ನಿಖರ ವರದಿಗಳಿಂದ ಪತ್ರಿಕೆಗಳು ಜೀವಂತಿಕೆ ಉಳಿಸಿಕೊಂಡಿದೆ: ರಾಜೇಗೌಡ

ಪತ್ರಿಕಾ ದಿನಾಚರಣೆ, ವಾರ್ಷಿಕ ಪ್ರಶಸ್ತಿ ಪ್ರಧಾನ ಸಮಾರಂಭ ಉದ್ಘಾಟಿಸಿ

ದೃಶ್ಯ ಮಾಧ್ಯಮ ಮತ್ತು ಸಾಮಾಜಿಕ ಜಾಲತಾಣಗಳು ಹೆಚ್ಚು ಪ್ರಚಲಿತದಲ್ಲಿರುವ ಈ ದಿನಗಳಲ್ಲಿ ಪತ್ರಿಕೆಗಳು ತನ್ನ ನಿಖರ ವರದಿಗಳಿಂದ ಜೀವಂತಿಕೆ ಉಳಿಸಿಕೊಂಡಿದೆ ಎಂದು ಶಾಸಕ ಟಿ.ಡಿ.ರಾಜೇಗೌಡ ಹೇಳಿದರು.

ಪತ್ರಿಕಾ ವರದಿಗಳು ಪಾರದರ್ಶಕವಾಗಿ ಇರಬೇಕು. ಮುದ್ರಣ ಮಾಧ್ಯಮಕ್ಕೆ ಅಳಿವಿಲ್ಲ ಎಂದ ಅವರು ಸರ್ಕಾರ ಮತ್ತು ಜನರ ನಡುವೆ ಸೇತುವೆಯಾಗಿ ಹಳ್ಳಿಗಳಲ್ಲಿ ಸೇವೆ ಸಲ್ಲಿಸುವ ಪತ್ರಕರ್ತರ ಪರಿಸ್ಥಿತಿ ಉತ್ತಮವಾಗಿಲ್ಲ. ತಾಲೂಕುಗಳಲ್ಲಿ ಪತ್ರಕರ್ತರ ಭವಿಷ್ಯ ನಿಧಿಯನ್ನು ಸ್ಥಾಪಿಸಬೇಕು. ಈ ನಿಟ್ಟಿನಲ್ಲಿ ನಾನು ಸಹಕಾರ ನೀಡಲು ಸಿದ್ಧ ಎಂದು ತಿಳಿಸಿದರು.

ವಕೀಲ ಸುಧೀರ್ ಕುಮಾರ್ ಮುರೊಳ್ಳಿ ಮಾತನಾಡಿ, ಪತ್ರಕರ್ತರಿಗೆ ಕಾಯ್ದೆ ರಚನೆಯಾಗಬೇಕು ಎಂಬುದು ಜಗತ್ತಿನ ಕೂಗಾಗಿದೆ. ಈ ಕೂಗಿನ ಜತೆ ನಾವು ದನಿಗೂಡಿಸಬೇಕಾಗಿದೆ. ವಕೀಲರಿಗೆ, ವೈದ್ಯರಿಗೆ ಕಾಯ್ದೆಗಳು ಇದೆ. ಪತ್ರಕರ್ತರನ್ನು ಕಟ್ಟಿ ಹಾಕಲು ಕಾಯ್ದೆಗಳು ಇವೆಯೇ ಹೊರತು, ಅವರನ್ನು ರಕ್ಷಿಸಲು ಕಾಯ್ದೆಗಳು ಇಲ್ಲ ಎಂದರು.

ಕಾರ್ಯನಿರತ ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷ ಸಿ.ಎಚ್.ಮೂರ್ತಿ, ತಾಲೂಕು ಅಧ್ಯಕ್ಷ ಜಿನೇಶ್ ಇರ್ವತ್ತೂರು, ಪತ್ರಕರ್ತರಾದ ವಿಶ್ವನಾಥ್ ಶೆಟ್ಟಿ, ಕೆ.ಜಯಕುಮಾರ್ ಮಾತನಾಡಿದರು.