ಜೂನ್‌ 23ರಂದು ಪ್ರತಿಭಾ ಪುರಸ್ಕಾರ, ನಿವೃತ್ತ ನೌಕರರಿಗೆ ಅಭಿನಂದನಾ ಸಮಾರಂಭ

ಬ್ಯಾಡಗಿ: ಸಾದು ವೀರಶೈವ ಸಮಾಜದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಹಾಗೂ ಸಮಾಜದ ನಿವೃತ್ತ ನೌಕರರಿಗೆ ಅಭಿನಂದನಾ ಸಮಾರಂಭವು ಜೂ. 23ರಂದು ಬೆಳಗ್ಗೆ ಪಟ್ಟಣದ ಶ್ರೀ ಸಿದ್ಧೇಶ್ವರ ದೇವಸ್ಥಾನದ ಸಭಾಭವನದಲ್ಲಿ ನಡೆಯುವುದಾಗಿ ತಾಲೂಕು ಘಟಕದ ಅಧ್ಯಕ್ಷ ಡಾ.ಎಸ್.ಎಸ್‌. ಬಿದರಿ ತಿಳಿಸಿದರು.

ಸುಸಂದರ್ಭದಿಂದ ಅವಕಾಶ ವಂಚಿತರಾಗದಿರಲಿ: ಸಮಾಜದ ಮುಖಂಡ ಹಾಗೂ ನ್ಯಾಯವಾದಿ ಪ್ರಕಾಶ ಬನ್ನಿಹಟ್ಟಿ ಮಾತನಾಡಿ, ಕಳೆದ ಎರಡು ವರ್ಷದ ಹಿಂದೆಯೇ ನಡೆಯಬೇಕಾಗಿದ್ದ ಸಾದು ವೀರಶೈವ ಸಮಾಜದ ಪ್ರತಿಭಾ ಪುರಸ್ಕಾರ ಹಾಗೂ ಸಮಾಜದ ನಿವೃತ್ತ ನೌಕರರಿಗೆ ಅಭಿನಂದನಾ ಸಮಾರಂಭ ಅನಿವಾರ್ಯ ಕಾರಣಗಳಿಂದ ನಡೆಸಲು ಸಾಧ್ಯವಾಗಿರಲಿಲ್ಲ, ಆದರೆ ಸಮಾಜದ ವಿದ್ಯಾರ್ಥಿಗಳು ಇಂತಹ ಸುಸಂದರ್ಭದಿಂದ ಅವಕಾಶ ವಂಚಿತರಾಗದಿರಲಿ ಎಂಬ ಸದುದ್ದೇಶದಿಂದ ಹಿಂದಿನ ಎರಡೂ ವರ್ಷದ ಸಾಧಕರನ್ನು ಪ್ರಸಕ್ತ ವರ್ಷ ಪರಿಗಣಿಸಿ ಪುರಸ್ಕಾರ ಮಾಡುವುದಾಗಿ ತಿಳಿಸಿದರು. ಈ ಸಂದರ್ಭದಲ್ಲಿ ಗಂಗಣ್ಣ ಎಲಿ, ಮಲ್ಲಣ್ಣ ಹುಚ್ಚಗೊಂಡರ, ಚಿಕ್ಕಪ್ಪ ಛತ್ರದ, ಚಂದ್ರಮೌಳಿ ಎಲಿ, ಕುಮಾರಪ್ಪ ಚೂರಿ, ನಿವೃತ್ತ ಉಪನ್ಯಾಸಕರಾದ ಕೆ.ಜಿ. ಖಂಡೇಬಾಗೂರ, ಸಿ. ಶಿವಾನಂದಪ್ಪ, ಎಸ್.ಎಲ್. ತೆಂಬದ, ಜಿ.ಎಸ್. ಶಿರಗಂಬಿ ಹಾಗೂ ಇನ್ನಿತರರಿದ್ದರು.ಜೂ.20 ರೊಳಗೆ ನೊಂದಾಯಿಸಿಕೊಳ್ಳಿ: ಸನ್ 2022-23 ಹಾಗೂ 2023-24ರ ಎಸ್ಸೆಸ್ಸೆಲ್ಸಿ ಹಾಗೂ ಪಿಯುಸಿ ಪರೀಕ್ಷೆಯಲ್ಲಿ ಶೇ.85ಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದ ತಾಲೂಕಿನ ಸಾದು ವೀರಶೈವ ಸಮಾಜದ ಪ್ರತಿಭಾವಂತ ವಿದ್ಯಾರ್ಥಿಗಳು ತಮ್ಮ ಹೆಸರುಗಳನ್ನು ಮಹಾಂತೇಶ ಎಲಿ (ಮೊ. 9449419808) ನಿಂಗಪ್ಪ ಬಿದರಿ (ಮೊ. 9535955539) ಅಥವಾ ಚಂದ್ರಶೇಖರ ಹುದ್ದಾರ (ಮೊ. 9945147711) ಇವರಲ್ಲಿ ನೋಂದಾಯಿಸಿಕೊಳ್ಳಬೇಕು.