ರಾಮಚಂದ್ರಾಪುರ ಮಠದ ನಾಲ್ಕು ಮಹೋನ್ನತ ಪ್ರಶಸ್ತಿಗಳ ಪ್ರದಾನ

ಗೋಕರ್ಣ:

ಅಂತೆಯೇ ಸಾಗರದ ಲಕ್ಷ್ಮಮ್ಮ ಬಂಗಲಗಲ್ಲು ಅವರಿಗೆ ಶ್ರೀಮಾತಾ ಪ್ರಶಸ್ತಿ ಮತ್ತು ಕುಮಟಾದ ಮಂಜುನಾಥ ಕೃಷ್ಣ ಹೆಗಡೆ ಕೂಜಳ್ಳಿ ಅವರಿಗೆ ಚಾತುರ್ಮಾಸ್ಯ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಬರುವೆ ರಾಮಕೃಷ್ಣಯ್ಯ ಸುಬ್ರಹ್ಮಣ್ಯ ಅವರಿಗೆ ಮರಣೋತ್ತರವಾಗಿ ಕರುಣಿಸಿದ ಧನ್ಯಸೇವಕ ಪ್ರಶಸ್ತಿಯನ್ನು ಪತ್ನಿ ಹಾಗೂ ಪುತ್ರ ಸ್ವೀಕರಿಸಿದವರು.

ಮಡಿಕೇರಿ ಮೂಲದ ಶಿವಕುಮಾರ, ಕರ್ನಾಟಕ ಪ್ರಾದೇಶಿಕ ಎಂಜಿನಿಯರಿಂಗ್ ಕಾಲೇಜು (ಈಗಿನ ಎನ್ಐಟಿಕೆ) ಯಿಂದ ಬಿಇ ಪದವಿ ಪಡೆದು ಇಪಿಎಸ್ ಕಾಲೇಜಿನಲ್ಲಿ ಉಪನ್ಯಾಸಕರಾಗಿ ವೃತ್ತಿ ಜೀವನ ಆರಂಭಿಸಿದವರು. ನಂತರ ಸಿಎಂಆರ್ ವಿವಿ ಕುಲಪತಿಗಳಾಗಿ, ವಿಟಿಯು ಕುಲಸಚಿವರಾಗಿ ಶಿಕ್ಷಣ ಕ್ಷೇತ್ರದಲ್ಲಿ ಗಣನೀಯ ಸೇವೆ ಸಲ್ಲಿಸಿದ್ದಾರೆ. ಪ್ರಸ್ತುತ ವಿಷ್ಣುಗುಪ್ತ ವಿಶ್ವವಿದ್ಯಾಪೀಠದ ವಿದ್ಯಾ ಪರಿಷತ್ ಸಲಹೆಗಾರರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಸನಾತನೀಯ ಆದರ್ಶ ಸ್ತ್ರೀಸಂಕುಲಕ್ಕೆ ರತ್ನಸದೃಶವಾದ, ನಡೆ- ನುಡಿಗಳಿಂದ ಸರ್ವಮಾನ್ಯಳಾದ ಸೀತಾಮಾತೆಯ ಹೆಸರಿನಲ್ಲಿ ನೀಡುವ ಶ್ರೀಮಾತಾ ಪ್ರಶಸ್ತಿಯನ್ನು ಲಕ್ಷ್ಮಮ್ಮ ಬಂಗಲಗಲ್ಲು ಅವರಿಗೆ ಶ್ರೀಗಳು ಪ್ರದಾನ ಮಾಡಿದರು. ಇಳಿವಯಸ್ಸಿನಲ್ಲೂ ಸಕ್ರಿಯವಾಗಿರುವ ಇವರು ಸಾಗರದ ಬಳಿಯ ಸಂಪದವರು. ಕುಟುಂಬದ ಏಳಿಗೆಯ ಜತೆಜತೆಗೆ ಸಮಾಜದ ಏಳಿಗೆಗೆ ನಿರಂತರವಾಗಿ ಶ್ರಮಿಸುತ್ತಾ ಬಂದವರು. ಗೋವುಗಳಿಗೆ ಉಪಚಾರ, ಮನುಷ್ಯರಿಗೆ ಮನೆ ಮದ್ದು, ಬಾಣಂತನ ಲೇಹ ಮಾಡುವುದು ಇವರಿಗೆ ಕರಗತವಾಗಿ ಬಂದ ಸಿದ್ಧಿ. ರಾಮಾಯಣ, ಮಹಾಭಾರತ, ಭಾಗವತದಂಥ ಪುರಾಣ ಗ್ರಂಥಗಳನ್ನು ಭಜನೆ ರೂಪದಲ್ಲಿ ಕಂಠಸ್ಥ ಮಾಡಿಕೊಂಡು ಇಂದಿಗೂ ಸರಾಗವಾಗಿ ಹಾಡುತ್ತಾ ಜನಸಾಮಾನ್ಯರಲ್ಲಿ ಭಕ್ತಿಯ ಬೀಜವನ್ನು ಬಿತ್ತುತ್ತಿದ್ದಾರೆ.ಆಂಜನೇಯನ ಹೆಸರಿನಲ್ಲಿ ಸೇವೆಗೇ ಜೀವನ ಮುಡಿಪಾಗಿಟ್ಟವರಿಗೆ ನೀಡುವ ಶ್ರೀಮಠದ ದಿವ್ಯ ಪ್ರಶಸ್ತಿ ಧನ್ಯಸೇವಕ ಪ್ರಶಸ್ತಿಯನ್ನು ಬರುವೆ ರಾಮಕೃಷ್ಣಯ್ಯ ಸುಬ್ರಹ್ಮಣ್ಯ ಅವರ ಪರವಾಗಿ ಪತ್ನಿ ಹಾಗೂ ಪುತ್ರ ಸ್ವೀಕರಿಸಿದವರು. ಗ್ರಾಮವಿಕಾಸ ಕೇಂದ್ರದ ಅಧ್ಯಕ್ಷರಾಗಿ, ಊರ ಅಭಿವೃದ್ಧಿಗೆ ಹಲವು ಸಮಾಜಮುಖಿ ಯೋಜನೆ ರೂಪಿಸಿ ಅನುಷ್ಠಾನಗೊಳಿಸಿದವರು. ತುಮರಿ ಗ್ರಾಪಂ ಅಧ್ಯಕ್ಷರಾಗಿ, ಪ್ರಗತಿಪರ ರೈತರಾಗಿಯೂ ಹೆಸರು ಮಾಡಿದವರು. ಸೇವೆಯಲ್ಲೇ ಧನ್ಯತೆ ಪಡೆದ ಇವರಿಗೆ ಮರಣೋತ್ತರವಾಗಿ ಪ್ರಶಸ್ತಿ ಅನುಗ್ರಹಿಸಲಾಯಿತು.

ಇದೇ ವೇ:ಎ ಶಿವಕುಮಾರ ಅವರಿಗೆ ದಾನ-ಮಾನ ಗೌರವವನ್ನೂ ಅನುಗ್ರಹಿಸಲಾಯಿತು. ವೇದ ತೆಯೊಂದಿಗೆ ಕಾರ್ಯಕ್ರಮ ಸಂಪನ್ನವಾಯಿತು. ಹವ್ಯಕ ಮಹಾಮಂಡಲದ ಅಧ್ಯಕ್ಷ ಮೋಹನ ಭಾಸ್ಕರ ಹೆಗಡೆ, ಗೌರವ ಕಾರ್ಯದರ್ಶಿ ನಾಗರಾಜ ಭಟ್ ಪೆದಮಲೆ, ನಿಕಟಪೂರ್ವ ಅಧ್ಯಕ್ಷ ಆರ್.ಎಸ್. ಹೆಗಡೆ ಹರಗಿ, ವಿವಿವಿ ಸಮಿತಿ ಗೌರವಾಧ್ಯಕ್ಷ ದೇವಶ್ರವ ಶರ್ಮಾ, ಪಾರಂಪರಿಕ ವಿಭಾಗದ ವರಿಷ್ಠಾಚಾರ್ಯ ಸತ್ಯನಾರಾಯಣ ಶರ್ಮಾ, ಆಡಳಿತಾಧಿಕಾರಿ ಡಾ. ಟಿ.ಜಿ. ಪ್ರಸನ್ನ ಕುಮಾರ್ ಉಪಸ್ಥಿತರಿದ್ದರು.