ಮುಜರಾಯಿ ಇಲಾಖೆಯಿಂದ ರಾಮಗಿರಿ ದೇಗುಲ ಅವಗಣನೆ

-ಕಾಣಿಕೆಯ ಮೇಲಷ್ಟೆ ಮುಜರಾಯಿ ಇಲಾಖೆಗೆ ಕಣ್ಣು

ಕನ್ನಡಪ್ರಭ ವಾರ್ತೆ ಹೊಳಲ್ಕೆರೆ

ದೇವಾಲಯದ ಹುಂಡಿಯಲ್ಲಿ ಸಾಕಷ್ಟು ಪ್ರಮಾಣದ ಕಾಣಿಕೆ ಸಂಗ್ರಹವಾಗುತ್ತಿದೆ. ಇಷ್ಟೊತ್ತಿಗೆ ಈ ದೇವಾಲಯವನ್ನು ಎ ಗ್ರೇಡ್‌ ಪಟ್ಟಿಗೆ ಸೇರಿಸಬೇಕಿತ್ತು. ಆದರೆ, ಮುಜರಾಯಿ ಇಲಾಖೆಟೆ ಗ್ರೇಡ್‌ ಪಟ್ಟಿಗೆ ಸೇರಿಸಲು ಮುಂದಾಗಿಲ್ಲದಿರುವುದು ಭಕ್ತರಿಗೆ ಬೇಸರ ತಂದಿದೆ.

ಭರಪೂರ ಕಾಣಿಕೆ:ದೇವಾಲಯದ ಹುಂಡಿಯಲ್ಲಿನ ಕಾಣಿಕೆಯನ್ನು ಎಣಿಕೆ ಮಾಡುವ ಕೆಲಸ ಇಂದು ನಡೆಯಿತು. ದೇವಾಲಯದ ಹುಂಡಿಯಲ್ಲಿ 4, 08,570 ರು. ಸಂಗ್ರಹವಾಗಿದೆ. ವರ್ಷಕ್ಕೆ ಕನಿಷ್ಠ ಎರಡು ಬಾರಿ ಹುಂಡಿ ಎಣಿಕೆ ಕಾರ್ಯ ಮಾಡುತಿದ್ದು, ಕಳೆದ ಸೆ.2022 ರಲ್ಲಿ ರು. 6,89,400, ಆ.2023 ರಲ್ಲಿ ರು. 6,89,750, ಏ.2024 ರಲ್ಲಿ 5,82,400 ರು. ಸಂಗ್ರಹವಾಗಿತ್ತು. ಒಟ್ಟಾರೆ ಇಲ್ಲಿನ ದೇವಾಲಯದಲ್ಲಿ ವರ್ಷಕ್ಕೆ ಕನಿಷ್ಠ 10 ರಿಂದ 12 ಲಕ್ಷಕ್ಕೂ ಅಧಿಕ ಹುಂಡಿ ಹಣ ಸಂಗ್ರಹವಾಗುತ್ತಿದೆ.

ಪ್ರೇಕ್ಷಣೀಯ ಸ್ಥಳವಾಗಿಸಿ: ರಾಮಗಿರಿ ಬೆಟ್ಟದ ಮೇಲೆ ಶ್ರೀ ರಾಮ, ಲಕ್ಷ್ಮಣ, ಸೀತಾ ಮಾತೆಯರು ತಂಗಿರುವ ಬಗ್ಗೆ ಅಯೋದ್ಯಯ ಭೂಪಟದಲ್ಲಿ 199 ನೇ ಸ್ಥಳವಾಗಿ ಗುರುತಿಸಲಾಗಿದೆ. ಹಾಗಾಗಿ ರಾಮಗಿರಿ ಬೆಟ್ಟವನ್ನು ಐತಿಹಾಸಿಕ ಪ್ರವಾಸಿ ತಾಣವಾಗಿಸಬೆಕು ಎಂದು ಗ್ರಾಮದ ಮುಖಂಡರು ಒತ್ತಾಯಿಸಿದ್ದಾರೆ.

----