ಇಂದು- ನಾಳೆ ಮೈಸೂರಿನ ಮೊದಲ ‘ಜವಾರಿ ಕಾಳು ಮೇಳ’

ಕನ್ನಡಪ್ರಭ ವಾರ್ತೆ ಮೈಸೂರು

ಈ ಅಮೂಲ್ಯ ಪರಂಪರೆಯನ್ನು ಸಂಭ್ರಮಿಸಲು, ಸಹಜ ಸಮೃದ್ಧ, ವಿಶ್ವ ಅಗ್ರೋ ಟೆಕ್ ಮತ್ತು ಬಯೋ ಟೆಕ್ ಸಹಯೋಗದಲ್ಲಿ ಏ.5 ಮತ್ತು 6 ರಂದು ಬೆಳಗ್ಗೆ 10 ರಿಂದ ರಾತ್ರಿ 8 ರವರೆಗೆ ಮೈಸೂರಿನ ನಂಜರಾಜ ಬಹದ್ದೂರ್ ಛತ್ರದಲ್ಲಿ ‘ಜವಾರಿ ಕಾಳು ಮೇಳ’ ವನ್ನು ಆಯೋಜಿಸಿದೆ.

ರಾಜ್ಯದ ವಿವಿಧ ಭಾಗಗಳಿಂದ ರೈತರು ಮತ್ತು ಬೀಜ ಸಂರಕ್ಷಕರು ಜವಾರಿ ಕಾಳು ಮತ್ತು ಮೌಲ್ಯವರ್ಧಿತ ಉತ್ಪನ್ನಗಳನ್ನು ತರಲಿದ್ದಾರೆ. ಬೆಳಗಾವಿಯ ಬೀಜ ಸಂರಕ್ಷಕ ಶಂಕರ ಲಂಗಟಿ ಮೂತ್ರಕೋಶ ಕಲ್ಲು ಕರಗಿಸುವ ಔಷಧೀಯ ಗುಣಲಕ್ಷಣ ಹೊಂದಿರುವ ಕಪ್ಪು ಕಡಲೆ ಮತ್ತು ಅಪರೂಪದ ಹಸಿರು ಕಡಲೆ ತಳಿಯನ್ನು ತರಲಿದ್ದಾರೆ. ಧಾರವಾಡದ ದೇವಧಾನ್ಯ ರೈತ ಕಂಪನಿಯವರು ಕಪ್ಪು ಹುರುಳಿಕಾಳು ಮತ್ತು ಇತರ ಸ್ಥಳೀಯ ಬೇಳೆಗಳನ್ನು ತರಲಿದ್ದಾರೆ. ಹಾವೇರಿಯ ಮಹಿಳಾ ಗುಂಪು 18 ಪ್ರಕಾರದ ಕಡಲೆ ಕಾಯಿ ತಳಿಗಳನ್ನು ಪ್ರದರ್ಶಿಸಲಿದ್ದಾರೆ.