ಕುಶಾಲನಗರ: ದಲಾಯಿಲಾಮ ಶಿಬಿರದಿಂದ ನಿರ್ಗಮನ

ಕನ್ನಡಪ್ರಭ ವಾರ್ತೆ ಕುಶಾಲನಗರಕಳೆದ 40 ದಿನಗಳ ಕಾಲ ಕುಶಾಲನಗರ ಸಮೀಪ ಬೈಲುಕುಪ್ಪೆ ಶಿಬಿರದಲ್ಲಿ ವಿಶ್ರಾಂತಿ ಪಡೆದ ಟಿಬೆಟಿಯನ್ ಧಾರ್ಮಿಕ ಗುರು, ನೋಬೆಲ್ ಪ್ರಶಸ್ತಿ ವಿಜೇತ 14ನೇ ದಲೈಲಾಮ ಭಾನುವಾರ ಬೆಳಗ್ಗೆ ಶಿಬಿರದಿಂದ ನಿರ್ಗಮಿಸಿದರು.ತಮ್ಮ ಅನುಯಾಯಿಗಳಿಗೆ ಧಾರ್ಮಿಕ ಪ್ರವಚನ ಹಾಗೂ ಮತ್ತಿತರ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ತೊಡಗಿಸಿಕೊಂಡಿದ್ದ ಟಿಬೆಟಿಯನ್ನರ ನಡೆದಾಡುವ ದೈವ ಎಂದೇ ನಂಬಿದ ದಲೈಲಾಮ ಅವರನ್ನು ಅನುಯಾಯಿಗಳು ಬೆಳಗ್ಗೆ ಬೈಲುಕುಪ್ಪೆಯ ತಶಿ ಲೊಂಪೊ ಬೌದ್ಧ ಮಂದಿರದಿಂದ ಬೀಳ್ಕೊಟ್ಟರು.ದಲೈಲಾಮ ಅವರು ರಸ್ತೆ ಮಾರ್ಗವಾಗಿ ಹುಣಸೂರು ಬಳಿಯ ಗುರುಪುರ ನಿರಾಶ್ರಿತ ಶಿಬಿರಕ್ಕೆ ತೆರಳಿದರು.ಎರಡು ದಿನಗಳ ಕಾಲ ಅಲ್ಲಿ ತಂಗಲಿರುವ ದಲೈಲಾಮ 18ರಂದು ದೆಹಲಿಗೆ ತೆರಳಿದ್ದಾರೆ.

ಕೊಡಗು ವಿ.ವಿ. ಮುಚ್ಚುವ ನಿರ್ಧಾರ: ಬಿಜೆಪಿ ಖಂಡನೆಕನ್ನಡಪ್ರಭ ವಾರ್ತೆ ಸೋಮವಾರಪೇಟೆರಾಜ್ಯದಲ್ಲಿ ಹಿಂದಿನ ಬೊಮ್ಮಾಯಿ ಸರ್ಕಾರದ ಅವಧಿಯಲ್ಲಿ ೭ ವಿ.ವಿಗಳನ್ನು ಸ್ಥಾಪಿಸಿದ್ದರು. ಅದನ್ನು ಇಂದಿನ ಕಾಂಗ್ರೆಸ್ ಸರ್ಕಾರದ ಸಚಿವ ಸಂಪುಟದ ಉಪ ಸಮಿತಿ ಮುಚ್ಚುವ ನಿರ್ಧಾರಕ್ಕೆ ಶಿಫಾರಸ್ಸು ಮಾಡಿರುವುದು ಖಂಡನೀಯ ಎಂದು ಬಿಜೆಪಿ ತಾಲೂಕು ಘಟಕದ ಪ್ರಧಾನ ಕಾರ್ಯದರ್ಶಿ ಎಸ್.ಆರ್. ಸೋಮೇಶ್ ತಿಳಿಸಿದರು.

ಜಿಲ್ಲೆಗೆ ಅಂದಿನ ಶಾಸಕರಾದ ಎಂ.ಪಿ. ಅಪ್ಪಚ್ಚು ರಂಜನ್ ಹಾಗೂ ಕೆ.ಜಿ. ಬೋಪಯ್ಯ ಅವರ ಪರಿಶ್ರಮದಿಂದಾಗಿ ಕೊಡಗು ಜಿಲ್ಲೆಗೆ ವಿ.ವಿ. ನೀಡಲಾಗಿತ್ತು. ಆದರೆ ಹಿಂದಿನ ಶಾಸಕರು ಅನುದಾನದಲ್ಲಾಗುವ ಯೋಜನೆಗಳನ್ನು ತಮ್ಮದೆಂದು ಬಿಂಬಿಸಿಕೊಳ್ಳುತ್ತಿರುವ ಇಂದಿನ ಶಾಸಕರು, ವಿ.ವಿ.ಯನ್ನು ಉಳಿಸಿಕೊಳ್ಳಲು ಮುಂದಾಗುತ್ತಿಲ್ಲ. ಇದರಲ್ಲಿ ಸಾಕಷ್ಟು ಬಡ ವಿದ್ಯಾರ್ಥಿಗಳೇ ವಿದ್ಯಾಭ್ಯಾಸ ಮಾಡುತ್ತಿದ್ದು, ವಿ.ವಿ. ಮುಚ್ಚಿದಲ್ಲಿ ಅವರಿಗೆ ನಷ್ಟವಾಗಲಿದೆ. ವಿ.ವಿ.ಯನ್ನು ಮುಚ್ಚಲು ಸರ್ಕಾರ ಮುಂದಾದಲ್ಲಿ ಪಕ್ಷದ ವತಿಯಿಂದ ವಿವಿಧ ಸಂಘ ಸಂಸ್ಥೆಗಳ ಸಹಕಾರದೊಂದಿಗೆ ಉಗ್ರ ಪ್ರತಿಭಟನೆ ನಡೆಸಲಾಗುವುದು ಎಂದು ಎಚ್ಚರಿಸಿದರು.

ಸುದ್ದಿಗೋಷ್ಠಿಯಲ್ಲಿ ಪಟ್ಟಣ ಪಂಚಾಯಿತಿ ಸ್ಥಾಯಿ ಸಮಿತಿ ಅಧ್ಯಕ್ಷ ಮಹೇಶ್, ಪ್ರಮುಖರಾದ ಕಿಬ್ಬೆಟ್ಟ ಮಧು ಹಾಗೂ ಚಂದ್ರ ಇದ್ದರು.