ರಂಗಭೂಮಿಯಲ್ಲಿ ನಿಷ್ಠೆ ಪ್ರಾಮಾಣಿಕತೆಯಿಂದ ಕೆಲಸ ಮಾಡಬೇಕು

ಕನ್ನಡಪ್ರಭವಾರ್ತೆ ಹೊಸದುರ್ಗ

ತಾಲೂಕಿನ ಸಾಣೇಹಳ್ಳಿಯ ಶ್ರೀ ಮಠದಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ನಾಟಕೋತ್ಸವದ ಸಮಾರೋಪ ಸಮಾರಂಭದಲ್ಲಿ ಶಿವಕುಮಾರ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದರು.

ರಂಗ ಚಟುವಟಿಕೆಗಳ ಬಗ್ಗೆ ಶ್ರೀಗಳಿಗೆ ಇರುವ ಮಮಕಾರ ವರ್ಣಿಸಲಾಗದು. ವೃತ್ತಿ ರಂಗಭೂಮಿಯೂ ನನ್ನ ಬೆಳವಣಿಗೆಗೆ ಸಹಕರಿಸಿದೆ. ನಾನು ಕೂಡ ನನ್ನ ಶಾಸಕರ ನಿಧಿಯಿಂದ ದತ್ತಿ ನಿಧಿಗೆ 5 ಲಕ್ಷ ನೀಡುತ್ತೇನೆ . ಯಾವುದೇ ಜಿಲ್ಲೆಯಲ್ಲಿ ನನ್ನ ಏಕಪಾತ್ರಾಭಿಯನದ ಶರ್ಮಿಷ್ಠ ನಾಟಕ ಅಭಿನಯಿಸಿ ಅದರಿಂದ ಬರುವ ಹಣವನ್ನು ಇಲ್ಲಿನ ಧತ್ತಿ ನಿಧಿಗೆ ನೀಡುತ್ತೇನೆ ಎಂದರು.

ಶಾಸಕ ಬಿಜಿ ಗೋವಿಂದಪ್ಪ ಮಾತನಾಡಿ ಕಣ್ಮರೆಯಾಗಿರುವ ಮೌಲ್ಯ, ನೈತಿಕತೆ, ಸಂಸ್ಕಾರವನ್ನು ನಾಟಕೋತ್ಸವ ಹಾಗೂ ಮತ್ತೆ ಕಲ್ಯಾಣದ ಮೂಲಕ ಜನರಿಗೆ ತಲುಪಿಸುವ ಕೆಲಸವನ್ನು ಸಾಣೇಹಳ್ಳಿ ಶ್ರೀಗಳು ಮಾಡುತ್ತಿದ್ದಾರೆ . ಶಿವ ಸಂಚಾರದ ಕಲಾವಿದರ ಭತ್ಯೆ ನೀಡಲು 3 ಕೋಟಿ ದತ್ತಿನಿಧಿ ಇಡಲು ಶ್ರೀಗಳು ನಿರ್ದರಿಸಿದ್ದು ಇದಕ್ಕಾಗಿ ವೈಯಕ್ತಿಕವಾಗಿ 5 ಲಕ್ಷ ಹಣವನ್ನು ನೀಡುವುದಾಗಿ ತಿಳಿಸಿದರು.

ಪ್ರಾರಂಭದಲ್ಲಿ ಸಾಣೇಹಳ್ಳಿಯ ಗುರುಪಾದೇಶ್ವರ ಪ್ರೌಢಶಾಲೆಯ ಮಕ್ಕಳು ನೃತ್ಯ ರೂಪಕ ನಡೆಸಿಕೊಟ್ಟರು. ಸಭಾ ಕಾರ್ಯಕ್ರಮದ ನಂತರ ಪಂಡಿತಾರಾಧ್ಯ ಸ್ವಾಮೀಜಿ ರಚಿಸಿರುವ ವೈ ಡಿ ಬದಾಮಿ ನಿರ್ದೇಶಿಸಿರುವ ಶಿವಯೋಗಿ ಸಿದ್ದರಾಮೇಶ್ವರ ನಾಟಕವನ್ನು ಶಿವಸಂಚಾರ -25ರ ಕಲಾವಿದರು ಅಭಿನಯಿಸಿದರು.

2004 ರಿಂದ ಶ್ರೀ ಶಿವಕುಮಾರ ಶಿವಾಚಾರ್ಯ ಸ್ವಾಮಿಗಳವರ ಹೆಸರಿನಲ್ಲಿ ಶ್ರೀ ಶಿವಕುಮಾರ ಪ್ರಶಸ್ತಿ ಯನ್ನು ಕಲಾಸಂಘವು ಕೊಡುತ್ತಾ ಬಂದಿದೆ. ರಂಗಭೂಮಿ ಮತ್ತು ರಂಗಚಟುವಟಿಕೆಗಳಲ್ಲಿ ಮಹತ್ವದ ಸಾಧನೆ ಮಾಡಿದ ಸಾಧಕರಿಗೆ ಲಿಂಗಭೇದವಿಲ್ಲದೆ ಈ ಪ್ರಶಸ್ತಿಯನ್ನು ನೀಡುತ್ತಾ ಬರಲಾಗಿದೆ..ಪ್ರಶಸ್ತಿಯು 50 ಸಾವಿರ ನಗದು ಹಾಗೂ ಪರಿತೋಷಕ ಒಳಗೊಂಡಿದೆ.