ಬಾಳೆಹೊನ್ನೂರು ಹೋಬಳಿಯಲ್ಲಿ ಶಾಂತಿಯುತ ಮತದಾನ

ಬಾಸಾಪುರದಲ್ಲಿ ಶಾಸಕ ರಾಜೇಗೌಡ ಹಕ್ಕು ಚಲಾವಣೆ । ಮತ ಚಲಾಯಿಸಿದ ಯುವ ಮತದಾರರ ಹರ್ಷಕನ್ನಡಪ್ರಭ ವಾರ್ತೆ, ಬಾಳೆಹೊನ್ನೂರು

ಹಲವು ಮತಗಟ್ಟೆಯಲ್ಲಿ ಹಲವು ಮತದಾರರ ಹೆಸರು ನಾಪತ್ತೆಯಾಗಿ ಮತದಾನದಿಂದ ವಂಚಿತರಾದರು. ಎಲ್ಲಾ ಮತಗಟ್ಟೆಗಳಲ್ಲಿ ಇದೇ ಮೊದಲ ಬಾರಿಗೆ ಮತ ಚಲಾಯಿಸಿದ ಯುವ ಮತದಾರರು ಸಂತಸ ವ್ಯಕ್ತಪಡಿಸುತ್ತ ಮೊಬೈಲ್ ಮೂಲಕ ಸೆಲ್ಫಿ ಕ್ಲಿಕ್ಕಿಸಿ ಸಂಭ್ರಮಿಸುವುದು ಕಂಡುಬಂದಿತು.ಬಾಳೆಹೊನ್ನೂರು ಸುತ್ತಮುತ್ತಲಿನ ಹಲವು ಮತಗಟ್ಟೆ ವ್ಯಾಪ್ತಿಯಲ್ಲಿ 85ವರ್ಷ ಮೇಲ್ಪಟ್ಟ ಹಲವು ವಯೋ ವೃದ್ಧ ಮತದಾರ ರಿದ್ದರೂ ಅಧಿಕಾರಿಗಳು ಗೃಹ ಮತದಾನದ ಬಗ್ಗೆ ಗಂಭೀರವಾಗಿ ಚಿಂತಿಸಿಲ್ಲ. ಇದರಿಂದ ವೃದ್ಧ ಮತದಾರರಿಗೆ ತೊಂದರೆಯಾಗಿತ್ತು. ತೀವ್ರ ಬಿಸಿಲಿನಲ್ಲಿಯೇ ಮತಗಟ್ಟೆಗೆ ಬಂದು ತಮ್ಮ ಹಕ್ಕು ಚಲಾಯಿಸಬೇಕಾಯಿತು ಎಂದು ಕುಟುಂಬಸ್ಥರು ದೂರಿದರು.ರಂಭಾಪುರಿ ಪೀಠದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 900ಕ್ಕೂ ಅಧಿಕ ಮತದಾರರಿದ್ದು, ಇಲ್ಲಿ ಮತಗಟ್ಟೆಗೆ ತೆರಳಲು ಸೂಕ್ತ ರಸ್ತೆ ವ್ಯವಸ್ಥೆ ಇಲ್ಲದೆ, ಅಂಗವಿಕಲರು, ವಯೋವೃದ್ಧರಿಗೆ ಮತಗಟ್ಟೆಗೆ ತೆರಳಲು ತೀವ್ರ ಕಷ್ಟವಾಯಿತು.

ಅರ್ಧ ಗಂಟೆಗಳ ಕಾಲ ಮತದಾನ ಪ್ರಕ್ರಿಯೆ ಸ್ಥಗಿತ

ಶೃಂಗೇರಿ ಶಾಸಕ ಟಿ.ಡಿ.ರಾಜೇಗೌಡ ಖಾಂಡ್ಯ ಹೋಬಳಿಯ ಬಾಸಾಪುರದ ಅಂಬೇಡ್ಕರ್ ರಂಗಮಂದಿರದ ಮತಗಟ್ಟೆಯಲ್ಲಿ ಕುಟುಂಬ ಸಮೇತ ಆಗಮಿಸಿ ಮತ ಚಲಾಯಿಸಿದರು. ಬಳಿಕ ಕ್ಷೇತ್ರದ ವಿವಿಧ ಮತಗಟ್ಟೆಗಳಿಗೆ ತೆರಳಿ ಮತದಾರರು, ಕಾಂಗ್ರೆಸ್ ಮುಖಂಡರ ಜೊತೆ ಮಾತುಕತೆ ನಡೆಸಿ ಚುನಾವಣಾ ಪ್ರಕ್ರಿಯೆಗಳ ಕುರಿತು ಮಾಹಿತಿ ಕಲೆ ಹಾಕಿದರು.

ಬಾಳೆಹೊನ್ನೂರು ಸಮೀಪ ಬಾಸಾಪುರದ ಅಂಬೇಡ್ಕರ್ ರಂಗಮಂದಿರ ಮತಗಟ್ಟೆಯಲ್ಲಿ ಶೃಂಗೇರಿ ಶಾಸಕ ಟಿ.ಡಿ.ರಾಜೇಗೌಡ ಮತ ಚಲಾಯಿಸಿ ಬೆರಳಿಗೆ ಹಾಕಿದ್ದ ಶಾಯಿ ಪ್ರದರ್ಶಿಸಿದರು.೨೬ಬಿಹೆಚ್‌ಆರ್ ೩: