ನೇಹಾ ಕೊಲೆಗಾರನಿಗೆ ಗಲ್ಲು ಶಿಕ್ಷೆಯಾಗಲಿ: ಗುರು ಮಠಪತಿ

ದಾಂಡೇಲಿ: ನೇಹಾ ಹಿರೇಮಠ ಅವಳನ್ನು ಕೊಲೆಗೈದ ದುಷ್ಕರ್ಮಿಗೆ ಗಲ್ಲು ಶಿಕ್ಷೆ ವಿಧಿಸುವಂತೆ ಆಗ್ರಹಿಸಿ ವೀರಶೈವ ಸಮಾಜ ಹಾಗೂ ಬೇಡಜಂಗಮ ಸಮಾಜದ ವತಿಯಿಂದ ರಾಜ್ಯಪಾಲರಿಗೆ ಶನಿವಾರ ಮನವಿ ಸಲ್ಲಿಸಲಾಯಿತು.

ಇದೇ ಸಂದರ್ಭದಲ್ಲಿ ಸಾಮೂಹಿಕವಾಗಿ ನೇಹಾ ಹಿರೇಮಠ ಭಾವಚಿತ್ರಕ್ಕೆ ಮೇಣದ ಬತ್ತಿ ಬೆಳಗುವ ಮೂಲಕ ನೇಹಾ ಹಿರೇಮಠ ಅವಳಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.

ಸಮುದಾಯದ ಪ್ರಮುಖರಾದ ಮಧುಕೇಶ್ವರ ಹಿರೇಮಠ, ಡಾ. ಶೇಖರ ಹಂಚಿನಾಳಮಠ, ಶಂಕ್ರಯ್ಯ ಹಿರೇಮಠ, ಚಂದ್ರು ಮಾಳಿ, ಶಂಕರಯ್ಯ ಜಡೆಹಿರೇಮಠ, ಈರಯ್ಯ ಸಾಲಿಮಠ, ಹನುಮಂತ ಕಾರಗಿ, ಶ್ರೀಶೈಲ ಹಿರೇಮಠ, ಗೀತಾ ಶಿಕಾರಿಪುರ, ಕೆಬಿ ನಂಜುಂಡಪ್ಪ, ಡಾ. ಕೆಂಬಾವಿ, ಮಂಗಳಾ ವಡೇಕರ, ಮೈತ್ರಾ ಜಿಗಳಿ, ಅಕ್ಷತಾ, ಗಿರಿಜಾ ಹಿರೇಮಠ, ಸಾವಿತ್ರಿ ಬಡಿಗೇರ, ದೇವಕ್ಕ ಕೆರೆಮನೆ, ಸುಜಾತಾ ಎಲಿಗಾರ ಇದ್ದರು.

ಹುಬ್ಬಳ್ಳಿಯ ವಿದ್ಯಾರ್ಥಿನಿ ನೇಹಾ ಹಿರೇಮಠ ಹತ್ಯೆ ಮಾಡಿದವನ ಮೇಲೆ ಕಾನೂನು ಕ್ರಮ ಕೈಗೊಂಡು ಕಠಿಣ ಶಿಕ್ಷೆ ವಿಧಿಸಬೇಕೆಂದು ಕಾಂಗ್ರೆಸ್ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಎಂ.ಎನ್. ದುಂಡಸಿ ಆಗ್ರಹಿಸಿದ್ದಾರೆ.