ಮಹಿಳೆಯರ ಪೈಕಿ ಗೆದ್ದಿರುವುದು ಚಂದ್ರಪ್ರಭಾ ಅರಸು ಮಾತ್ರ

ಅಂಶಿ ಪ್ರಸನ್ನಕುಮಾರ್

ಲೋಕಸಭೆಗೆ ಮೈಸೂರು ಕ್ಷೇತ್ರದಿಂದ 17 ಹಾಗೂ ಚಾಮರಾಜನಗರ ಕ್ಷೇತ್ರದಿಂದ 15 ಬಾರಿ ಚುನಾವಣೆಗಳು ನಡೆದಿವೆ. ಆದರೆ ಈವರೆಗೆ ಲೋಕಸಭೆಗೆ ಆಯ್ಕೆಯಾಗಿರುವ ಏಕೈಕ ಮಹಿಳೆ ಎಂದರೇ ಮಾಜಿ ಮುಖ್ಯಮಂತ್ರಿ ಡಿ. ದೇವರಾಜ ಅರಸು ಅವರ ಪುತ್ರಿ ಚಂದ್ರಪ್ರಭಾ ಅರಸು ಮಾತ್ರ.

ಚಂದ್ರಪ್ರಭಾ ಅರಸು 1983 ರಲ್ಲಿ ಜನತಾಪಕ್ಷದಿಂದ ವಿಧಾನಸಭೆಗೆ ಪ್ರಥಮ ಬಾರಿಗೆ ಗೆದ್ದು, ರಾಮಕೃಷ್ಣ ಹೆಗಡೆ ಅವರ ಸಂಪುಟದಲ್ಲಿ ರೇಷ್ಮೆ ಖಾತೆಯ ಸಚಿವೆಯಾಗಿದ್ದರು. ಕೆಲವೇ ದಿನಗಳಲ್ಲಿ ಅಜೀಜ್ ಸೇಠ್ ಅವರೊಂದಿಗೆ ಕಾಂಗ್ರೆಸ್ ಸೇರಿದರು. 1985 ರಲ್ಲಿ ಅವರು ಹುಣಸೂರಿನಿಂದ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿ, ಸೋತರು. 1989 ರಲ್ಲಿ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಎರಡನೇ ಬಾರಿಗೆ ವಿಧಾನಸಭೆಗೆ ಆಯ್ಕೆಯಾಗಿದ್ದರು. 1991 ರಲ್ಲಿ ಲೋಕಸಭೆ ಚುನಾವಣೆ ಎದುರಾದಾಗ ಕಾಂಗ್ರೆಸ್‌ಗೆ ಸಮರ್ಥ ಅಭ್ಯರ್ಥಿಯ ಕೊರತೆ. ಏಕೆಂದರೆ 1984, 1989 ರಲ್ಲಿ ಮೈಸೂರು ಲೋಕಸಭಾ ಕ್ಷೇತ್ರದಿಂದ ಆಯ್ಕೆಯಾಗಿದ್ದ ರಾಜವಂಶಸ್ಥ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಅವರು ಬಿಜೆಪಿ ಸೇರಿ, ಅಭ್ಯರ್ಥಿಯಾಗಿದ್ದರು. ಚಂದ್ರಪ್ರಭಾ ಅವರ ಮೇಲೆ ಒತ್ತಡ ಹೇರಿ, ಕಾಂಗ್ರೆಸ್ ಟಿಕೆಟ್ ನೀಡಲಾಯಿತು. 2,25,881 ಮತಗಳನ್ನು ಗಳಿಸಿ ಚಂದ್ರಪ್ರಭಾ ಆಯ್ಕೆಯಾದರು. 2,08,999 ಮತಗಳನ್ನು ಪಡೆದ ಒಡೆಯರ್ ಸೋತರು.

1998 ರಲ್ಲಿ ಚಾಮರಾಜನಗರ ಲೋಕಸಭಾ ಕ್ಷೇತ್ರದಿಂದ ಸುಶೀಲಾ ಕೇಶವಮೂರ್ತಿ ಅವರು ಬಿಜೆಪಿ ಬೆಂಬಲಿತ ಲೋಕಶಕ್ತಿಯ ಅಭ್ಯರ್ಥಿಯಾಗಿ ಸ್ಪರ್ಧಿಸಿ, 75,165 ಮತಗಳನ್ನು ಗಳಿಸಿ, ಸೋತರು. 1952 ರಿಂದ 1980 ರವರೆಗೆ ಯಾವುದೇ ಮಹಿಳೆ ಸ್ಪರ್ಧಿಸಿರಲಿಲ್ಲ. 1984 ರಲ್ಲಿ ಚಾಮರಾಜನಗರದಲ್ಲಿ ಸುಶೀಲಾ ಪಕ್ಷೇತರರಾಗಿ ಸ್ಪರ್ಧಿಸಿದ್ದರು. 1989 ರಲ್ಲಿ ಯಾರೂ ಸ್ಪರ್ಧಿಸಿರಲಿಲ್ಲ. 1991 ರಲ್ಲಿ ಚಾಮರಾಜನಗರದಿಂದ ಪಿ. ಮಹದೇವಮ್ಮ ಎಂಬುವರು ಪಕ್ಷೇತರರಾಗಿ ಕಣಕ್ಕಿಳಿದಿದ್ದರು. ಮೈಸೂರಿನಿಂದ ಚಂದ್ರಪ್ರಭಾ ಅರಸು ಅವರಿಗೆ ಕಾಂಗ್ರೆಸ್ ಪಕ್ಷ ಟಿಕೆಟ್ ನೀಡಿತು. 1996, 1999,2004

2019 ರಲ್ಲಿ ಮೈಸೂರಿನಿಂದ 22 ಮಂದಿ ಕಣದಲ್ಲಿದ್ದರು. ಅವರಲ್ಲಿ ಮೂವರು ಮಹಿಳೆಯರು. ಅವರೆಂದರೆ ಉತ್ತಮ ಪ್ರಜಾಕೀಯ ಪಾರ್ಟಿಯಿಂದ ವಿ. ಆಶಾರಾಣಿ, ಎಸ್ಯುಸಿಐ- ಕಮ್ಯೂನಿಸ್ಟ್‌ನಿಂದ ಪಿ.ಎಸ್. ಸಂಧ್ಯಾ, ಪಕ್ಷೇತರರಾಗಿ ಎನ್.ಕೆ. ಕಾವೇರಿಯಮ್ಮ ಸ್ಪರ್ಧಿಸಿದ್ದರು. ಚಾಮರಾಜನಗರದಲ್ಲಿ 10 ಮಂದಿ ಕಣದಲ್ಲಿದ್ದು, ಮಹಿಳೆಯರು ಇರಲಿಲ್ಲ.

ಬಾಕ್ಸ್....

22ಸಿ.ಜೆಪಿಜಿ

ಈ ಬಾರಿ ಮೈಸೂರಿನಲ್ಲಿ ಯಾವುದೇ ಮಹಿಳೆ ರಾಜಕೀಯ ಪಕ್ಷಗಳ ಟಿಕೆಟ್‌ ಗೆ ಯತ್ನಿಸಿರಲಿಲ್ಲ. ಆದರೆ ಚಾಮರಾಜನಗರ ಕ್ಷೇತ್ರದಿಂದ ಕೆಪಿಸಿಸಿ ಮಹಿಳಾ ಘಟಕದ ಅಧ್ಯಕ್ಷೆ ಡಾ. ಪುಷ್ಪಾವತಿ ಅಮರನಾಥ್ ಟಿಕೆಟ್ ಕೇಳಿದ್ದರು. ಆದರೆ ಸಿಗಲಿಲ್ಲ. ಇವರು ಮೈಸೂರು ಜಿಪಂ ಮಾಜಿ ಅಧ್ಯಕ್ಷರು. ಎರಡು ಅವಧಿಗೆ ಜಿಪಂ ಸದಸ್ಯರಾಗಿದ್ದರು. ಹುಣಸೂರು ಮಾಜಿ ಶಾಸಕ ಎಚ್.ಪಿ. ಮಂಜುನಾಥ್ ಅವರ ನಾದಿನಿ.