ವಿಜೃಂಭಣೆಯಿಂದ ಜರುಗಿದ ನಾರಾಯಣಸ್ವಾಮಿ ದಿವ್ಯ ರಥೋತ್ಸವ

ಹಲವು ಗಣ್ಯರು ಭೇಟಿ ನೀಡಿ ನಾರಾಯಣಸ್ವಾಮಿಗೆ ಪೂಜೆ ಸಲ್ಲಿಸಿ ಭಕ್ತಿ ಸಮರ್ಪಣೆಕನ್ನಡಪ್ರಭ ವಾರ್ತೆ ಕೊಳ್ಳೇಗಾಲ ಕೊಳ್ಳೇಗಾಲ ಪಟ್ಟಣದಲ್ಲಿ ನಾರಾಯಣಸ್ವಾಮಿ ದಿವ್ಯ ರಥೋತ್ಸವವು ವಿಧಿ, ವಿಧಾನಗಳೊಂದಿಗೆ ಶನಿವಾರ ವಿಜೃಂಭಣೆಯಿಂದ ಜರುಗಿತು. ಶನಿವಾರ ಬೆಳಗ್ಗೆ 9 ಗಂಟೆಗೆ ಸರಿಯಾಗಿ ಮೀನ ಲಗ್ನದಲ್ಲಿ ರಥೋತ್ಸವಕ್ಕೆ ಚಾಲನೆ ದೊರೆಯಿತು.

ಶನಿವಾರ ಸಂಜೆ ನಾರಾಯಣಸ್ವಾಮಿ ದೇಗುಲದಲ್ಲಿ ದೂಳಿ ಉತ್ಸವ ಸಾಂಗವಾಗಿ ನೆರವೇರಿತು. ಈಗಾಗಲೇ 17ರಿಂದ ವಿವಿಧ ಉತ್ಸವಗಳು ಜರುಗಿದ್ದು, 28ರಂದು ವೈಮಾಳಿಗೆ ಉತ್ಸವದ ಬಳಿಕ ನಾರಾಯಣಸ್ವಾಮಿ ದಿವ್ಯ ರಥೋತ್ಸವದ ವಿಶೇಷ ಕಾರ್ಯಕ್ರಮಗಳಿಗೆ ತೆರೆ ಬೀಳಲಿದೆ. ದಿವ್ಯ ರಥೋತ್ಸವದ ವಿಶೇಷ ಪೂಜೆಯೂ ಶೇಷಾದ್ರಿ ಭಟ್ಟರು ಸೇರಿದಂತೆ ಇನ್ನಿತರರ ಸಾಮೀಪ್ಯದಲ್ಲಿ ಜರುಗಿತು. ಈಗಾಗಲೇ ಹಂಸವಾನೋತ್ಸವ, ಶೇಷವಾಹನ ಉತ್ಸವ, ಸೌಮ್ಯ ಲಕ್ಷ್ಮಿ ಕಲ್ಯಾಣ ಉತ್ಸವಗಳು ಜರುಗಿದ್ದು ಫೆ.25ರಂದು ಡೋಲೋತ್ಸವ, ಶಯನೋತ್ಸವ, ಮಂಟಪೋತ್ಸವ ವಿಧಿ, ವಿಧಾನಗಳೊಂದಿಗೆ ಜರುಗಲಿದೆ.