ಟೌನ್ ಕೋ ಆಪರೇಟಿವ್ ಸೊಸೈಟಿಗೆ ನಿಶಾನಿ ಐದನೇ ಬಾರಿ ಸಾರಥಿ

2 ಕೋಟಿ ವೆಚ್ಚದಲ್ಲಿ ಸಹಕಾರಿ ಸಮುದಾಯ ಭವನವನ್ನು ನಿರ್ಮಾಣದ ಉದ್ದೇಶ

ಕನ್ನಡಪ್ರಭ ವಾರ್ತೆ ಚಿತ್ರದುರ್ಗ

ಸೊಸೈಟಿಗೆ ಐದನೇ ಬಾರಿಗೆ ಅಧಿಕಾರ ವಹಿಸಿಕೊಂಡ ನಂತರ ಭೇಟಿಯಾದ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಮುಂದಿನ ಸಾಮಾನ್ಯ ಸಭೆಯ ಒಳಗಾಗಿ ಸೊಸೈಟಿಯ ಮೇಲೆ ಇರುವ ಜಾಗದಲ್ಲಿ ಎರಡು ಕೋಟಿ ರುಪಾಯಿ ವೆಚ್ಚದ ಸಹಕಾರ ಸಮುದಾಯ ಭವನವನ್ನು ನಿರ್ಮಾಣ ಮಾಡುವ ಗುರಿ ಹೊಂದಲಾಗಿದೆ. ಅಲ್ಲದೇ ಸದಸ್ಯರಿಗೆ ಶೇ.2್5 ರಷ್ಟು ಡಿವಿಡೆಂಡ್ ನೀಡಲು ತೀರ್ಮಾನಿಸಲಾಗಿದೆ ಎಂದರು.

ಪ್ರಾರಂಭದಲ್ಲಿ ಉತ್ತಮವಾದ ಸ್ಥಿತಿಯಲ್ಲಿದ್ದ ಸೋಸೈಟಿ ಕಾಲಕ್ರಮೇಣ ಕೆಲವರ ಕೈಗೆ ಸಿಕ್ಕು ನರಳಿ ನಷ್ಠ ಅನುಭವಿಸಿತು. 2005 ರಿಂದ ನಾವು ಅಧಿಕಾರ ಹಿಡಿಯುವವರೆಗೂ 1.50 ಕೋಟಿ ಸೊಸೈಟಿ ನಷ್ಠದಲ್ಲಿತ್ತು ಎಂದರು.

ಡಿಸಿಸಿ ಬ್ಯಾಂಕ್ ನಲ್ಲಿ ಸೊಸೈಟಿಯ ಪ್ರಗತಿಗಾಗಿ 50 ಲಕ್ಷ ರು.ಗಳನ್ನು ಸಾಲವಾಗಿ ಪಡೆಯಲಾಗಿತ್ತು. ಅದನ್ನು ತೀರಿಸಿ ಈಗ ಸ್ವಂತ ಬಂಡವಾಳ ಹೊಂದಲಾಗಿದೆ. ಹಲವಾರು ಜನ ಸೊಸೈಟಿಯಲ್ಲಿ ತಮ್ಮ ಹಣವನ್ನು ಠೇವಣಿಯಾಗಿ ಇಟ್ಟಿದ್ದಾರೆ. ಇದರಲ್ಲಿ ಅವಧಿ ಸಾಲವಾಗಿ 50 ಸಾವಿರ, ವ್ಯವಹಾರಕ್ಕಾಗಿ ಮಧ್ಯಮ ವರ್ಗದವರಿಗೆ 1 ಲಕ್ಷ ರು ವರೆಗೂ ಸಾಲ ನೀಡಲಾಗುತ್ತಿದೆ. ನಾವು ಅಧ್ಯಕ್ಷರಾದ ಮೇಲೆ ಸದಸ್ಯರಿಗೆ ಡಿವಿಡೆಂಡ್ ನೀಡಲಾಗುತ್ತಿದೆ. ಕಳೆದ ಬಾರಿ ಶೇ. 16 ರಷ್ಟು ನೀಡಲಾಗಿತ್ತು ಎಂದರು.