ಗ್ರಾಮಗಳಿಗೆ ಪಿಡಿಒ ಭೇಟಿ ಕಡ್ಡಾಯ: ಶಾಸಕ

ಕನ್ನಡಪ್ರಭ ವಾರ್ತೆ ಮಾಲೂರು

ಪಟ್ಟಣದ ತಾಲೂಕು ಪಂಚಾಯಿತಿ ಸಾಮರ್ಥ್ಯ ಸೌಧದಲ್ಲಿ ತಾಲೂಕು ಪಂಚಾಯತ್ ವತಿಯಿಂದ ನಡೆದ ಕೆಡಿಪಿ ಸಭೆಯಲ್ಲಿ ಮಾತನಾಡಿದ ಅವರು ಗ್ರಾಮೀಣ ಭಾಗದ ಬಡವರು ಕೆಲಸಕ್ಕಾಗಿ ಕಚೇರಿಗೆ ಬರುವುದರ ಬದಲು ಅಧಿಕಾರಿಗಳೇ ಗ್ರಾಮಕ್ಕೆ ಭೇಟಿ ನೀಡಿ ಸಮಸ್ಯೆಗಳನ್ನು ಜನರು ಬಳಿ ಪಡೆಯಬೇಕು, ಸ್ಥಳದಲ್ಲೇ ಪರಿಹಾರವಾಗುವ ಕೆಲಸವಾದರೆ ಬಗೆಹರಿಸಬೇಕು ಎಂದರು.

ತಾಲೂಕಿನಲ್ಲಿ ಪಂಚಾಯಿತಿಗಳಲ್ಲಿ ತೆರಿಗೆ ವಸೂಲಿಯಲ್ಲಿ ಪಿಡಿಒಗಳು ಇಚ್ಚಾಶಕ್ತಿ ಇಲ್ಲದೆ ತಾಲೂಕಿನ ೨೮ ಪಂಚಾಯಿತಿಗಳಲ್ಲಿ ತೃಣಸಿ ಪಂಚಾಯಿತಿ ಶೇಕಡಾ ೪ ರಷ್ಟು ವಸೂಲಿ ಪ್ರಾರಂಭವಾಗಿ ೨೭ ಗ್ರಾ.ಪಂ.ಗಳಲ್ಲಿ ತೆರಿಗೆ ಎರಡಂಕಿ ಶೇಕಡಾ ೧೦ ರಷ್ಟು ದಾಟಿಲ್ಲ. ಕುಡಿಯನೂರು ಗ್ರಾ.ಪಂ. ಒಂದು ಮಾತ್ರ ಶೇಕಡಾ ೩೦ ರಷ್ಟು ತೆರಿಗೆ ವಸೂಲಿಯಾಗಿದೆ ಎಂದು ಪಿಡಿಒ ಅಂಬರೀಶ್ ಅನ್ನು ಪ್ರಶಂಶಿಸಿದರು..

ವಸತಿ ನಿರ್ಮಾಣ ಪ್ರಗತಿ ಕುಂಠಿತ

ಪಟ್ಟಣಕ್ಕೆ ಸಮೀಪದಲ್ಲಿ ೮ ಸಾವಿರ ಜನ ಸಂಖ್ಯೆ ಇರುವ ನೋಸಗೆರೆ ಪಂಚಾಯಿತಿಯಲ್ಲಿ ೫ ಕೋಟಿ ತೆರಿಗೆ ಸಂಗ್ರಹವಾದಲಿದೆ, ೫೦ ಸಾವಿರ ಜನ ಸಂಖ್ಯೆ ಇರುವ ಮಾಲೂರು ನಗರದಲ್ಲಿ ಏಕೆ ತೆರಿಗೆ ಬರುತ್ತಿಲ್ಲ ಎಂದು ಅಧಿಕಾರಿಗಳನ್ನು ಪ್ರಶ್ನಿಸಿದರು. ಯಾರೆ ಪ್ರಭಾವಿಗಳು ಬಂದರು ನಾನು ಇದೀನಿ ಎಂದು ಅಧಿಕಾರಿಗಳಿಗೆ ಧೈರ್ಯ ತುಂಬಿದರು.