ನಮ್ದು ಆತು, ಮುಂದಿನ ಪೀಳಿಗೆ ಸುಖವಾಗಿರಲಿ..!

ಕಡೇಚೂರು ಬಾಡಿಯಾಳ ಕೈಗಾರಿಕಾ ಪ್ರದೇಶದಲ್ಲಿ ವಿಷಗಾಳಿ ಹಬ್ಬುವ ಆತಂಕ । ಸಂಘಟಿತ ಹೋರಾಟಕ್ಕೆ ರೂಪುರೇಷೆಕನ್ನಡಪ್ರಭ ವಾರ್ತೆ ಯಾದಗಿರಿ

ಪರಿಸರ ಹಾಗೂ ಜನರ ಆರೋಗ್ಯಕ್ಕೆ ಮಾರಕವಾಗದ ಕಾರ್ಖಾನೆಗಳ ಸ್ಥಾಪಿಸುವುದಾಗಿ ಹೇಳಿದ್ದ ಸರ್ಕಾರಗಳು, ಈಗ ಅಪಾಯಕಾರಿ ಕಾರ್ಖಾನೆಗಳ ಸ್ಥಾಪಿಸುವ ಮೂಲಕ ಜನಜೀವನಕ್ಕೆ ಕುತ್ತು ತಂದಿಟ್ಟಿದ್ದಾರೆ. ತಮ್ಮದೇನೋ ಆಯ್ತು, ಇನ್ನು ಮುಂದಿನ ಪೀಳಿಗೆಗಾದರೂ ಒಳಿತಾಗಲಿ ಎಂಬ ಸದುದ್ದೇಶದಿಂದ ಮಠಾಧೀಶರು, ಪಕ್ಷಾತೀತ ರಾಜಕಾರಣಿಗಳು, ಪರಿಸರವಾದಿಗಳು, ಪ್ರಜ್ಞಾವಂತರು, ಯುವಕರ ತಂಡಗಳು ಕೆಮಿಕಲ್ ಕಂಪನಿಗಳ ವಿರುದ್ಧ ಸಂಘಟಿತ ಹೋರಾಟಕ್ಕೆ ರೂಪುರೇಷೆ ಹೆಣೆಯುತ್ತಿವೆ. ಜನಜಾಗೃತಿ ಹಾಗೂ ಕಾನೂನಾತ್ಮಕವಾಗಿ ಹೋರಾಟದ ಮೂಲಕ ಕೆಮಿಕಲ್‌ ತ್ಯಾಜ್ಯ ಕಂಪನಿಗಳ ವಿರುದ್ಧ ಜನರ ಚಳವಳಿಯ ಕೂಗು ಪ್ರತಿಧ್ವನಿಸುತ್ತಿದೆ.

ಶ್ರೇರಣಿಕಕುಮಾರ ದೋಕಾ, ಅಧ್ಯಕ್ಷ, ಜಿಲ್ಲಾ ಗ್ಯಾರೆಂಟಿ ಯೋಜನೆಗಳ ಅನುಷ್ಠಾನ ಸಮಿತಿ, ಯಾದಗಿರಿ.

ಈ ಕೈಗಾರಿಕೆ ಪ್ರದೇಶವು ನಮ್ಮ ಗ್ರಾಮದಿಂದ 5 ಕಿ.ಮೀ ಅಂತರದಲ್ಲಿದೆ. ಇಲ್ಲಿನ ರಾಸಾಯನಿಕ ಕಂಪನಿಗಳು ಹೊರ ಹಾಕುವ ವಿಷಗಾಳಿಯು ಗ್ರಾಮಸ್ಥರಿಗೆ ಅನೇಕ ರೋಗಗಳನ್ನು ತಂದೊಡ್ಡಿದೆ. ನಿತ್ಯ ರಾತ್ರಿ ವೇಳೆ ಬರುವ ಈ ಕೆಟ್ಟ ವಾಸನೆಯಿಂದಾಗಿ ನಮ್ಮೂರಿನ ಮಕ್ಕಳಿಗೆ ಮತ್ತು ವೃದ್ಧರಿಗೆ ಉಸಿರಾಟ ತೊಂದರೆಯಾಗುತ್ತಿದೆ. ಇಲ್ಲಿನ ಕೈಗಾರಿಕೆಗಳು ಇಲ್ಲಿನ ಜನರಿಗೆ ಉದ್ಯೋಗವು ನೀಡದಿದ್ದರೂ ಪರವಾಗಿಲ್ಲ. ವಿಷಗಾಳಿ ನೀಡುತ್ತಿರುವ ಕೈಗಾರಿಕೆಗಳನ್ನು ಇಲ್ಲಿಂದ ತೆಗೆಯುವ ಕಾರ್ಯ ಸರಕಾರವು ಅತಿ ತುರ್ತುತಾಗಿ ಮಾಡಬೇಕಾಗಿದೆ.

ಕಡೇಚೂರು-ಬಾಡಿಯಾಳ ಕೈಗಾರಿಕೆ ಪ್ರದೇಶದಲ್ಲಿರುವ ರಾಸಾಯನಿಕ ಕಂಪನಿಗಳು ಪರಿಸರಕ್ಕೆ ಹಾನಿಯಾಗವ ವಿಷ ಅನಿಲವನ್ನು ಮತ್ತು ಘನ ತ್ಯಾಜ್ಯವು ಮಣ್ಣಿಗೆ ಮತ್ತು ನೀರಿಗೆ ನೇರವಾಗಿ ಬಿಡುತ್ತಿರುವುದರಿಂದ ಗಾಳಿಯ ನೀರಿನ ಜೊತೆ ಭೂಮಾಲಿನ್ಯವಾಗುತ್ತಿದೆ. ಈ ಬಗ್ಗೆ ಸರ್ಕಾರ ಮತ್ತು ಪರಿಸರ ಮಾಲಿನ್ಯ ಇಲಾಖೆಗೆ ದೂರು ಸಲ್ಲಿಸಿದರೂ ಯಾವುದೂ ಪ್ರಯೋಜನವಾಗುತ್ತಿಲ್ಲ. ಆದ್ದರಿಂದ, ಜಿಲ್ಲೆಯ ಪರಿಸರವಾದಿಗಳು ಮತ್ತು ಸಾಮಾಜಿಕ ಕಾರ್ಯಕರ್ತರ ಕೈಗೊಳ್ಳುವ ಹೋರಾಟಕ್ಕೆ ನಮ್ಮ ವರ್ತಕರು ಬೆಂಬಲ ನೀಡುವುದರ ಜತೆಗೆ ಹೋರಾಟಕ್ಕೆ ಇಳಿಯುತ್ತೇವೆ.