ಕೊಂಡೋತ್ಸವದೊಂದಿಗೆ ಪಟ್ಟಲದಮ್ಮನ ಜಾತ್ರಾ ಮಹೋತ್ಸವಕ್ಕೆ ತೆರೆ

ಕನ್ನಡಪ್ರಭ ವಾರ್ತೆ ಹಲಗೂರು

ಹಲಗೂರು ಮತ್ತು ವಳಗೆರೆದೊಡ್ಡಿ ಗ್ರಾಮಗಳ ಗ್ರಾಮ ದೇವತೆಯಾದ ಶ್ರೀಪಟ್ಟಲದಮ್ಮನ ಜಾತ್ರಾ ಮಹೋತ್ಸವ ಕಳೆದ ಏ.8 ರಂದು ಆರಂಭವಾಗಿ ನಿತ್ಯ ಪೂಜೆ ಪುನಸ್ಕಾರಗಳು ನಡೆದವು.

ಸಂಜೆ ಕರಿ ಬೀದಿಯ ಕರಗದ ಮನೆಯಿಂದ ಓಲೆ ಬಂಡಿ ಎಳವಾರವನ್ನು ಮೆರವಣಿಗೆಯಲ್ಲಿ ಪ್ರಮುಖ ರಸ್ತೆಗಳ ಮುಖಾಂತರ ಹೊರಟಾಗ ಜೊತೆಯಲ್ಲಿ ದೇವರ ಪೂಜಾ ಕುಣಿತ, ವೀರಗಾಸೆ ಕುಣಿತ, ಬೊಂಬೆ ಕುಣಿತ ಹಾಗೂ ಕರಡಿ ಗೊರಿಲ್ಲ ವೇಷಗಳನ್ನು ಧರಸಿ ಹೊರಟು ಪ್ರೇಕ್ಷಕರ ಮನಸೆಳೆಯಿತು.

ಮೆರವಣಿಗೆ ನಂತರ ಅರ್ಚಕರು ದೇವಸ್ಥಾನವನ್ನು ಮೂರು ಸುತ್ತು ಪ್ರದಕ್ಷಣೆ ಹಾಕಿ ಪೂಜೆ ಪುನಸ್ಕಾರಗಳು ನಡೆದ ನಂತರ ಅರ್ಚಕರು ದೇವರ ಗಿಂಡಿಯನ್ನು ಹೊತ್ತುಕೊಂಡು ಕೊಂಡ ಆಯ್ದರು. ನಂತರ ಜಾತ್ರಾ ಮಹೋತ್ಸವಕ್ಕೆ ತೆರೆ ಕಂಡಿತು.ಶ್ರೀಪಟ್ಟಲದಮ್ಮನ ಜಾತ್ರಾ ಮಹೋತ್ಸವ

ಈ ವೇಳೆ ಅರ್ಚಕರಾದ ಕೃಷ್ಣಪ್ಪ, ನಾಡಗೌಡರಾದ ಶ್ರೀಕಾಂತ, ಶಿವಮಾದು, ಶಿವಸ್ವಾಮಿ, ಕೃಷ್ಣ, ದಿಲೀಪ್, ಸತೀಶ್, ಶಿವಣ್ಣ, ದರ್ಶನ್, ಸಂತೋಷ್, ಮಹಾದೇವ, ಸಿದ್ದರಾಜು, ಅಭಿಷೇಕ, ರಮೇಶ, ಶ್ರೀನಿವಾಸ ಸೇರಿದಂತೆ ಇತರರು ಇದ್ದರು.