ಗಾಂಧೀಜಿ ಕನಸಿನ ಭಾರತ ನಿರ್ಮಾಣಗೊಳ್ಳಲಿ: ವನಿತಾಮಧು

ಪುರಸಭೆ ಸಭಾಂಗಣದಲ್ಲಿ ನಡೆದ ಗಾಂಧೀಜಿ ಮತ್ತು ಲಾಲ್ ಬಹದ್ದೂರ್ ಶಾಸ್ತ್ರೀ ಜಯಂತಿ

ಆದರೆ ಇಂದು ಗ್ರಾಮಗಳು ನಗರಿಕರಣದ ಪ್ರಭಾವಕ್ಕೆ ಒಳಗಾಗಿವೆ. ಇದು ಸಾಮಾಜಿಕ ವ್ಯವಸ್ಥೆ ಮೇಲೆ ಸಾಕಷ್ಟು ಪರಿಣಾಮ ಬೀರಲಿದ್ದು, ಗ್ರಾಮೀಣ ವ್ಯವಸ್ಥೆ ಸುಧಾರಣೆಗೊಂಡು ಸಣ್ಣ ಪಟ್ಟಣ ಗಳಲ್ಲಿ ಸ್ವಾವಲಂಬಿ ಬದುಕಿಗೆ ಆಸರೆ ದೊರೆತು ಒತ್ತಡಮುಕ್ತ ಜೀವನದ ಮೂಲಕ ಸುಧಾರಣೆ ಸಾಧ್ಯವಾಗಲಿ ಎನ್ನುವ ಅವರ ಆಶಯ ಈಡೇರಲು ಎಲ್ಲರೂ ಶ್ರಮಿಸೋಣ ಎಂದು ನುಡಿದರು.

ಪುರಸಭೆ ಸದಸ್ಯ ಬಿ.ಆರ್.ಮೋಹನ್‌ಕುಮಾರ್ ಮಾತನಾಡಿ, ತನ್ನ ನಡೆ-ನುಡಿಯಿಂದ ಮಹಾತ್ಮ ಎನಿಸಿಕೊಂಡ ಗಾಂಧೀಜಿ ಇಡೀ ಜಗತ್ತಿನ ಸತ್ಯಾಗ್ರಹ ಸ್ವರೂಪಕ್ಕೆ ಹೊಸರೂಪ ನೀಡಿದವರು. ಸ್ವಚ್ಛತೆ ಮೂಲಕ ಆರೋಗ್ಯಪೂರ್ಣ ಸಮಾಜ ಕಟ್ಟಲು ಸಾಧ್ಯ ಎಂದು ಪ್ರತಿಪಾದಿಸಿದ್ದರು. ಆದರೆ ಇಂದಿನ ಸಮಾಜದಲ್ಲಿ ಜನಸಂಖ್ಯೆ ಹೆಚ್ಚಳ ಮತ್ತು ಬೆಳೆಯುತ್ತಿರುವ ಕಸದ ಪ್ರಮಾಣ ವಿಶ್ವವನ್ನೇ ಆವರಿಸುತ್ತಿದೆ. ಭೂಮಿ ಇರುವಷ್ಟೇ ಇದೆ. ನಾವು ಸ್ವಚ್ಛತೆಗೆ ಆದ್ಯತೆ ನೀಡದಿದ್ದರೆ ಅಸ್ವಸ್ಥ ಸಮುದಾಯವಾಗಿ ಬೆಳೆಯಬೇಕಾಗುತ್ತದೆ. ಅಂತೆಯೇ ಸರಳತೆ ಕೂಡಾ ನಮ್ಮಿಂದ ದೂರಾಗುತ್ತಿದೆ. ದೇಶದ ಪ್ರಧಾನಿಯಾದರೂ ಗಾಂಧೀಜಿ ಚಿಂತನೆಗಳ ಸಾಕಾರವಾಗಿ ಬದುಕಿದ ಲಾಲ ಬಹದ್ದೂರ ಶಾಸ್ತ್ರೀ ಬದುಕೂ ನಮಗೆ ಆದರ್ಶವಾದರೆ ಒಳಿತು ಎಂದು ತಿಳಿಸಿದರು.

2ಬೀರೂರು 1 ಬೀರೂರಿನ ಪುರಸಭೆ ಸಭಾಂಗಣದಲ್ಲಿ ಬುಧವಾರ ಮಹಾತ್ಮ ಗಾಂಧಿಯವರ 155ನೇ ಜನ್ಮದಿನದ ಅಂಗವಾಗಿ ಮಹಾತ್ಮಗಾಂಧಿ ಮತ್ತು ಲಾಲ್ ಬಹದ್ದೂರು ಶಾಸ್ತ್ರೀ ಭಾವಚಿತ್ರಕ್ಕೆ ಅಧ್ಯಕ್ಷೆ ವನಿತಾಮಧು, ಮುಖ್ಯಾಧಿಕಾರಿ ಜಿ.ಪ್ರಕಾಶ್ ಸೇರಿದಂತೆ ಸರ್ವ ಸದಸ್ಯರು ಪುಷ್ಪಾರ್ಚನೆ ಮಾಡಿದರು.