂಧಿನಗರದ ನಿವಾಸಿ ಜೈಸನ್ ಪತ್ನಿ ಕೋಮಲ ಪ್ರಿಯ ನಗರದ ಪ್ರಪ್ರಥಮ ಆಟೋ ಚಾಲಕಿಯಾಗಿ ಪಾದಾರ್ಪಣೆಗೊಂಡ ಮಹಿಳೆ. ಜೈ ಭಾರತ್ ಆಟೋ ಚಾಲಕರು ಮತ್ತು ಮಾಲೀಕರ ಸಂಘ ವಿರಾಜಪೇಟೆ ಕಚೇರಿಯಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಗಣ್ಯರು ಮಾತನಾಡಿದರು.

ಸಂಘದ ಗೌ. ಕಾನೂನು ಸಲಹೆಗಾರ ವಕೀಲರಾದ ಬಿ.ಎಸ್. ಪುಷ್ಪರಾಜ್, ಮಹಿಳಾ ಸಬಲೀಕರಣ ಒತ್ತು ನೀಡಿ ಆರ್ಥಿಕವಾಗಿ ಸುಧಾರಣೆ ಹೊಂದಲು ಮಹಿಳೆಯರು ಮುಂದಾಗಬೇಕು. ಹಿಂಜರಿಕೆಯನ್ನು ಬಿಟ್ಟು ಸಮಾಜದ ಮುಖ್ಯವಾಹಿನಿಗೆ ಬರುವಂತಾಗಬೇಕು. ಈ ಹಿನ್ನೆಲೆಯಲ್ಲಿ ಪ್ರಿಯ ಅವರು ಆಟೋ ಚಾಲಕಿಯಾಗಿ ಕ್ಷೇತ್ರಕ್ಕೆ ಆಗಮಿಸಿರುವುದು ಶ್ಲಾಘನೀಯ ಎಂದು ಶುಭಕೋರಿದರು.

ಜೈ ಭಾರತ್ ಅಟೋ ಚಾಲಕರು ಮತ್ತು ಮಾಲೀಕರ ಸಂಘ ವಿರಾಜಪೇಟೆ ಅಧ್ಯಕ್ಷರಾದ ಬೀಕಚಂಡ ಪುಟ್ಟ ಬೆಳ್ಯಪ್ಪ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.