)
)
ಸಾರಾಂಶ
ಐದು ದಿನಗಳ ಇಂಡಿಯಾ ಮೇರಿಟೈಮ್‌ ವೀಕ್‌ (ಐಎಂಡಬ್ಲ್ಯೂ)-2025 ಸಮಾವೇಶದ ಎರಡನೇ ದಿನ ಮಂಗಳವಾರ ನವಮಂಗಳೂರು ಬಂದರು ಪ್ರಾಧಿಕಾರ (ಎನ್‌ಎಂಪಿಎ) ಸುಮಾರು 53 ಸಾವಿರ ಕೋಟಿ ರು. ಮೌಲ್ಯದ ಒಪ್ಪಂದಕ್ಕೆ ಸಹಿ ಹಾಕಿದೆ.
ಮಂಗಳೂರು: ಮುಂಬೈನ ಬಾಂಬೆ ಎಕ್ಸಿಬಿಷನ್‌ ಸೆಂಟರ್‌ನಲ್ಲಿ ಆರಂಭವಾದ ಐದು ದಿನಗಳ ಇಂಡಿಯಾ ಮೇರಿಟೈಮ್‌ ವೀಕ್‌ (ಐಎಂಡಬ್ಲ್ಯೂ)-2025 ಸಮಾವೇಶದ ಎರಡನೇ ದಿನ ಮಂಗಳವಾರ ನವಮಂಗಳೂರು ಬಂದರು ಪ್ರಾಧಿಕಾರ (ಎನ್‌ಎಂಪಿಎ) ಸುಮಾರು 53 ಸಾವಿರ ಕೋಟಿ ರು. ಮೌಲ್ಯದ ಒಪ್ಪಂದಕ್ಕೆ ಸಹಿ ಹಾಕಿದೆ.
ಎಂಆರ್‌ಪಿಎಲ್, ಏಗಿಸ್ ವೋಪಾಕ್, ರಿಲಯನ್ಸ್, ಎಚ್‌ಪಿಎಲ್, ಜಿಎಂಪಿಎಲ್ ಮತ್ತು ಐಪಿಆರ್‌ಸಿಎಲ್‌ ಮುಂತಾದ 18 ವಿವಿಧ ಉದ್ಯಮಗಳ ಜೊತೆ ಎನ್‌ಎಂಪಿಎ ಅಧ್ಯಕ್ಷ ಡಾ.ಎ.ವಿ.ರಮಣ ಅವರು ಸಹಿ ಹಾಕಿದರು. ಇದರೊಂದಿಗೆ ಪಶ್ಚಿಮ ಕರಾವಳಿಯಲ್ಲಿ ಹೂಡಿಕೆ ಸಾಮರ್ಥ್ಯ ವೃದ್ಧಿಗೆ ಸಾಕ್ಷಿಯಾಯಿತು.ಬಂದರು ಪ್ರವಾಸೋದ್ಯಮ ಕುರಿತ ಅಧಿವೇಶನದಲ್ಲಿ ಮಾತನಾಡಿದ ಡಾ.ರಮಣ, ಭಾರತದ ಬೆಳವಣಿಗೆಗೆ ಕ್ರೂಸ್ ಸಾಮರ್ಥ್ಯ, ತಡೆರಹಿತ ಪ್ರಯಾಣಿಕ ಅನುಭವ, ಡಿಜಿಟಲೀಕರಣ, ತೀರ ಶಕ್ತಿ ಅಳವಡಿಕೆ ಮತ್ತು ಹಸಿರು ಪ್ರವಾಸಿ ಮೂಲಸೌಕರ್ಯದ ಅಗತ್ಯವನ್ನು ಒತ್ತಿ ಹೇಳಿದರು. ಕರ್ನಾಟಕ ಬಂದರು ಸಚಿವ ಮಾಂಕಾಳ ವೈದ್ಯ ಮಾತನಾಡಿ, ಎನ್‌ಎಂಪಿಎ ಪೆವಿಲಿಯನ್ ಭೇಟಿ ಸಂದರ್ಭದಲ್ಲಿ ಅಧ್ಯಕ್ಷರ ನಾಯಕತ್ವದ ಬಗ್ಗೆ ಶ್ಲಾಘಿಸಿದರು. 2019-2025ರ ಅವಧಿಯಲ್ಲಿ ಎನ್‌ಎಂಪಿಎ ನಾಲ್ಕು ಪಟ್ಟು ಹೆಚ್ಚಳ ಲಾಭ ಗಳಿಸಿದ್ದು, ಭಾರತದ ಅತ್ಯಂತ ದಕ್ಷ ಮತ್ತು ಸುಸ್ಥಿರ ಬಂದರುಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿದೆ ಎಂದರು.
;Resize=(128,128))
)
)
;Resize=(128,128))
)