ಪ್ರಾಣಿ ಪಕ್ಷಿಗಳಿಗೆ ಆಹಾರ ಒದಗಿಸಿ ಮಾನವೀಯತೆ ಮೆರೆಯುತ್ತಿರುವ ಮಂಜಯ್ಯ

ಬಿರು ಬೇಸಿಗೆಯಲ್ಲಿ ತಮ್ಮ ಮನೆ ಮುಂದೆ ಹಸುಗಳಿಗೆ ಆಹಾರ । ಪಕ್ಷಿಗಳಿಗೆ ನೀರು, ನೆರಳಿನ ಸೇವೆ

ಮಾರ್ಚ್ ತಿಂಗಳ ಬಿಸಿಲಿನ ತಾಪ, ಹೆಚ್ಚಿದ ಉಷ್ಣಾಂಶದಿಂದ ಜನರೇ ತತ್ತರಿಸುತ್ತಿರುವ ಈ ದಿನಗಳಲ್ಲಿ ನೆರಳು, ಗಾಳಿ, ನೀರಿಗಾಗಿ ಹಪಹಪಿಸುವಂತೆ ಮಾಡುತ್ತದೆ. ಜನರ ಪಾಡೇ ಹೀಗಾದರೆ ಇನ್ನೂ ಮೂಖ ಪ್ರಾಣಿಗಳ ಸ್ಥಿತಿ ಹೇಳಬೇಕಾಗೇ ಇಲ್ಲ.

ಬಿಸಿಲಿನ ಝಳದಿಂದ ಪಟ್ಟಣದ ಅಂಗಡಿಗಳಲ್ಲಿ ಮಾರಾಟಕ್ಕೆ ತಂದ ಬಾಳೆ ಹಣ್ಣುಗಳು ಕಪ್ಪಾಗಿ ಹೋಗುವ, ಇಲ್ಲ ಗೊನೆಯಿಂದ ಉದುರಿ ಹೋಗುವಂತಹ ಬಾಳೆಹಣ್ಣುಗಳು ಕಸದ ಬುಟ್ಟಿ ಸೇರದಂತೆ ಬಾಳೆ ಮತ್ತು ಇತರೆ ಹಣ್ಣಿನ ಅಂಗಡಿ ಮಾಲೀಕರಿಂದ ತೆಗೆದುಕೊಮಡು ಬಂದು ಅದನ್ನು ತಮ್ಮ ಮನೆ ಗೇಟ್ ಬಳಿ ಗೊನೆ ಸಮೇತ ಕಟ್ಟಿ ನೀರಿನ ವ್ಯವಸ್ಥೆ ಮಾಡಿ ಜಾನವಾರುಗಳ ಹಸಿವು, ದಾಹ ತೀರಿಸಿದರೆ, ಟೆರೇಸ್ ಮೇಲೆ ಪಕ್ಷಿಗಳಿಗಾಗಿ ನೀರು-ನೆರಳು ಮತ್ತು ಆಹಾರ ಒದಗಿಸಿ ಪ್ರಾಣಿಗಳಿಗೂ ಈ ಬೇಸಿಗೆಯನ್ನು ಸಹನೀಯವಾಗಿಸಿದ ಇವರ ಕೆಲಸದಿಂದ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಹಣ್ಣು, ನೀರಿನ ವ್ಯವಸ್ಥೆಯಿಂದ ದಿನನಿತ್ಯ ಮನೆ ಮುಂದೆ ಹೆಚ್ಚಿನ ಸಂಖ್ಯೆಯಲ್ಲಿ ಜಾನುವಾರಗಳು ಬಂದು ಸೇರುತ್ತವೆ. ಬಿಸಿಲಿನಲ್ಲೂ ಹಣ್ಣು ತಿಂದು ನೀರು ಕುಡಿದು ತೃಪ್ತಿಯಿಂದ ತೆರಳುತ್ತವೆ.