(ಮಿಡಲ್‌) ಮಲೆನಾಡನ್ನು ನಾಚಿಸುತ್ತಿರುವ ಮಿಂಚು ಬಂಡೆ ಜಲಪಾತ

ಕನ್ನಡಪ್ರಭ ವಾರ್ತೆ ಮೊಳಕಾಲ್ಮುರು

ಮುಖ್ಯ ರಸ್ತೆಗೆ ಹೊಂದಿಕೊಂಡಂತಿರುವ ಈ ಸ್ಥಳವೂ ಮಲೆ ನಾಡಿನಲ್ಲಿ ಹರಿಯುವ ಜಲಪಾತವನ್ನು ನೆನೆಪಿಸುವಂತೆ ಜುಳು ಜುಳು ನೀನಾಧದ ಮೂಲಕ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿದೆ. ರಾಜ್ಯ ಹೆದ್ದಾರಿಗೆ ಅಂಟಿಕೊಂಡಂತಿರುವ ಮಿಂಚು ಬಂಡೆ ಮಳೆಗಾಲದಲ್ಲಿ ಸೃಷ್ಟಿಯಾಗುವ ಜಲಪಾತ ನಿತ್ಯ ನೂರಾರು ಜನರನ್ನು ಬರಸೆಳೆದುಕೊಳ್ಳುತ್ತಿದೆ.

ಬಯಲು ಸೀಮೆಯಲ್ಲಿ ಸದಾ ಹಚ್ಚ ಹಸಿರಿನಿಂದ ದಟ್ಟವಾಗಿರುವ ಬಾಂಡ್ರವಿ ಅರಣ್ಯ ಪ್ರದೇಶ ಮಲೆ ನಾಡನ್ನು ನಾಚಿಸುವಂತೆ ಬೆಳೆದಿದೆ. ಸಾವಿರಾರು ಹೆಕ್ಟೇರ್ ಪ್ರದೇಶದಲ್ಲಿ ಹಬ್ಬಿರುವ ದಟ್ಟ ಕಾನನ ಸಂಡೂರು ತಾಲೂಕನ್ನು ಆವರಿಸಿಕೊಂಡಿದೆ. ಈ ಭಾಗದಲ್ಲಿ ಉತ್ತಮ ಮಳೆ ಬಿದ್ದಲ್ಲಿ ಇಲ್ಲಿನ ಮಿಂಬು ಬಂಡೆಯ ಮೂಲಕ ನೀರು ಹರಿದು ಹಳ್ಳ ಸೇರಲಿದೆ. ತಾಲೂಕಿನಲ್ಲಿ ನಿರೀಕ್ಷೆಗೆ ತಕ್ಕಂತೆ ಮಳೆಯಾಗದೆ ಇದ್ದರೂ ಮಿಂಚು ಬಂಡೆಯ ಮೇಲ್ಬಾಗದ ಅರಣ್ಯ ಪ್ರದೇಶದಲ್ಲಿ ಬಿದ್ದ ಮಳೆಯಿಂದಾಗಿ ಮುಂಗಾರು ಆರಂಬಕ್ಕೂ ಮೊದಲೇ ಜಲಪಾತದ ಸೊಬಗು ಕಾಣುತ್ತಿರುವುದು ಪ್ರವಾಸಿಗರಿಗೆ ಪ್ರಮುಖ ಆಕರ್ಷಣೆಯ ಸ್ಥಳವಾಗಿದೆ. ಶನಿವಾರ ತಾಲೂಕಿನಾದ್ಯಂತ ತುಂತುರು ಮಳೆಯಾಗಿದೆ. ರಾಯಾಪುರ 2.2ಮಿಮೀ, ಬಿಜಿಕೆರೆ 2.5ಮಿಮೀ, ರಾಂಪುರ 3.2 ಮಿಮೀ ಮಳೆಯಾಗಿರುವ ವರದಿಯಾಗಿದೆ.