ಪುರಾಣ ಪುಣ್ಯಕತೆಗಳು ಬದುಕಿಗೆ ದಾರಿದೀಪ

ಗದಗ: ಶ್ರಾವಣ ಮಾಸ ಬಹು ವಿಶೇಷತೆ ಪಡೆದಿದ್ದು, ನಾಡಿನಾದ್ಯಂತ ಸಂಭ್ರಮ ಸಡಗರ ಕಂಡು ಬರುತ್ತಿದ್ದು. ಗುರುಗಳು ಧರ್ಮ ಪ್ರಚಾರ, ಭಕ್ತರ ಮನಸ್ಸು ಸಾತ್ವಿಕ ಬದುಕಿಗೆ ಬರಲಿಕ್ಕಾಗಿಯೇ ಪುರಾಣ ಪುಣ್ಯಕತೆ, ಶಿವಾನುಭವಗಳು ಜನತೆಗೆ ದಾರಿದೀಪವಾಗಿವೆ ಎಂದು ಅಡವೀಂದ್ರ ಮಠದ ಧರ್ಮದರ್ಶಿ ಮಹೇಶ್ವರ ಸ್ವಾಮಿಗಳು ಹೊಸಳ್ಳಿಮಠ ಹೇಳಿದರು.

ಸುಧಾ ಹುಚ್ಚಣ್ಣವರ ಉಪನ್ಯಾಸ ನೀಡಿ, ಶ್ರಾವಣ ಮಾಸದಲ್ಲಿ ಸಾಲು ಸಾಲಾಗಿ ಹಬ್ಬಗಳ ಕಂಪನವಾಗುತ್ತದೆ. ಸಮಗ್ರ ಮನುಕುಲಕ್ಕೆ ಈ ಮಾಸವು ಶ್ರೇಷ್ಠ ಮಾಸವಾಗಿದೆ. ಧ್ಯಾನ, ಪೂಜೆ, ವೃತಪಾಲನೆ ಮುಂತಾದವು ಪಾಲಿಸಿ ಪುನೀತರಾಗುವ ಕಾಲವಿದು ಎಂದರು.

ಪ್ರಸಾದ ಸೇವೆಯನ್ನು ನಿವೃತ್ತ ಕೃಷಿ ಅಧಿಕಾರಿ ಪಿ.ಸಿ. ಪುರಾಣಿಕಮಠ, ನಿವೃತ್ತ ಪ್ರಾ.ಸಿ.ಲಿಂಗಾರೆಡ್ಡಿ, ನಿವೃತ್ತ ಶಿಕ್ಷಕ ಎಸ್.ಎಂ. ಮಾಶಾಳ, ರವೀಂದ್ರ ಮಾಶಾಳ ವಹಿಸಿದ್ದರು.