ಮಧುಗಿರಿ ಜಿಲ್ಲೆಯಾಗಿ ಸಮಗ್ರ ಅಭಿವೃದ್ಧಿ ಹೊಂದಲಿದೆ

ಕನ್ನಡಪ್ರಭ ವಾರ್ತೆ ಮಧುಗಿರಿ

ಗುರುವಾರ ಲೋಕೋಪಯೋಗಿ ಇಲಾಖೆಯಿಂದ ಏರ್ಪಡಿಸಿದ್ದ ತಾಲೂಕಿನ ಕೊಡಿಗೇನಹಳ್ಳಿ ಹೋಬಳಿ ದೊಡ್ಡಯಲ್ಕೂರು , ದಾದಗೊಂಡನಹಳ್ಳಿ, ತಿಪ್ಪಾಪುರ, ಅಡವಿನಾಗೇನಹಳ್ಳಿ, ಸಿಂಗನಹಳ್ಳಿ, ತೆರಿಯೂರು, ಹಾಗೂ ಕಡಗತ್ತೂರು ಆಂಧ್ರ ಗಡಿ ಸೇರುವ 5 ಕೋಟಿ ರು. ವೆಚ್ಚದ ರಸ್ತೆ ಅಭಿವೃದ್ಧಿ ಮತ್ತು ಕೊಡಿಗೇನಹಳ್ಳಿ ಗ್ರಾಮದಲ್ಲಿ 3 ಕೋಟಿ ರು.ವೆಚ್ಚದ ಜೆಜೆಎಂ ಕಾಮಗಾರಿ ಅಡವಿನಾಗೇನಹಳ್ಳಿಯಿಂದ -ಸುದ್ದೇಕುಂಟೆ ಸಂಪರ್ಕಿಸುವ ರಸ್ತೆ 5 ಕೋಟಿ ರು.ವೆಚ್ಚದ ರಸ್ತೆ ನಿರ್ಮಾಣ ಕಾಮಗಾರಿಗೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದರು.

ತಾವುಗಳು ಎಂದೆಂದಿಗೂ ತಾಲೂಕಿನ ಜನತೆ ಎಲ್ಲರೂ ಸಚಿವ ರಾಜಣ್ಣರವರ ಜೊತೆಗೆ ಇರಿ, ಹಿಂದೆ ಐದು ವರ್ಷ ನೀವುಗಳು ಅನುಭವಿಸಿದ ನೋವು ಇನ್ನೂ ನಮ್ಮ ಕೈಲಿ ತಡೆಯಾಕ್ಕಾಗಿಲ್ಲ, ನಾವು 2013 ರಿಂದ 2018ರವರೆಗೆ ಮಾಡಿದ ಅಭಿವೃದ್ಧಿ ಕಾರ್ಯಗಳೇ ಹೊರತು ಬೇರೆ ಯಾರು ಅಭಿವೃದ್ಧಿ ಮಾಡಲಿಲ್ಲ. ಮತ್ತೆ ತಾಲೂಕಿನ ಸಮಗ್ರ ಅಭಿವೃದ್ಧಿ ಪಡಿಸಲು ರಾಜಣ್ಣನವರೇ ಬರಬೇಕಾಯಿತು. ಆದ್ದರಿಂದ ನಿಮ್ಮೆಲ್ಲರ ಅಭಿವೃದ್ಧಿಗೆ ಮತ್ತು ಕ್ಷೇತ್ರದ ಪ್ರಗತಿಗೆ ಎಲ್ಲರ ಬೆಂಬಲ ಸಚಿವ ರಾಜಣ್ಣನವರಿಗೆ ಇರಬೇಕು ಎಂದರು.

ಕಾರ್ಯಕ್ರಮದಲ್ಲಿ ಲೋಕೋಪಯೋಗಿ ಇಲಾಖೆ ಇಇ ಹನುಮಂತರಾವ್‌,ಎಇಇ ಸಂಪತ್‌ ,ಕುಡಿವ ನೀರು ಸರಬರಾಜು ಎಇಇ ಲೋಕೇಶ್‌,ಅರಣ್ಯ ಇಲಾಖೆ ಅಧಿಕಾರಿ ಸುರೇಶ್‌,ಇಓ ಲಕ್ಷ್ಮಣ್‌, ಮಧುಸೂದನ್‌, ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಆದಿನಾರಾಯಣರೆಡ್ಡಿ,ಕೆಎಂಎಫ್‌ ನಿರ್ದೇಶಕ ಮೈದನಹಳ್ಳಿ ಕಾಂತರಾಜು,.ಸ್ಥಳೀಯ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳು ಇದ್ದರು.

ಮಧುಗಿರಿ ಜಿಲ್ಲೆಯಾದರೆ ಹಿಂದುಳಿದ ತಾಲೂಕುಗಳಿಗೆ ವರದಾನವಾಗಲಿದೆ. ಇದರಿಂದ ಮಧುಗಿರಿ ಪಟ್ಟಣ ಮಾತ್ರವಲ್ಲ ಅಕ್ಕಪಕ್ಕದ ತಾಲೂಕುಗಳು ಸಹ ಅಭಿವೃದ್ಧಿಹೊಂದಲಿವೆ. ಸಹಕಾರ ಸಚಿವರಾಗಿ ಈಗಾಗಲೇ ಸಾಕಷ್ಟು ಕೆಲಸ ಮಾಡಿರುವ ರಾಜಣ್ಣ ಮಧುಗಿರಿ ಜಿಲ್ಲೆ ಘೋಷಣೆಗೆ ಬೇಕಾದ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಇದನ್ನು ಜನ ಗಮನಿಸಬೇಕು- ಶಾಂತಲಾ ರಾಜಣ್ಣ, ಮಾಜಿ ಅಧ್ಯಕ್ಷರು, ಜಿಪಂ ತುಮಕೂರು.