ಹಕ್ಕುಪತ್ರ ನೀಡುವಂತೆ ಮದಲಗಟ್ಟಿ ಗ್ರಾಮಸ್ಥರ ಆಗ್ರಹ

ಕನ್ನಡಪ್ರಭ ವಾರ್ತೆ ಹೂವಿನಹಡಗಲಿ

ಈ ವೇಳೆ ಮಾತನಾಡಿದ ಮುಖಂಡ ಎಂ.ಮಂಜುನಾಥ, ತಾಲೂಕಿನ ತುಂಗಭದ್ರಾ ನದಿ ತೀರದ ಮದಲಗಟ್ಟಿ ಗ್ರಾಮವು ಕಳೆದ 1992, 1993, 2007ರಲ್ಲಿ ನದಿಯ ನೆರೆ ಹಾವಳಿಗೆ ಹತ್ತಾರು ಬಾರಿ ತುತ್ತಾಗಿದೆ. ಆ ಸಂದರ್ಭದಲ್ಲಿ ಮನೆ ಮಠ ಕಳೆದುಕೊಂಡಿದ್ದೇವೆ. ಅರಭಾವಿ ಚಳಕೇರಿ ರಾಜ್ಯ ಹೆದ್ದಾರಿ ನಿರ್ಮಾಣ ಸಂದರ್ಭದಲ್ಲಿ ಹತ್ತಾರು ಮನೆಗಳನ್ನು ಒಡೆದು ಹಾಕಿದ್ದರಿಂದ ಅನೇಕ ಕುಟುಂಬಗಳು ಬೀದಿ ಪಾಲಾಗಿದ್ದವು. ಆ ವೇಳೆ ಗುಡಿಸಲು ಕಟ್ಟಿಕೊಂಡು ಜೀವನ ಸಾಗಿಸುತ್ತಿದ್ದಾರೆ ಎಂದರು.

ಮದಲಗಟ್ಟಿ ಗ್ರಾಮಕ್ಕೆ ಕೂಲಿ ಅರಿಸಿ ಬಂದಿರುವ ಹತ್ತಾರು ಕುಟುಂಬಗಳು ಅನಧಿಕೃತವಾಗಿ, ನವಗ್ರಾಮದ ಮನೆಯಲ್ಲಿ ವಾಸವಾಗಿದ್ದಾರೆ. ಮೂಲ ಗ್ರಾಮದವರಿಗೆ ತಾಲೂಕು ಆಡಳಿತ ಈವರೆಗೂ ಹಕ್ಕುಪತ್ರಗಳನ್ನು ನೀಡದೇ ಮೂಲೆಗುಂಪು ಮಾಡಿದ್ದಾರೆ, ಆದರಿಂದ ಅಧಿಕಾರಿಗಳು ಕೂಡಲೇ ಸಮಸ್ಯೆಯನ್ನು ಬಗೆ ಹರಿಸಿ, ಹಕ್ಕುಪತ್ರ ವಿತರಿಸಬೇಕೆಂದು ಆಗ್ರಹಿಸಿದ್ದಾರೆ.

ಮನವಿ ಸ್ವೀಕರಿಸಿ ಮಾತನಾಡಿದ ತಹಸೀಲ್ದಾರ್‌ ಜಿ.ಸಂತೋಷಕುಮಾರ, ಈ ಕೂಡಲೇ ಎಲ್ಲ ಕುಟುಂಬಗಳನ್ನು ಸಮೀಕ್ಷೆ ಮಾಡಿ ಸೂಕ್ತ ನಿರ್ಧಾರ ಕೈಗೊಂಡು, ಹಕ್ಕುಪತ್ರ ವಿತರಿಸಲು ಕ್ರಮಕೈಗೊಳ್ಳುತ್ತೇವೆಂದು ಹೇಳಿದರು.