ಮೂಡುಬಿದಿರೆ: ಇಂಟ‌ರ್ ನ್ಯಾಶನಲ್ ಸರ್ಕ್ಯೂಟ್ 2025 ರ ಅಂತಾರಾಷ್ಟ್ರೀಯ ಸೆಲೂನ್ 3- ಫೋಟೋ ಜರ್ನಲಿಸಂ ವಿಭಾಗದಲ್ಲಿ ಡಿಜಿ ಕ್ಲಬ್ ಗೋಲ್ಡ್ ಪ್ರಶಸ್ತಿಗೆ ಛಾಯಾಗ್ರಾಹಕ ರವಿ ಕೋಟ್ಯಾನ್ ಪಾತ್ರರಾಗಿದ್ದಾರೆ.ಮೂಡುಬಿದಿರೆಯಲ್ಲಿ ಸುಮಾರು 3 ದಶಕಗಳ ಕಾಲ ಫೋಟೋಗ್ರಫಿಯಲ್ಲಿ ಕಾರ್ಯನಿರ್ವಹಿಸಿದ ಮಾನಸ ಡಿಜಿಟಲ್‌ನ ರವಿ ಕೋಟ್ಯಾನ್‌ಗೆ ಈ ಬಾರಿ ಅಂತಾರಾಷ್ಟ್ರೀಯ ಮಟ್ಟದ ಹಲವಾರು ಪ್ರಶಸ್ತಿಗಳು ಲಭಿಸಿವೆ.ವೇಣೂರು ಮಸ್ತಕಾಭಿಷೇಕ -2024ರ ಛಾಯಾಚಿತ್ರಕ್ಕಾಗಿ ಕ್ರೆಡೆನ್ಸ್, ಆಳ್ವಾಸ್ ಸಂಘಟಿಸಿದ ಸ್ಪೀಪಲ್ ಚೇಸ್ ವಾಟರ್ ಜಂಪ್ ಫೋಟೋ ಸಲ್ಲಿಕೆಗಾಗಿ ಕಲ್ಕಿ 2025 (ಡಿಜಿಟಲ್) ರ ಜ್ಯುಪಿಟರ್ ಸೊಸೈಟಿ ಆಫ್ ಫೋಟೋ ಗ್ರಫಿ (ಜೆಎಸ್ ಸಿ ಇಂಡಿಯಾ) ಮೆಡಲ್, ಡಿಜಿಟಲ್ ವಿಭಾಗದಲ್ಲಿ ಸಲ್ಲಿಸಿದ ಪ್ರಕೃತಿ ಚಿತ್ರಕ್ಕಾಗಿ ಹ್ಯಾಪ್ ಇಂಟರ್ ನ್ಯಾಶನಲ್ ಸ್ಯಾಲೊನ್ 2025 ಎಫ್ ಐ ಪಿ ರಿಬ್ಬನ್ ಮನ್ನಣೆ, ಆಳ್ವಾಸ್ ನಲ್ಲಿ ನಡೆದ ಹರ್ಡಲ್ಸ್ ನ ಚಿತ್ರ ಸಲ್ಲಿಕೆಗಾಗಿ ಜ್ಯೂರಿ ಚಾಯ್ಸ್ -ಕಲ್ಕಿ 2025 ಡಿಜಿಟಲ್‌ನ ಜೆಎಸ್ ಪಿ ವರ್ಲ್ಡ್ ವೈಡ್ ಗೌರವ ಮನ್ನಣೆ, ಕ್ರಿಯೇಟಿವ್ ಐಸ್ ಇಂಟರ್ ನ್ಯಾಶನಲ್ – ಸರ್ಕ್ಯೂಟ್ 2025 ಸ್ಪರ್ಧೆಯ ಫೋಟೋ ಟ್ರಾವೆಲ್ ವಿಭಾಗಕ್ಕೆ ಸಲ್ಲಿಸಿದ, ಚಿಕ್ಕಮಗಳೂರು ಉತ್ಸವದ ಮೆರವಣಿಗೆಯಲ್ಲಿ ಕಂಡ ರಾವಣನ ಚಿತ್ರಕ್ಕೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಡಿಜಿ ಕ್ಲಬ್ ಕಂಚಿನ ಪದಕ ಲಭಿಸಿದೆ. ಕಲ್ಕಿ 2025 (ಡಿಜಿಟಲ್ ) ಸ್ಯಾಲೊನ್ 3 ರಲ್ಲಿ -ಫೋಟೊ ಟ್ರಾವೆಲ್ ವಿಭಾಗಕ್ಕೆ ಸಲ್ಲಿಸಿದ ಚಿತ್ರ (ಪುತ್ತಿಗೆ ದೇವಳದ ಜೋಡು ಬಲಿ) ಛಾಯಾ ಚಿತ್ರ ಸರ್ಕ್ಯೂಟ್ ಮೆರಿಟ್ ಮನ್ನಣೆಗೆ ಪಾತ್ರವಾಗಿದೆ.