ಕೇಂದ್ರ ಸ್ಥಾನದಲ್ಲಿದ್ದು ಅಧಿಕಾರಿಗಳು ಕಾರ್‍ಯನಿರ್ವಹಿಸಿ

ಕನ್ನಡಪ್ರಭ ವಾರ್ತೆ ಚಿಂಚೋಳಿ

ತಾಲೂಕ ತಹಸೀಲ್ದಾರ್‌ ಕಚೇರಿಯಲ್ಲಿ ಸಾರ್ವಜನಿಕರ ಅಹವಾಲು ಸ್ವೀಕಾರ ಕಾರ್ಯಕ್ರಮದಲ್ಲಿ ಮಾತನಾಡಿ, ಕಂದಾಯ ಇಲಾಖೆ ಮತ್ತು ಪುರಸಭೆ ಇಲಾಖೆಗಳಲ್ಲಿ ನಡೆಯುತ್ತಿರುವ ಭ್ರಷ್ಟಾಚಾರ ಲಂಚತನ ಬಗ್ಗೆ ಜನರಿಂದ ದೂರುಗಳು ಬರುತ್ತಿವೆ. ನಿಮಗೆ ಯಾರು ಕೇಳುವವರಿಲ್ಲ ಎಂದು ತಿಳಿದುಕೊಳ್ಳಬೇಡಿ. ಜನರ ಸಮಸ್ಯೆಗಳನ್ನು ಸ್ಪಂದಿಸುವುದಕ್ಕಾಗಿಯೇ ಲೋಕಾಯುಕ್ತ ಇಲಾಖೆ ಗಮನಹರಿಸುತ್ತಿದೆ ಎಂದು ಎಚ್ಚರಿಕೆ ನೀಡಿದರು.

ಕೇಂದ್ರ ಸ್ಥಾನದಲ್ಲಿ ಅಧಿಕಾರಿಗಳು ಇರಬೇಕು. ಅಧಿಕಾರಿಗಳ ವಿರುದ್ಧ ದೂರು ಬಂದರೆ ಯಾರಿಗೂ ಬಿಡುವುದಿಲ್ಲ. ಕಂದಾಯ ಇಲಾಖೆಯಲ್ಲಿ ಜಾತಿ ಆದಾಯ, ವಂಶಾವಳಿ, ೩೭೧(ಜೆ), ಭೂಮಾಪನ ಇಲಾಖೆಯಲ್ಲಿ ಲಂಚ ಕೊಡದೇ ಇದ್ದಲ್ಲಿ ಜನರ ಕೆಲಸಗಳು ಆಗುತ್ತಿಲ್ಲವೆಂದು ಸಾರ್ವಜನಿಕರು ದೂರು ನೀಡುತ್ತಿದ್ದಾರೆ. ಅಧಿಕಾರಿಗಳ ವಿರುದ್ಧ ಕ್ರಮ ಕೈಕೊಳ್ಳಲಾಗುವುದು ಎಂದು ಡಿವೈಎಸ್ಪಿ ಗೀತಾ ಬೇನಾಳ ಹೇಳಿದರು.

ಹಣಮಂತರಾವ ದೇಶಪಾಂಡೆ ವಂಶಾವಳಿ ಪ್ರಮಾಣಕ್ಕಾಗಿ ಕಂದಾಯ ನಿರೀಕ್ಷಕರು ₹೫೦೦ ಲಂಚ ಕೇಳುತ್ತಾರೆ. ಒಂದು ತಿಂಗಳಿಂದ ಕಚೇರಿಗೆ ಅಲೆದಾಡಿ ಸಾಕಾಗಿದೆ ಎಂದು ಬೇಸರ ವ್ಯಕ್ತಪಡಿಸಿದರು. ಭೂಮಾಪನ ಇಲಾಖೆಯಲ್ಲಿ ಫಾರಂ ೧೦ ನಕಲು ಕೊಡಲು ಸಹಾ ಹಣ ನೀಡಬೇಕು. ಉಪ-ನೋಂದಣಿ ಇಲಾಖೆಯಲ್ಲಿ ಜನರ ಆಸ್ತಿ ಪಾಸ್ತಿ ನೋಂದಣಿಯಲ್ಲಿ ಹೆಚ್ಚು ಲಂಚತನ ನಡೆದಿದೆ ಅಧಿಕಾರಿಗಳ ವಿರುದ್ಧ ಕ್ರಮ ಕೈಕೊಳ್ಳಬೇಕು. ಬಿಸಿಎಂ ಹಾಸ್ಟೆಲ್‌ನಲ್ಲಿ ಮಕ್ಕಳಿಗೆ ಮೂಲ ಸೌಕರ್ಯಗಳೇ ಇಲ್ಲ ಎಂದು ಗೌತಮ ಹೂಡದಲ್ಲಿ ಲೋಕಾಯುಕ್ತ ಗಮನಕ್ಕೆ ತಂದರು.

ಲೋಕಾಯುಕ್ತ ಇಲಾಖೆ ಬಗ್ಗೆ ಜನಜಾಗೃತಿ: ಅಧಿಕಾರಿಗಳ ವಿರುದ್ಧ ದೂರು ಸಲ್ಲಿಸಿದರೆ ಜನರಲ್ಲಿರುವ ಭಯ ಹೋಗಲಾಡಿಸುವ ವಿಶ್ವಾಸ ಮಾಡುವಂತಹ ಕೆಲಸ ಮಾಡಲಾಗುತ್ತಿದೆ. ಆಡಳಿತದಲ್ಲಿ ಚುರುಕುತನ ತೋರಿಸಲಾಗುತ್ತಿದೆ. ಜನರಿಗೆ ಸಲಹೆ ಸೂಚನೆ ನೀಡಲಾಗುತ್ತಿದೆ. ಲೋಕಾಯುಕ್ತ ಇಲಾಖೆ ಜನರಲ್ಲಿ ನಂಬಿಕೆ ಇರುವಂತಹ ಕೆಲಸವನ್ನು ಮಾಡಲಾಗುತ್ತಿದೆ. ಜನರು ಹಣ ಕೊಡುವುದು ಅಪರಾಧ ಅಧಿಕಾರಿಗಳು ಹಣ ಸ್ವೀಕರಿಸುವುದು ಅಪರಾಧ ಇದರ ಬಗ್ಗೆ ಜಾಗೃತಿ ಮೂಡಿಸಲಾಗುತ್ತಿದೆ ಎಂದು ಡಿವೈಎಸ್‌ ಗೀತಾ ಬೇನಾಳ ಹೇಳಿದರು.