ಮೇಲುಕೋಟೆ ಧಾರ್ಮಿಕ ಕ್ಷೇತ್ರ ಕನ್ನಡ ಸಾಹಿತ್ಯ ಕ್ಷೇತ್ರಕ್ಕೆ ಅಚ್ಚಳಿಯದ ಕೊಡುಗೆ ನೀಡಿದೆ: ವಿ.ವೆಂಕಟರಾಮೇಗೌಡ

ಕನ್ನಡಪ್ರಭ ವಾರ್ತೆ ಮೇಲುಕೋಟೆ

87 ಸಾಹಿತ್ಯ ಸಮ್ಮೇಳನ ಪ್ರಚಾರ ರಥವನ್ನು ಸ್ವಾಗತಿಸಿ ಮಾತನಾಡಿ, ಕನ್ನಡದ ಮೊದಲ ಗೀತರೂಪಕ ರಚನೆಕಾರರೂ ಶ್ರೇಷ್ಠ ಕವಿಗಳೂ ಆದ ಪು.ತಿ.ನ ಭಾರತದ ಶ್ರೇಷ್ಠ ಪದ್ಮಶ್ರೀ ಮತ್ತು ಸಾಹಿತ್ಯಕಾಡೆಮಿ ಪ್ರಶಸ್ತಿಗೆ ಭಾಜನರಾಗಿ ಹುಟ್ಟೂರು ಜಿಲ್ಲೆ ಹಾಗೂ ಕರುನಾಡಿಗೆ ಕೀರ್ತಿತಂದಿದ್ದಾರೆ ಎಂದರು.

ಚೆಲುವನಾರಾಯಣಸ್ವಾಮಿ ದೇವಾಲಯದಿಂದ ಸಾಹಿತ್ಯ ಪ್ರಚಾರ ರಥಕ್ಕೆ ಪೂಜೆ ನೆರವೇರಿಸಿದ ದೇಗುಲದ ಕೈಂಕರ್ಯಪರರೂ ಆದ ಗ್ರಾಪಂ ಸದಸ್ಯ ವಾದ್ಯಾರ್ ತಿರುಮಲೆ ಮಾತನಾಡಿ, ಮಂಡ್ಯ ಜಿಲ್ಲಾಡಳಿತ ಸರ್ಕಾರದ ಸಹಕಾರದಲ್ಲಿ ಸಮ್ಮೇಳನಕ್ಕೆ ಅಚ್ಚುಕಟ್ಟಾಗಿ ಎಲ್ಲಾ ವ್ಯವಸ್ಥೆ ಮಾಡಿದೆ. ಸಾಹಿತ್ಯ ಸಮ್ಮೇಳನದ ಪ್ರಕ್ರಿಯೆಯಲ್ಲಿ ಭಾಗವಹಿಸಬೇಕು. ಸಾಹಿತ್ಯಾಸಕ್ತರು ಸ್ಮಾರಕಗಳ ತವರು ಮೇಲುಕೋಟೆಗೆ ಬಂದಾಗ ಅವರೊಡನೆ ಸೌಹಾರ್ದಯುವಾಗಿ ನಡೆದುಕೊಂಡು ಮೇಲುಕೋಟೆಯ ಸ್ಮಾರಕಗಳ ಮಹತ್ವದ ಮಾಹಿತಿಯನ್ನು ಅವರಿಗೆ ತಿಳಿಸಬೇಕು ಎಂದರು.