ತೆರಿಗೆ ಹಣ ಪ್ರಾಮಾಣಿಕವಾಗಿ ಬಳಕೆಯಾಗಲಿ: ಶಾಸಕ ಸಿದ್ದು ಸವದಿ

ಕನ್ನಡಪ್ರಭ ವಾರ್ತೆ ರಬಕವಿ-ಬನಹಟ್ಟಿ

ರಬಕವಿ ಚಿಕ್ಕೋಡಿ ಕ್ರೀಡಾಂಗಣದಲ್ಲಿ ನಡೆದ ₹೪೨೧ ಕೋಟಿ ವೆಚ್ಚದ ಕೇಂದ್ರ ಪುರಸ್ಕೃತ ಅಮೃತ್ ೨.೦ ಯೋಜನೆಯಡಿ ರಬಕವಿ-ಬನಹಟ್ಟಿ ನಗರಸಭೆ ವ್ಯಾಪ್ತಿಯ ರಬಕವಿ-ರಾಂಪುರ ನಗರಕ್ಕೆ ಸುಧಾರಿತ ನೀರು ಸರಬರಾಜು ಯೋಜನೆ ಶಂಕು ಸ್ಥಾಪನೆ ಸಮಾರಂಭದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ರೈತರು ತಮ್ಮ ಹೊಲಗಳಲ್ಲಿ ಪೈಪ್‌ಲೈನ್ ಅಳವಡಿಕೆ ಮಾಡಿದ ಆರವತ್ತು ವರ್ಷಗಳ ಕಾಲ ಯಾವುದೇ ಲೋಪ ಕಾಣುವುದಿಲ್ಲ. ಆದರೆ ಸರ್ಕಾರದ ಕಾಮಗಾರಿಗಳಲ್ಲಿ ಕೇವಲ ಒಂದು ವರ್ಷ ಕಳೆಯೊದರಲ್ಲಿ ತೊಂದರೆಗಳು ಆರಂಭಗೊಳ್ಳುತ್ತವೆ. ಇಂಥ ಕಳಪೆ ಮತ್ತು ಅಜಾಗರೂಕತೆ ಕಾಮಗಾರಿಗಳು ನಿಲ್ಲಬೇಕು ಎಂದ ಅವರು, ಸರ್ಕಾರಗಳು ಜನತೆಯ ಸೌಕರ್ಯಕ್ಕಾಗಿ ಹತ್ತಾರು ಯೋಜನೆಗಳಿಗೆ ಅನುದಾನ ನೀಡುತ್ತವೆ. ಆದರೆ ಕಾಮಗಾರಿಗಳಲ್ಲಿ ವಿಳಂಬ, ಕಳಪೆ ಮತ್ತು ಅವೈಜ್ಞಾನಿಕತೆ ಕಾರಣಕ್ಕೆ ಯಶಸ್ಸಾಗುವುದಿಲ್ಲ. ಅಧಿಕಾರಿಗಳು ಮತ್ತು ಗುತ್ತಿಗೆದಾರರು ಅನುದಾನ ಅಪವ್ಯಯವಾಗದಂತೆ ಜನೋಪಯೋಗಿಯಾಗುವಂತೆ ಕಾಮಗಾರಿ ನಿರ್ವಹಿಸಬೇಕೆಂದರು.

ವೇದಿಕೆಯಲ್ಲಿ ತಹಸೀಲ್ದಾರ್‌ ಗಿರೀಶ ಸ್ವಾದಿ, ನಗರಾಧ್ಯಕ್ಷೆ ವಿದ್ಯಾ ದಬಾಡಿ, ಉಪಾಧ್ಯಕ್ಷೆ ದೀಪಾ ಗಾಡಿವಡ್ಡರ, ಸ್ಥಾಯಿ ಸಮಿತಿ ಚೇರ್‌ಮನ್ ಅರುಣ ಬುದ್ನಿ, ಪೌರಾಯುಕ್ತ ಜಗದೀಶ ಈಟಿ, ಯಲ್ಲಪ್ಪ ಪಾಟೀಲ, ಶೀಲಾ ಭಾವಿಕಟ್ಟಿ, ರಜಾಕ ಬಾಗವಾನ್, ಗೌರಿ ಮಿಳ್ಳಿ, ಯುನೂಸ್ ಚೌಗಲಾ, ಯಲ್ಲಪ್ಪ ಕಟಗಿ, ಬಸವರಾಜ ಗುಡೋಡಗಿ, ವಿ.ಎಲ್.ಚಂದ್ರಪ್ಪ, ಕೆ.ಪುಟ್ಟಯ್ಯ ಇದ್ದರು. ಮಲ್ಲಿಕಾರ್ಜುನ ದೇಸಾಯಿ ವಂದಿಸಿದರು.