ಪಕ್ಷರಹಿತ, ಪೀಠ ರಹಿತವಾಗಿ ಸಮಾಜ ಸಂಘಟಿಸಿ:ಶ್ರೀಶೈಲ ಕರಿಶಂಕರಿ

ಕನ್ನಡಪ್ರಭ ವಾರ್ತೆ ಅಮಿನಗಡ

ಪಟ್ಟಣದಲ್ಲಿ ಕಿತ್ತೂರು ರಾಣಿ ಚೆನ್ನಮ್ಮ ಕ್ಷೇಮಾಭಿವೃದ್ಧಿ ಸಂಘ ಗ್ರಾಮೀಣಾಭಿವೃದ್ದಿ ಸಂಸ್ಥೆ ಹಾಗೂ ಲಿಂಗಾಯತ ಪಂಚಮಸಾಲಿ ಸಮಾಜದ ಸಹಯೋಗದಲ್ಲಿ ವಿ.ಮ. ಬ್ಯಾಂಕಿಗೆ ಆಯ್ಕೆಯಾದ ನೂತನ ಸದಸ್ಯರಿಗೆ ಸನ್ಮಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಎಷ್ಟು ವರ್ಷ ಜಾತಿಯ ಕೊಂಬೆಯಲ್ಲಿ ಜೋತಾಡುತ್ತೀರಿ, ಸರ್ವ ಸಮಾಜದವರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು, ಅವರನ್ನೂ ಗೌರವದಿಂದ ಕಾಣುವ ಮೂಲಕ ನಮ್ಮ ಸಮಾಜವನ್ನು ಬೆಳೆಸಬೇಕು. ಪೀಠ ಹಾಗೂ ಪಕ್ಷಗಳಿಂದ ಹೊರಬಂದು ಸಮಾಜವನ್ನು ಸಂಘಟಿಸಬೇಕು. ಸಮಾಜದ ಕಟ್ಟಕಡೆಯ ವ್ಯಕ್ತಿಯ ಸಮಸ್ಯೆಗೂ ಸ್ಪಂದಿಸಬೇಕು. ಎಲ್ಲರಿಗೂ ಅಧಿಕಾರ, ಸ್ಥಾನ ಸಿಗುವಂತೆ ಅವಕಾಶ ನೀಡಬೇಕು ಎಂದು ಸಲಹೆ ನೀಡಿದರು.

ಹುನಗುಂದ ವಿ.ಮ.ಬ್ಯಾಂಕಿಗೆ 6ನೇ ಬಾರಿ ಆಯ್ಕೆಯಾದ ನಿರ್ದೇಶಕ ಮಹಾಂತೇಶ ಆವಾರಿ ಮಾತನಾಡಿ, ಹುನಗುಂದ ವಿಜಯಮಹಾಂತೇಶ ಬ್ಯಾಂಕ್ ಹುಟ್ಟುಹಾಕಿದ ಹಿಂದಿನ ಹಿರಿಯರಿಗೆ, ಷೇರುದಾರರಿಗೆ, ನನಗೆ ಮತನೀಡಿ ಗೆಲ್ಲಿಸಿದ ಮತದಾರರಿಗೆ ಈ ಸನ್ಮಾನ ಸಲ್ಲುತ್ತದೆ. ಬ್ಯಾಂಕನ್ನು ಇನ್ನಚ್ಟು ಬೆಳೆಸಿ, ಸರ್ವರಿಗೂ ಅನುಕೂಲ ಕಲ್ಪಿಸಲು ಶ್ರಮಿಸುವುದಾಗಿ ತಿಳಿಸಿದರು.

ಇದೇ ವೇಳೆ ವಿ.ಮ.ಬ್ಯಾಂಕಿಗೆ ಆಯ್ಕೆಯಾದ ಪಂಚಮಸಾಲಿ ಸಮಾಜದ ಶಕುಂತಲಾ ಎಸ್.ಗಂಜೀಹಾಳ, ಮಹಾಂತೇಶ ಆವಾರಿ, ರವಿ ಹುಚನೂರ ,ಶಿವಾನಂದ ಕಂಠಿ, ಬಸವರಾಜ ಹೊಸೂರ, ರಾಜಕುಮಾರ ಬಾದವಾಡಗಿ, ಶರಣಪ್ಪ ಹೊಸೂರ, ಬಸವರಾಜ(ರಾಜು) ನಾಡಗೌಡ, ಮುತ್ತಣ್ಣ ಕಲಗೋಡಿ, ಶಕುಂತಲಾ ಬೆಲ್ಲದ, ಮಹಾಂತೇಶ ಸುಂಕದ ಹಾಗೂ ಫ.ಗು.ಹಳಕಟ್ಟಿ ಪ್ರಶಸ್ತಿ ಪುರಸ್ಕೃತ ಅಶೋಕ ಹಿರೇಲಿಂಗಣ್ಣವರ ಅವರನ್ನು ಸನ್ಮಾನಿಸಲಾಯಿತು. ಎಸ್.ಎಸ್. ಗೋಲಪ್ಪನವರ ಪ್ರಾರ್ಥಿಸಿದರು. ಎಸ್.ಎಂ.ರಾಂಪುರ ಸ್ವಾಗತಿಸಿದರು. ಮಲ್ಲಿಕಾರ್ಜುನ ಸಜ್ಜನ ನಿರೂಪಿಸಿದರು. ಶಿವಲಿಂಗಪ್ಪ ಮುಳ್ಳೂರ ವಂದಿಸಿದರು.