ನರೇಗಾ ಕೂಲಿಯಲ್ಲಿ ಮೋಸ: ತಾಪಂ ಕಚೇರಿಗೆ ದೂರು

ಕನ್ನಡಪ್ರಭವಾರ್ತೆ ಪಾವಗಡ

ಬುಧವಾರ ಏಕಾಏಕಿ ಕಚೇರಿಗೆ ಬಂದ ಕೂಲಿಕಾರರು, ಪ್ರಸಕ್ತ ಸಾಲಿಗೆ ನರೇಗಾ ಯೋಜನೆ ಅಡಿ ಬೂದಿಬೆಟ್ಟ ಗ್ರಾಪಂ ವ್ಯಾಪ್ತಿಯ ಯರಮ್ಮನಹಳ್ಳಿ ಕೆರೆಯಲ್ಲಿ ಹೂಳೆತ್ತುವ ಕಾಮಗಾರಿ ಕೈಗೊಳ್ಳಲಾಗಿದೆ. 20ಕ್ಕೂ ಹೆಚ್ಚು ಮಂದಿ ಕೂಲಿ ಕೆಲಸದಲ್ಲಿ ನಿರತರಾಗಿದ್ದು, 20ಮಂದಿಗೆ 7ದಿನದ ಕಾಮಗಾರಿಯ ಕೂಲಿಹಣ ಬಿಡುಗಡೆಯಾಗಬೇಕಿದೆ. ಪ್ರತಿದಿನ ತಲಾ 370ರುಗಳ ಕೂಲಿ ನೀಡುವಂತೆ ಸರ್ಕಾರದ ಆದೇಶವಿದೆ. ಆದರೆ ಇಲ್ಲಿನ ಪಿಡಿಒ ಹಾಗೂ ನರೇಗಾ ಎಂಜಿನಿಯರ್‌ ಸೇರಿ ಪ್ರತಿದಿನ ಒಬ್ಬ ಕೂಲಿಕಾರ್ಮಿಕನಿಗೆ ತಲಾ 190ರು ಕೂಲಿ ಹಣ ನಿಗದಿಪಡಿಸಿದ್ದಾರೆ. ಇದು ಕಾರ್ಮಿಕರಿಗೆ ಮಾಡುವ ಮೋಸವಾಗಿದೆ. ನ್ಯಾಯಯುತವಾಗಿ ಪ್ರತಿದಿನದ ಕೂಲಿ 370ರುಗಳಂತೆ ಲೆಕ್ಕಹಾಕಿ 20ಮಂದಿಗೆ 7ದಿನದ ಕೂಲಿ ಹಣ ನೀಡುವಂತೆ ತಾಪಂ ಇಒಗೆ ಆಗ್ರಹಿಸಿದರು.