ದರ ಕುಸಿತ: ರೈತರಿಗೆ ಕಣ್ಣೀರು ತಂದ ಸಣ್ಣ ಈರುಳ್ಳಿ

ಕನ್ನಡಪ್ರಭ ವಾರ್ತೆ ಗುಂಡ್ಲುಪೇಟೆ

ಬೆರಟಹಳ್ಳಿ ಗ್ರಾಮದ ಶ್ರೀಕಾಂತ್‌ ಮಾತನಾಡಿ, ಕಳೆದೊಂದು ವಾರದಿಂದ ಸುರಿಯುತ್ತಿರುವ ಮಳೆ, ಸೀತ ಗಾಳಿಗೆ ಸಣ್ಣ ಈರುಳ್ಳಿ ತೇವವಾಗಿ ಸಣ್ಣ ಈರುಳ್ಳಿ ಕಲರ್‌ ಮಾಸುತ್ತಿರುವ ಕಾರಣ ಬೆಲೆ ಕುಸಿತಕ್ಕೆ ಪ್ರಮುಖ ಕಾರಣ ಎಂದರು.

ತಾಲೂಕಿನ ಸುಮಾರು ಸಾವಿರ ಹೆಕ್ಟೇರ್‌ಗೂ ಹೆಚ್ಚು ಮಂದಿ ಈರುಳ್ಳಿ ಬೆಳೆ ಹಾಕಲಾಗಿದೆ. ಸುಮಾರು ೨ ಸಾವಿರ ಎಕರೆಯಷ್ಟು ಕಟಾವಾಗಿದೆ. ಕಟಾವಾಗದ ಹಾಗೂ ಕಟಾವು ಮಾಡಿದ ರೈತರ ಸಣ್ಣ ಈರುಳ್ಳಿಗೆ ಬೆಲೆ ಇಲ್ಲದ ಕಾರಣ ಬೆಳೆಗಾರ ಕಂಗಾಲಾಗಿದ್ದಾರೆ.

ಬಿತ್ತನೆ ಈರುಳ್ಳಿ ಕ್ವಿಂಟಾಲ್‌ಗೆ ೪ ರಿಂದ ೫ ಸಾವಿರ ರು. ಬಂಡವಾಳ ಹಾಕಿದ ರೈತರು ಬಿತ್ತನೆ ಮಾಡಿದ್ದರು. ಏನು ಫಸಲು ಚೆನ್ನಾಗಿ ಬಂತು ಎಂದು ನಿಟ್ಟುಸಿರು ಬಿಡುವ ವೇಳೆಗೆ ಇದೀಗ ಕ್ವಿಂಟಾಲ್‌ಗೆ ಒಂದು ಸಾವಿರದಿಂದ ೧೫೦೦ ಕೇಳುತ್ತಿದ್ದಾರೆ ಎಂದು ರೈತರು ಅವಲತ್ತುಕೊಂಡಿದ್ದಾರೆ.

ಬೆಟ್ಟದಮಾದಹಳ್ಳಿ ಗ್ರಾಮದ ಬಿ.ಸಿ.ಮಹದೇವಸ್ವಾಮಿ ಮಾತನಾಡಿ, ಈರುಳ್ಳಿಗೆ ಕನಿಷ್ಟ ಕ್ವಿಂಟಾಲ್‌ಗೆ ೨೫೦೦ ರು.ಬಂದರೂ ಬಂಡವಾಳ ಬರುತ್ತದೆ. ಆದರೆ ಲಾಭ ಬರುವುದಿಲ್ಲ. ಇಂಥ ಸನ್ನಿವೇಶ ತಾಲೂಕಿನಲ್ಲಿ ಎದುರಾಗಿದೆ. ಆದರೆ ಬೆಲೆ ಕುಸಿತವಾಗಿರುವ ರೈತನ ಪಾಡು ದೇವರೇ ಕಾಪಾಡಬೇಕು ಎಂದು ಹೇಳಿದರು.

ಕಳೆದ ವಾರ ಮಳೆಯ ಕಾರಣ ಸಣ್ಣ ಈರುಳ್ಳಿ ನಷ್ಟವಾದರೆ ಈಗ ಬಿಸಿಲಿದೆ ಆದರೂ ಸಣ್ಣ ಈರುಳ್ಳಿ ಬೆಲೆ ಕಳೆದ ತಿಂಗಳು ಐದರಿಂದ ೫ ಸಾವಿರವಿತ್ತು.ಈಗ ಸಾವಿರ ಬಂದಿದೆ ಎಂದು ಗೋಪಾಲಪುರದ ಸುರೇಶ್‌ ಹೇಳಿದರು.

ಕ್ವಿಂಟಾಲ್‌ಗೆ ೪ ಸಾವಿರ ರು. ದರ ನಿಗದಿ ಮಾಡಿ

ಸಣ್ಣ ಈರುಳ್ಳಿ ಬೆಲೆ ಕುಸಿದಗೊಂಡ ಸಮಯದಲ್ಲಿ ಅಧಿಕಾರಿಗಳಾರು ಬೆಲೆ ಕುಸಿತದ ಬಗ್ಗೆ ಚಕಾರ ಎತ್ತುತ್ತಿಲ್ಲ. ಯಾವ ಕಾರಣಕ್ಕೆ ಬೆಲೆ ಕುಸಿತಾಯಿದೆ ಎಂದು ಚರ್ಚೆ ಕೂಡ ಮಾಡುತ್ತಿಲ್ಲ ಎಂದು ಆರೋಪಿಸಿದರು.