ನಮ್ಮ ಭಾರತೀಯ ಸಂಸ್ಕೃತಿಯೇ ಶ್ರೇಷ್ಠ

ಕನ್ನಡಪ್ರಭ ವಾರ್ತೆ ಮಹಾಲಿಂಗಪುರ

ಸ್ಥಳೀಯ ಬಸ್ ನಿಲ್ದಾಣದ ಹತ್ತಿರವಿರುವ ಮಾಧವಾನಂದ ಆಶ್ರಮದಲ್ಲಿ ನಡೆದ ಜ್ಞಾನ ಯೋಗಿ, ನಡೆದಾಡುವ ದೇವರು ಸಿದ್ಧೇಶ್ವರ ಸ್ವಾಮೀಜಿಗಳ ಪ್ರಥಮ ಪುಣ್ಯರಾಧನೆ ಹಾಗೂ ನುಡಿನಮನ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ ಮಾತನಾಡಿದ ಅವರು, ನಾವು ಸ್ವಾಮಿ ವಿವೇಕಾನಂದರನ್ನು ಕಂಡಿಲ್ಲ. ಸಿದ್ದಾರೂಢರನ್ನು ಕಂಡಿಲ್ಲ. ಆದರೆ, ಆ ಇಬ್ಬರನ್ನು ಒಬ್ಬರಲ್ಲೇ ಕಂಡಿದ್ದೇವೆ. ಅವರೇ ಜ್ಞಾನ ಯೋಗಿ ನಡೆದಾಡುವ ವಿಶ್ವ ವಿಧ್ಯಾಲಯ ವಿಜಯಪುರದ ಪರಮಪೂಜ್ಯ ಶ್ರೀ ಸಿದ್ದೇಶ್ವರ ಸ್ವಾಮೀಜಿಗಳು. ಅಧ್ಯಾತ್ಮ ಲೋಕದ ಸೂರ್ಯ ತೇಜ, ಮುಳುಗದ ಸೂರ್ಯ, ಪ್ರಖರ ವಾಗ್ಮಿಗಳು ಅವರು ಪ್ರವಚನಗಳಿಂದ ಜನರಲ್ಲಿ ಪರಿವರ್ತನೆ ಮಾಡಿದ ಮಹಾನ ಸಂತ. ಅವರ ಪ್ರವಚನ ಕೇಳಲು ಲಕ್ಷ ಲಕ್ಷ ಜನ ಸೇರುತ್ತಿದುದ್ದೆ ಸಾಕ್ಷಿಯಾಗಿದೆ. ಇಂತಹ ಮಹಾತ್ಮರ ತತ್ವಾದರ್ಶಗಳನ್ನು ನಮ್ಮ ಜೀವನದಲ್ಲಿ ಅಳವಡಿಸಿಕೊಂಡಾಗ ಮಾತ್ರ ಇಂತಹ ನುಡಿ ನಮನ ಕಾರ್ಯಕ್ರಮಕ್ಕೆ ಒಂದು ಅರ್ಥ ಬರುತ್ತದೆ ಎಂದರು.

ನಂತರ ಮಾತನಾಡಿದ ಕಂಕನವಾಡಿಯ ಶರಣರಾದ ಮಾರುತಿ ಶರಣರು ಅವರು ಸಿದ್ದೇಶ್ವರ ಸ್ವಾಮಿಗಳು ನುಡಿದಂತೆ ನಡೆದ ಮಹಾನ್‌ ಸಂತ. ನಮ್ಮ ನಾಡಿನ ಹೆಮ್ಮೆಯ ಪುತ್ರ. ಅವರನ್ನು ಕಳೆದುಕೊಂಡು ನಾಡು ಬದ್ಧವಾಗಿದೆ. ಮಹಾಲಿಂಗಪುರದಲ್ಲಿ 2002ರಲ್ಲಿ ಒಂದು ತಿಂಗಳ ಕಾಲ ನಡೆದ ಶ್ರೀಗಳ ಪ್ರವಚನ ಕೇಳಿದ ನಾವು ಪುಣ್ಯವಂತರು. ಇಂತಹ ಮಹಾನ್‌ ವ್ಯಕ್ತಿಗಳು ಶತಮಾನಕ್ಕೆ ಒಬ್ಬರು ಹುಟ್ಟುತ್ತಾರೆ. ಅವರ ಪುಣ್ಯರಾಧನೆ ಮಾಡಿ ನಾವು ಎಲ್ಲರೂ ಅವರು ಕೃಪೆಗೆ ಪಾತ್ರರಾಗೋಣ. ಅವರಂತೆ ನಮ್ಮ ನಾಡಿನ ಸೂಫಿ ಸಂತ ಇಬ್ರಾಹಿಂ ಸುತಾರ ಅವರು ಕೂಡಾ ನಾಡು ಕಂಡ ಶ್ರೇಷ್ಠ ವಾಗ್ಮಿಗಳು. ಅವರಿಗೆ ಕನ್ನಡದ ಕಬೀರ ಎಂದೇ ಖ್ಯಾತರದವರು. ಅಂತಹವರ ಪುಣ್ಯರಾಧನೆ ಮಾಡುವುದು ಪುಣ್ಯದ ಕೆಲಸ ಎಂದರು.