ರಾಣಿ ಚೆನ್ನಮ್ಮ ರಾಷ್ಟ್ರಾಭಿಮಾನದ ಸಂಕೇತ

ಕೊಟ್ಟೂರು: ವೀರರಾಣಿ ಕಿತ್ತೂರು ರಾಣಿ ಚೆನ್ನಮ್ಮ 500ಕ್ಕೂ ಹೆಚ್ಚು ರಾಜವಂಶಸ್ಥ ಮತ್ತು ರಾಜರಾಣಿಯರ ಪೈಕಿ ಪ್ರತಿಯೊಬ್ಬರ ಹೃದಯ ಮತ್ತು ಮನಸ್ಸಿನಲ್ಲಿ ಶಾಶ್ವತ ಸ್ಥಾನ ಪಡೆದ ವೀರಮಹಿಳೆಯಾಗಿದ್ದರು. ಪ್ರತಿಯೊಬ್ಬರಲ್ಲಿ ರಾಷ್ಟ್ರಾಭಿಮಾನ, ನಾಡಾಭಿಮಾನ ಬೆಳಗಿಸಿದ ಮಹಾನ್ ಮಾತೆ ಚೆನ್ನಮ್ಮ ಎಂದು ಪಂಚಮಸಾಲಿ ಸಮಾಜದ ಹರಿಹರ ಪೀಠದ ಜಗದ್ಗುರು ವಚನಾನಂದ ಸ್ವಾಮಿಗಳು ಹೇಳಿದರು.

ಪಂಚಮಸಾಲಿ ಸಮಾಜ ಸಂಘಟನೆಯ ಶಕ್ತಿ ಸ್ವಾರ್ಥಕ್ಕೆ ಬಳಸಿಕೊಂಡು ಕೋಟ್ಯಂತರ ತಿಂದುಂಡ ಸಮಾಜದ ಒಂದು ವರ್ಗ ಇದೀಗ ಹರಿಹರ ಗುರುಪೀಠ ಮತ್ತು ಸ್ವಾಮೀಜಿ ವಿರುದ್ಧ ಜನರನ್ನು ಎತ್ತಿಕಟ್ಟುವ ಕೆಲಸ ಮಾಡುತ್ತಿದೆ. ಇದರ ಪೂರ್ಣ ಪ್ರಜ್ಞೆ ಜನತೆಗಿದ್ದು ಯಾವುದೇ ಕಾರಣಕ್ಕೂಪೀಠದ ಸ್ಥಾನದಿಂದ ತಮ್ಮನ್ನು ಯಾರೊಬ್ಬರು ಕದಲಿಸಲು ಆಗದು ಪಂಚಮಸಾಲಿ ಸಮಾಜ ಬಾಂಧವರ ಅಖಂಡ ಬೆಂಬಲ ತಮಗಿದ್ದು ಯಾವುದೇ ಕಾರಣಕ್ಕೂ ಸಮಾಜದಲ್ಲಿ ಒಡಕು ಉಂಟು ಮಾಡುತ್ತಿರುವ ಶಕ್ತಿಗಳಿಗೆ ಮಣಿಯಲಾರೆ ಎಂದು ಟ್ರಸ್ಟ್ ನ ವಿರುದ್ಧ ತಮ್ಮ ಆಕ್ರೋಶ ಹೊರಹಾಕಿದರು.

ಶಾಸಕ ಕೆ. ನೇಮಿರಾಜ್ ನಾಯ್ಕ, ತಾಲೂಕು ಪಂಚಮಸಾಲಿ ಸಮಾಜದ ಅಧ್ಯಕ್ಷ ಚಾಪಿ ಚಂದ್ರಪ್ಪ, ಕಂದಗಲ್ ನೀಲಕಂಠಪ್ಪ, ರಾಂಪುರ ಕೆ. ವಿವೇಕಾನಂದಗೌಡ, ನಿಂಬಳಗೆರೆ ಕಲ್ಲೇಶಪ್ಪ, ಎಪಿಎಂಸಿ ಮಾಜಿ ಅಧ್ಯಕ್ಷ ಬೂದಿ ಶಿವಕುಮಾರ, ಗ್ರಾಪಂ ಸದಸ್ಯ ಕೊಟ್ರೇಶಪ್ಪ, ಗುರುಬಸವರಾಜ, ಗೌಡ್ರು ವೀರನಗೌಡ, ಸುರೇಶ ಮತ್ತಿತರರು ವೇದಿಕೆಯಲ್ಲಿದ್ದರು. ಶಿಕ್ಷಕ ಶಿವಕುಮಾರ ಸ್ವಾಗತಿಸಿದರು. ಶಿಕ್ಷಕರುಗಳಾದ ವೀರಭದ್ರಪ್ಪ ಮತ್ತು ಹಳ್ಳಿ ಆನಂದ್ ನಿರೂಪಿಸಿದರು.