ಮಾನಸಿಕ ನೆಮ್ಮದಿಗೆ ಧ್ಯಾನ ಮುಖ್ಯ: ಯೋಗಿ ಸದಾನಂದಗಿರಿ ಸ್ವಾಮೀಜಿ

ದೇವಿಕ್ಯಾಂಪಿನ ಶ್ರೀಸಾಯಿ ಓಂಕಾರೇಶ್ವರ ಸಂಜೀವಿನಿ ಪಿರಮಿಡ್ ಧ್ಯಾನಕೇಂದ್ರಕ್ಕೆ ಶ್ರೀ ಭೇಟಿ

ಇಲ್ಲಿಗೆ ಸಮೀಪದ ದೇವಿಕ್ಯಾಂಪಿನ ಶ್ರೀಸಾಯಿ ಓಂಕಾರೇಶ್ವರ ಸಂಜೀವಿನಿ ಪಿರಮಿಡ್ ಧ್ಯಾನಕೇಂದ್ರಕ್ಕೆ ಭೇಟಿ ನೀಡಿ ಸತ್ಸಂಗದಲ್ಲಿ ಮಾತನಾಡಿದರು.ಇತ್ತೀಚಿನ ಒತ್ತಡದ ಜೀವನಕ್ಕೆ ಧ್ಯಾನ ಅವಶ್ಯಕ. ನಮ್ಮ ಗಮನ ಬೇರೆಡೆಗೆ ಹೋಗದಂತೆ, ಶಾಂತ ಮನಸ್ಸು, ಭಾವನೆಗಳು ಮತ್ತು ಆಲೋಚನೆಗಳ ಸ್ಪಷ್ಟತೆ, ನವ ಯೌವನ ಪಡೆಯುವುದು, ಆಂತರಿಕ ಶಕ್ತಿ ಮತ್ತು ಒತ್ತಡದ ಸಂದರ್ಭಗಳಲ್ಲಿಯೂ ಕೂಡ ಭಾವನೆಗಳನ್ನು ಸಮತೋಲನದಲ್ಲಿಡುವ ಸಾಮರ್ಥ್ಯವನ್ನು ನಾವು ಧಾನ್ಯದಿಂದ ಪಡೆದುಕೊಳ್ಳಬಹುದು ಎಂದರು.

ಬಳ್ಳಾರಿಯ ಪಿರಮಿಡ್ ಧ್ಯಾನ ಕೇಂದ್ರದ ನಾಗಿರೆಡ್ಡಿ ಮಾತನಾಡಿ, ೧೧೦ ವಯಸ್ಸಿನ ಹಿಮಾಲಯ ಯೋಗಿ ಸದಾನಂದಗಿರಿ ಸ್ವಾಮೀಜಿ ಅಸ್ಸಾಂ ರಾಜ್ಯದ ಗುವಾಹಟಿಯಲ್ಲಿನ ಆಗಿನ ರಾಜ ಜಕಾರಿಯ ಕಾಲೇಜಿನಲ್ಲಿ ೧೯೩೮ರಲ್ಲಿ ಮಾಸ್ಟರ್ ಡಿಗ್ರಿ ಪಡೆಯುತ್ತಾರೆ, ೧೯೪೪ರಲ್ಲಿ ಸನ್ಯಾಸತ್ವ ಪಡೆದ್ದು, ಅಲ್ಲಿಂದ ಇಲ್ಲಿಯವರೆಗೆ ಧ್ಯಾನ, ಧರ್ಮ ಪ್ರಚಾರದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ ಎಂದರು.

ಈ ಸಂದರ್ಭ ಬಳ್ಳಾರಿಯ ಗೀತಾ ಯಾದವ್, ಶಿರುಗುಪ್ಪ ಹನುಮೇಶ ಶ್ರೇಷ್ಠಿ, ಪ್ರವೀಣ್ ಪಾಟೀಲ್, ಡಾ. ಶಿಲ್ಪಾ ದಿವಟರ್, ನಿರ್ಮಲಾ ಜಡಿಯಪ್ಪ ಸಾಲಗುಂದಿ, ಬಿ.ಲಕ್ಷ್ಮೀ, ಗಂಗಣ್ಣ, ಪವನ್‌ಕುಮಾರ್, ಶೀಲ್ಪಾ, ರವಿಶಂಕರ್, ಭಾರತಿ, ಮೀನಾಕ್ಷಿ ಮಾನ್ವಿ, ಮಾರುತಿ, ರಮೇಶ, ಶರಣಪ್ಪ, ದುರಗಪ್ಪ, ಅರ್ಪಿತಾ, ನಾಗಮಣಿ, ಸೂರ್ಯವತಿ, ಪರಿಮಳ, ಶ್ರೀದೇವಿ ಗೂನಾಳ ಸೇರಿದಂತೆ ಇತರರಿದ್ದರು.