ಟಿಎಸ್‌ಎಸ್‌ಗೆ ಆಡಳಿತಾಧಿಕಾರಿ ನೇಮಕಕ್ಕೆ ಆಕ್ರೋಶ

ಕನ್ನಡಪ್ರಭ ವಾರ್ತೆ ಶಿರಸಿ

ಜಿಲ್ಲಾ ಸಹಕಾರ ಸಂಘಗಳ ಉಪನಿಬಂಧಕ ಎಸ್.ಜಿ. ಮಂಜುನಾಥಸಿಂಗ್ ಶಿರಸಿಯ ಟಿಎಸ್‌ಎಸ್‌ಗೆ ಆಗಸ್ಟ್‌ ೨೦, ೨೦೨೩ರಂದು ನಡೆದ ಚುನಾವಣೆ ರದ್ದುಮಾಡಿ ಆಡಳಿತಾಧಿಕಾರಿ ನೇಮಿಸಿ ಶುಕ್ರವಾರ ಮಧ್ಯಾಹ್ನ ಆದೇಶ ಹೊರಡಿಸಿದ್ದರು. ಇದರಿಂದ ಆತಂಕಗೊಂಡ ನೂರಾರು ಷೇರು ಸದಸ್ಯರು ಶನಿವಾರ ಮುಂಜಾನೆ ಟಿಎಸ್‌ಎಸ್ ಆವಾರಕ್ಕೆ ಆಗಮಿಸಿ, ಜಿಲ್ಲಾ ಸಹಕಾರ ಸಂಘಗಳ ಉಪನಿಬಂಧಕರು, ತೋಟಗಾರರಾದ ತಮ್ಮ ಸ್ವಾಯತ್ತ ಸಂಸ್ಥೆಗೆ ಆಡಳಿತಾಧಿಕಾರಿಯನ್ನು ನೇಮಕ ಮಾಡಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಪಾದಯಾತ್ರೆ ಮೂಲಕ ಮನವಿ

ಮನವಿ ಸ್ವೀಕರಿಸಿ, ಶಾಸಕ ಭೀಮಣ್ಣ ನಾಯ್ಕ ಮಾತನಾಡಿ, ಈ ಕ್ಷೇತ್ರದ ಶಾಸಕನಾಗಿ ಏಕೆ ಹೀಗಾಗಿದೆ ಎಂಬ ಮಾಹಿತಿ ನನಗೂ ಇಲ್ಲ. ಈ ಘಟನೆ ಬಗ್ಗೆ ಸಮಗ್ರ ತನಿಖೆಗಾಗಿ ಸಹಕಾರಿ ಸಚಿವರಿಗೆ ವಿನಂತಿಸುತ್ತೇನೆ. ನಾನೂ ಒಬ್ಬ ಟಿಎಸ್‌ಎಸ್ ಸದಸ್ಯನಾಗಿದ್ದು, ಯಾವುದೇ ಸಂಸ್ಥೆ ಉತ್ತಮವಾಗಿ ನಡೆಯಬೇಕು ಎಂದರು.

ಹಿಂದಿನ ಆಡಳಿತ ಮಂಡಳಿಯ ನೂರಾರು ಕೋಟಿಯ ಅವ್ಯವಹಾರದ ಕುರಿತು ಇಂದಿನ ಆಡಳಿತ ಮಂಡಳಿಯು ಹಿಂದಿನ ಕಾರ‍್ಯಾಧ್ಯಕ್ಷ, ಹಿಂದಿನ ಪ್ರಧಾನ ವ್ಯವಸ್ಥಾಪಕ, ನಿವೃತ್ತ ಸಿಬ್ಬಂದಿ ಹಾಗೂ ಅವ್ಯವಹಾರದಲ್ಲಿ ಭಾಗಿಯಾದವರ ಮೇಲೆ ಗೋಪಾಲಕೃಷ್ಣ ವೈದ್ಯ ನೇತೃತ್ವದ ಆಡಳಿತ ಮಂಡಳಿಯು ಐದು ಕ್ರಿಮಿನಿಲ್ ಪ್ರಕರಣ ದಾಖಲಿಸಿದೆ. ಇನ್ನೂ ಕೆಲ ದಿನಗಳಲ್ಲಿ ನೂರು ಕೋಟಿ ಅವ್ಯವಹಾರ ನಡೆಸಿದ ಪ್ರಕರಣದ ಕುರಿತು ಪೊಲೀಸ್ ಠಾಣೆಯಲ್ಲಿ ದೂರು ನೀಡಲು ನಿರ್ಧರಿಸಲಾಗಿತ್ತು. ಇದರಿಂದ ಬೆಚ್ಚಿ ಬಿದ್ದವರು ಶಾಸಕರ ಮೂಲಕ ಕಾನೂನು ಸಚಿವರು ಹಾಗೂ ಇನ್ನಿತರರ ಮೇಲೆ ಒತ್ತಡ ತಂದು ಟಿಎಸ್‌ಎಸ್‌ಗೆ ಆಡಳಿತಾಧಿಕಾರಿ ನೇಮಕ ಮಾಡಿದ್ದಾರೆ. ಶಾಸಕರು ಜಿಲ್ಲಾ ಸಹಕಾರಿ ಸಂಘಗಳ ಉಪನಿಬಂಧಕರನ್ನು ಕರೆಸಿ, ಅವರ ಮೂಲಕ ಹೇಳಿಕೆ ನೀಡಿಸಿ ಎಂದರೂ ಶಾಸಕರು ತಮಗೆ ಈ ವಿಷಯದ ಬಗ್ಗೆ ಮಾಹಿತಿ ಇಲ್ಲ ಎಂದರು. ಆಗ ನೆರದಿದ್ದವರು ಇದರಲ್ಲಿ ಶಾಸಕರ ಹಸ್ತಕ್ಷೇಪವಿದೆ ಎಂದು ತಮ್ಮ ಅಸಮಾಧಾನ ವ್ಯಕ್ತಪಡಿಸಿದರು.

ಸಂಸ್ಥೆಯ ಮೇಲೆ ಮತ್ತು ಆಡಳಿತದ ಮೇಲೆ ಯಾರೂ ಸಂಶಯ ಪಡಬೇಡಿ, ನಮ್ಮ ವ್ಯವಹಾರ ಮುಂದೆಯೂ ಪ್ರಾಮಾಣಿಕವಾಗಿ ನಡೆಯಲಿದ್ದು, ಯಾವುದೇ ಸದಸ್ಯರಿಗೆ ತೊಂದರೆ ಆದರೆ ನಮ್ಮನ್ನು ಸಂರಕ್ಷಿಸಿ, ನಾವು ನ್ಯಾಯ ಒದಗಿಸುತ್ತೇವೆ. ಈಗಾಗಲೇ ಸಂಸ್ಥೆಯಲ್ಲಿ ಅನ್ಯಾಯ ಮಾಡಿದವರ ಮೇಲೆ, ಕೋಟಿ ಕೋಟಿ ರೂ. ಸಂಸ್ಥೆಯಿಂದ ದೋಚಿದವರ ಮೇಲೆ ಕ್ರಿಮಿನಲ್ ಪ್ರಕರಣ ದಾಖಲಿಸಿದ್ದೇವೆ. ಸಿವಿಲ್ ಕೇಸ್ ಸಹ ಶೀಘ್ರದಲ್ಲಿ ದಾಖಲಿಸಲಿದ್ದೇವೆ. ಸಂಸ್ಥೆಯಲ್ಲಿ ಆಡಿಟ್ ನಡೆಯುತ್ತಿದ್ದು, ಹಣ ದೋಚಿದವರ ಮೇಲೆ ಶೀಘ್ರವೇ ಇನ್ನೊಂದು ಪ್ರಕರಣ ಸಹ ದಾಖಲಿಸಲು ನಿರ್ಧರಿಸಿದ್ದೇವೆ. ಒಳ್ಳೆಯ ಕಾಲ ಬಂದೇ ಬರುತ್ತದೆ. ನಾವು ಯಾವುದಕ್ಕೂ ಹೆದರುವುದಿಲ್ಲ. ಜೀವದ ಹಂಗು ತೊರೆದು ಸದಸ್ಯರಿಗೆ ನ್ಯಾಯ ಒದಗಿಸುತ್ತೇವೆ ಎಂದು ಮಾಜಿ ಅಧ್ಯಕ್ಷ ಗೋಪಾಲಕೃಷ್ಣ ವೈದ್ಯ ಮತ್ತಿಘಟ್ಟ ಹೇಳಿದರು.ವದಂತಿಗೆ ಆದ್ಯತೆ ಬೇಡ

ಭೀಮಣ್ಣ ನಾಯ್ಕ, ಶಾಸಕ

ಕನ್ನಡಪ್ರಭ ವಾರ್ತೆ ಶಿರಸಿ

ನಗರದ ಟಿಎಸ್‌ಎಸ್ ಆವರದಲ್ಲಿ ಷೇರು ಸದಸ್ಯರು ಪಟ್ಟು ಹಿಡಿದು, ಆಡಳಿತಾಧಿಕಾರಿ ಕೆಲ ಪ್ರಶ್ನೆಗೆ ಉತ್ತರಿಸಬೇಕು ಎಂದು ಆಗ್ರಹಿಸಿದಾಗ ಆಗಮಿಸಿದ ಆಡಳಿತಾಧಿಕಾರಿ ಎಂ.ಎಚ್‌. ನಾಯ್ಕ, ಜಿಲ್ಲಾ ಸಹಕಾರ ನಿಬಂಧಕರು ಆದೇಶದ ಮೇರೆಗೆ ಆಡಳಿತಾಧಿಕಾರಿಯಾಗಿ ನೇಮಕಗೊಂಡಿದ್ದೇನೆ ಎಂದರು. ಆಗ ಆಕ್ರೋಶಗೊಂಡ ಸದಸ್ಯರು, ನಿನ್ನೆಯ ಅಡಕೆ ದರ ಎಷ್ಟಿದೆ? ಶಿಕ್ಷಣ ಇಲಾಖೆಯ ಅಧಿಕಾರಿಯಾದ ತಮಗೆ ಸಹಕಾರಿ ಕ್ಷೇತ್ರದ ಬಗ್ಗೆ ಯಾವ ಅನುಭವ ಇದೆ ಎಂದು ಪ್ರಶ್ನಿಸಿದರು.