ರಂಗಗೀತೆ ಜನರಿಗೆ ಸಂಸ್ಕೃತಿಯ ಸಾರ ತಲುಪಿಸುವ ಪ್ರಮುಖ ಮಾಧ್ಯಮ: ಕೊರ್ಲಗುಂದಿ ಬಸವನಗೌಡ

ಬಳ್ಳಾರಿ: ನಗರದ ಬಂಡಿಹಟ್ಟಿಯ ರಾಮನಗರದ ಗಿರಿಜಪ್ಪ ಅವಧೂತರ ಮಠದಲ್ಲಿ ಶ್ರೀ ಮಾರುತಿ ತೊಗಲುಗೊಂಬೆ ಕಲಾ ಟ್ರಸ್ಟ್ ವತಿಯಿಂದ ತತ್ವಪದ, ರಂಗಗೀತೆ, ಜಾನಪದಗೀತೆ ಗಾಯನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

ಜಾನಪದ ಗೀತೆಗಳು ಗ್ರಾಮೀಣ ಜೀವನದ ಪ್ರತಿಬಿಂಬವಾಗಿದ್ದು, ಪೀಳಿಗೆಯಿಂದ ಪೀಳಿಗೆಗೆ ಬಂದ ಸಂಪ್ರದಾಯ, ಆಚರಣೆ, ನಂಬಿಕೆಗಳು ಮತ್ತು ಜನಜೀವನದ ವೈಶಿಷ್ಟ್ಯಗಳನ್ನು ಜೀವಂತವಾಗಿಡುತ್ತಿವೆ. ರೈತರ ಜೀವನ, ಹಬ್ಬ-ಹರಿದಿನಗಳು, ದುಃಖ-ಸಂತೋಷಗಳನ್ನೆಲ್ಲ ಜಾನಪದ ಗೀತೆಗಳು ಸ್ಪಷ್ಟವಾಗಿ ಚಿತ್ರಿಸುತ್ತವೆ ಎಂದು ಹೇಳಿದರು.

ಶಂಕರಬಂಡೆ ಅವರು, ತತ್ವಪದಗಳು ಇಂದಿಗೂ ಸಮಾಜಕ್ಕೆ ದಾರಿದೀಪವಾಗಿವೆ. ಸರಳ ಭಾಷೆಯಲ್ಲಿ ಆಳವಾದ ಜೀವನ ಮೌಲ್ಯಗಳನ್ನು ಬೋಧಿಸುವ ಈ ಕವನಗಳು, ಮಾನವೀಯತೆ ಮತ್ತು ಧಾರ್ಮಿಕ ಸಹಿಷ್ಣುತೆಯ ಸಂದೇಶವನ್ನು ಜನಮನಗಳಿಗೆ ತಲುಪಿಸುತ್ತಿವೆ ಎಂದರು.

ಶಿಶುನಾಳು ಶರೀಫರ ತತ್ವಪದಗಳು ಕೇವಲ ಸಾಹಿತ್ಯವಲ್ಲ. ಅವು ಸಮಾಜ ಸುಧಾರಣೆಗೆ ಪ್ರೇರಣೆ ನೀಡುವ ಮಹತ್ವದ ಚಿಂತನೆಗಳ ಸಂಕಲನವಾಗಿವೆ. ಇಂದಿನ ಕಾಲದಲ್ಲಿಯೂ ಅವರ ಸಂದೇಶಗಳು ಸಮಾನತೆ, ಸೌಹಾರ್ದ ಮತ್ತು ಮಾನವೀಯ ಮೌಲ್ಯಗಳ ಬಲವರ್ಧನೆಗೆ ಪ್ರಸ್ತುತವಾಗಿವೆ ಎಂದು ಯಲ್ಲನಗೌಡ ಶಂಕರಬಂಡೆ ಹೇಳಿದರು.

ಜಡೇಶ್ ಎಮ್ಮಿಗನೂರು ಅವರಿಂದ ಜನಪದ ಗೀತಗಾಯನ, ಕೆ. ರಮೇಶ್ ಮತ್ತು ತಂಡದಿಂದ ತತ್ವಪದ ಗಾಯನ ಹಾಗೂ ಹನುಮಾವಧೂತ ತಂಡದಿಂದ ರಂಗಗೀತೆ ಗಾಯನ ಜರುಗಿದವು.