ಜೂ. 15 , 16 ರಂದು ದಕ್ಷಿಣ ಭಾರತ ಉತ್ಸವ-2024

- ಬೆಂಗಳೂರಿನಲ್ಲಿ ಅರಮನೆ ಮೈದಾನದಲ್ಲಿ ಆಯೋಜನೆ

- ಐದು ರಾಜ್ಯಕ್ಕೂ ಒಂದೇ ತೆರಿಗೆಗೆ ವಿಧಿಸುವುದು ಈ ಉತ್ಸವದ ಉದ್ದೇಶ

----------

ಎಫ್‌.ಕೆ.ಸಿಸಿಐ ಮತ್ತು ಪ್ರವಾಸೋದ್ಯಮ ಇಲಾಖೆ ಜತೆಗೂಡಿ ಜೂ. 15 ಮತ್ತು 16 ರಂದು ಬೆಂಗಳೂರಿನ ಅರಮನೆ ಮೈದಾನದಲ್ಲಿ ದಕ್ಷಿಣ ಭಾರತ ಉತ್ಸವ-2024 ಆಯೋಜಿಸಿದೆ ಎಂದು ಮೈಸೂರು ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆಯ ಅಧ್ಯಕ್ಷ, ಉತ್ಸವದ ನಿರ್ದೇಶಕ ಕೆ.ಬಿ. ಲಿಂಗರಾಜು ಮತ್ತು ಮೈಸೂರು ಜಿಲ್ಲಾ ಹೊಟೇಲ್‌ ಮಾಲೀಕರ ಸಂಘದ ಅಧ್ಯಕ್ಷ ಸಿ. ನಾರಾಯಣಗೌಡ ಹೇಳಿದರು.

ಕಳೆದ ವರ್ಷ ಜುಲೈ ತಿಂಗಳಲ್ಲಿ ಈ ಮೇಳದ ಸಂಬಂಧ ಒಂದು ಲಾಂಛನ ಬಿಡುಗಡೆಗೊಳಿಸಲಾಯಿತು. ಪ್ರಾವಾಸೋದ್ಯಮ ಈ ಮೇಳಕ್ಕೆ ಹೆಚ್ಚು ಅನುದಾನ ಕೊಡುವುದಾಗಿ ಹೇಳಿದೆ.

ಹಲವು ಜಿಲ್ಲೆಗಳಲ್ಲಿ ರೋಡ್‌ ಶೋ ನಡೆಸಲಾಗಿದೆ. ಕಳೆದ ಹತ್ತು ದಿನಗಳ ಹಿಂದೆ ಮೈಸೂರಿನಲ್ಲಿ ರೋಡ್‌ ಶೋ ನಡೆಸಿ ಜಾಗೃತಿ ಮೂಡಿಸಲಾಯಿತು.

ಈ ಮೇಳದ ಉದ್ದೇಶ ಒಂದೊಂದು ರಾಜ್ಯದಲ್ಲಿ ಒಂದೊಂದು ರೀತಿ ತೆರಿಗೆ ವ್ಯವಸ್ಥೆ ಇದೆ. ಪ್ರವಾಸಿಗರ ಬಸ್‌ ಗಳಿಗೆ ಒಂದೊಂದು ರಾಜ್ಯದಲ್ಲಿ ಒಂದೊಂದು ರೀತಿಯ ಪ್ರವೇಶ ತೆರಿಗೆ ವಿಧಿಸಲಾಗುತ್ತಿದೆ. ಇದು ಐದು ರಾಜ್ಯಗಳಿಗೂ ಸೇರಿದಂತೆ ಏಕರೂಪ ತೆರಿಗೆ ವಿಧಿಸುವಂತೆ ಒತ್ತಾಯಿಸಲಾಗಿದೆ.

ಮಾಜಿ ಸಿಎಂ ಎಸ್‌.ಎಂ. ಕೃಷ್ಣ ಅವರ ಅವಧಿಯಲ್ಲಿ ಪ್ರವೇಶ ತೆರಿಗೆ 3,500 ಇತ್ತು. ನಂತರ ಬಿ.ಎಸ್‌. ಯಡಿಯೂರಪ್ಪ ಅವರ ಅವಧಿಯಲ್ಲಿ 8,500 ರು.ಗೆ ಹೆಚ್ಚಿತು. 2012ರ ಅವಧಿಯಲ್ಲಿ 15 ಸಾವಿರವಾಯಿತು. ನಂತರ ವಿವಿಧ ಹಂತಗಳಲ್ಲಿ ಪ್ರವಾಸೋದ್ಯಮ ಬಸ್‌ ಗಳಿಗೆ 35 ರಿಂದ 40 ಸಾವಿರದವರೆಗೆ ಮಾಡಿದರು. ಟೆಂಪೋ ಟ್ರಾವೆಲರ್ಸ್‌ ಗೆ 15 ಸಾವಿರವಾಯಿತು. ಆದರೆ ಆಂಧ್ರಪ್ರದೇಶ, ತೆಲಂಗಾಣದಲ್ಲಿ ಕಡಿಮೆ ಇದೆ ಎಂದು ಅವರು ತಿಳಿಸಿದರು.

ಇದೊಂದು ಬೃಹತ್‌ ಉತ್ಸವವಾಗಿದೆ. ಇದರಲ್ಲಿ ಎಲ್ಲಾ ರಾಜ್ಯದ ಪ್ರತಿನಿಧಿಗಳು, ಸಚಿವರು ಸೇರಿ ಅನೇಕರು ಪಾಲ್ಗೊಳ್ಳುತ್ತಿದ್ದಾರೆ. ಐದು ರಾಜ್ಯಗಳಲ್ಲಿಯೂ ಪ್ರವೇಶ ತೆರಿಗೆ ಒಂದೇ ಆಗಬೇಕು. ಆ ಮೂಲಕ ಪ್ರವಾಸೋದ್ಯಮಕ್ಕೆ ಉತ್ತೇಜನ ನೀಡಬೇಕು. ಒಂದು ಟಿಕೆಟ್ ಪಡೆದು ಹಲವು ಸ್ಥಳ ನೋಡುವ ಪ್ರಯತ್ನ ನಡೆಯುತ್ತಿದೆ. ಈ ಸಂಬಂಧ ಸರ್ಕಾರ ಒಂದೇ ರೀತಿಯ ನಿಮಯ ರೂಪಿಸಬೇಕು. ಮುಂದಿನ 2025ರೊಳಗೆ ಅಂತಿಮ ತೀರ್ಮಾನಕ್ಕೆ ಬರಬೇಕು ಎಂಬುದು ನಮ್ಮ ಉದ್ದೇಶ ಎಂದರು.

ಕಡಿಮೆ ಬೆಲೆಗೆ ಹೊರ ರಾಜ್ಯಕ್ಕೆ ಮಾರ ಬೇಕಾಗುತ್ತದೆ

ರೈತರು ಈ ದೇಶದ ಬೆನ್ನೆಲುಬು ಎಂದು ಹೇಳಲಾಗುತ್ತದೆ. ಆದ್ದರಿಂದ ರೈತರಿಗೆ ಉಚಿತ ಯೋಜನೆ ನೀಡದಿದ್ದರೂ ಅವರಿಗೆ ಬೇಕಾದ ಅವಕಾಶ ಕಲ್ಪಿಸಿಕೊಡಬೇಕು. ಉದಾಹರಣೆಗೆ ಕೃತಕ ಮಳೆಗೆ ಸರ್ಕಾರ ಮುಂದಾಗಬೇಕು. ಆಗ ಕೆರೆ ಕಟ್ಟೆ ತುಂಬಿ, ಬೋರ್‌ ವೆಲ್‌ ನೀರು ಬರುತ್ತದೆ. ಬೆಳೆ ನಾಶವಾಗುವುದಿಲ್ಲ. ವಿದ್ಯುತ್‌ ಸೌಲಭ್ಯವನ್ನು ಅರ್ಧಂಬರ್ಧ ಕೊಡದೆ ಸಂಪೂರ್ಣವಾಗಿ ನೀಡಬೇಕು. ಏಕೆಂದರೆ ರೈತರ ಜೀವನ ಕಷ್ಟವಿದೆ ಎಂದರು.

ಜಿಲ್ಲೆಯಲ್ಲಿ ಪ್ರವಾಸೋದ್ಯಮ ಮಾರ್ಗದರ್ಶಕರ ಕೊರತೆ ಇಲ್ಲ. ಎಫ್‌.ಕೆ.ಸಿಸಿಐ ಅಡಿ ಅನೇಕ ಗೈಡ್‌ ಗಳು ಇದ್ದಾರೆ. ಇವರಿಗೆ ಪ್ರವಾಸೋದ್ಯಮ ಇಲಾಖೆ ಮೂಲಕ ತರಬೇತಿ ನೀಡಲಾಗುತ್ತಿದೆ. ಅವರಿಗೆ ಗುರುತಿನ ಚೀಟಿ ಕೂಡ ನೀಡಲಾಗುತ್ತಿದೆ. ಹೀಗೆ ಗುರುತಿನ ಚೀಟಿ ಉಳ್ಳವರ ಸೇವೆಯನ್ನು ಪ್ರವಾಸಿಗರು ಪಡೆದುಕೊಳ್ಳಬೇಕು ಎಂದು ಅವರು ತಿಳಿಸಿದರು.

-- ಬಾಕ್ಸ್ 1--

ಮೈಸೂರು ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆ ಅಧ್ಯಕ್ಷ ಕೆ.ಬಿ. ಲಿಂಗರಾಜು ಮಾತನಾಡಿ, ದಕ್ಷಿಣ ಬಾರತದ ಎಲ್ಲಾ ರಾಜ್ಯ ಸೇರಿಸಿ ಈ ಉತ್ಸವ ಮಾಡಲು ಉದ್ದೇಶಿಸಿದ್ದೇವೆ. ಕರ್ನಾಟಕದಿಂದ ತಮಿಳುನಾಡಿಗೆ ಹೋಗಬೇಕಾದರೆ ತೆರಿಗೆ ಒಂದೇ ಇರಬೇಕು. ಒಂದು ಟಿಕೆಟ್‌ ನಲ್ಲಿ ಎಲ್ಲೆಡೆ ಪ್ರವೇಶ ದೊರೆಯಬೇಕು. ತಮಿಳುನಾಡಿನಿಂದ ಕರ್ನಾಟಕಕ್ಕೆ ಹೆಚ್ಚು ತೆರಿಗೆ ಇರುವುದರಿಂದ ಪ್ರವಾಸಿಗರು ಕಡಿಮೆ. ತೆರಿಗೆ ಕಡಿಮೆ ಮಾಡಿದರೆ ಅನುಕೂಲವಾಗುತ್ತದೆ. ಉತ್ತರ ಪ್ರದೇಶದಿಂದ ಕರ್ನಾಟಕಕ್ಕೆ ಬಂದವರು ತೆಲಂಗಾಣ, ಆಂಧ್ರ, ತಮಿಳುನಾಡು, ಕೇರಳವನ್ನು ನೋಡಿ ಹೋಗಬೇಕು. ಅಂತಹ ವ್ಯವಸ್ಥೆ ಇರಬೇಕು ಎಂದರು.

-- ಬಾಕ್ಸ್‌ 2--

ಒಬ್ಬರಿಗೊಬ್ಬರು ಸಹಭಾಗಿತ್ವದಲ್ಲಿ ಈ ಕೆಲಸ ಆಗಬೇಕು. ಆಗ ಪ್ರವಾಸೋದ್ಯಮ ವೆಚ್ಚ ಕಡಿಮೆಯಾಗುತ್ತದೆ. ಎಲ್ಲೆಡೆಗೆ ಒಂದು ಟಿಕೆಟ್‌ ತೆಗೆದುಕೊಂಡು ಹೋಗಬೇಕು. ಮೈಸೂರಿನಲ್ಲಿ ಬರಿ ದಸರಾಕ್ಕೆ ಮಾತ್ರ ಈ ವ್ಯವಸ್ಥೆ ಇದೆ. ಆದರೆ ಇತರೆ ದಿನಗಳಲ್ಲಿ ಇಲ್ಲ. ಈಗ ಬೇಸಿಗೆ ರಜೆ ಇರುವುದರಿಂದ ಹೆಚ್ಚು ಪ್ರವಾಸಿಗರು ಬಂದು ಟಿಕೆಟ್‌ ತೆಗೆದುಕೊಳ್ಳಲು ಸಮಯ ವ್ಯರ್ಥವಾಗುತ್ತಿದೆ. ಆದ್ದರಿಂದ ಏಕರೂಪದ ಟಿಕೆಟ್‌ ಗೆ ಉಸ್ತುವಾರಿ ಸಚಿವರು, ಪ್ರವಾಸೋದ್ಯಮ ಇಲಾಖೆ ಜಂಟಿ ನಿರ್ದೇಶಕರು ಒಪ್ಪಿದ್ದಾರೆ.

-- ಬಾಕ್ಸ್‌--- ಬ್ಯಾಂಕಾಕ್‌, ಶ್ರೀಲಂಕಾಗೆ ಹೋಗಬಹುದು--

ಶ್ರೀರಂಗಪಟ್ಟಣದಲ್ಲಿನ ಬ್ರಿಟಿಷರ ಕಾಲದ ಗೋರಿ ನೋಡಲು ಬಂದವರು ಶೌಚಾಲಯಕ್ಕೆ ಪಾಳು ಬಿದ್ದ ಜಾಗ ಹುಡುಕಬೇಕು. ಇಂತಹ ಸಮಸ್ಯೆ ಸರಿಪಪಡಿಸಲು ಈ ಉತ್ಸವ ಮಾಡುತ್ತಿದ್ದೇವೆ.