ಕ್ರೀಡೆ, ಜನರ ಆರೋಗ್ಯಕ್ಕಾಗಿ ಮಾತ್ರವೇ ಹೈಸ್ಕೂಲ್ ಮೈದಾನ ಮೀಸಲಿಡಿ

- ನೂರಾರು ಕ್ರೀಡಾಪಟುಗಳ ಪ್ರತಿಭಟನೆ । ಹಳೇ ಬಿ.ಪಿ. ರಸ್ತೆಯಲ್ಲೇ ಕ್ರಿಕೆಟ್‌, ಬಾಸ್ಕೆಟ್‌ ಬಾಲ್‌, ಫುಟ್ಬಾಲ್‌ ಆಟವಾಡಿ ಘೋಷಣೆ

ಕನ್ನಡಪ್ರಭ ವಾರ್ತೆ ದಾವಣಗೆರೆ

ನಗರದ ಹೈಸ್ಕೂಲ್ ಮೈದಾನದಿಂದ ಮಾರ್ನಿಂಗ್‌ ಸ್ಟಾರ್‌ ಫುಟ್ ಬಾಲ್ ಕ್ಲಬ್‌ ನೇತೃತ್ವದಲ್ಲಿ ವಿವಿಧ ಕ್ರೀಡೆಗಳ ಕ್ರೀಡಾಪಟುಗಳು, ಕ್ರೀಡಾ ಸಂಸ್ಥೆಗಳ ಪದಾಧಿಕಾರಿಗಳು, ಹಿರಿಯ- ಕಿರಿಯ ಕ್ರೀಡಾಪಟುಗಳು ಹೈಸ್ಕೂಲ್ ಮೈದಾನವನ್ನು ಕ್ರೀಡಾ ಚಟುವಟಿಕೆಗಳಿಗಷ್ಟೇ ಮೀಸಲಿಡುವಂತೆ ಒತ್ತಾಯಿಸಿದರು.

ಸಾವಿರಾರು ಕ್ರೀಡಾಪಟುಗಳು, ವಾಯು ವಿಹಾರಿಗಳಿಗೆ ಹೈಸ್ಕೂಲ್ ಮೈದಾನ ಆಸರೆಯಾಗಿದೆ. ಈ ಮೈದಾನ ಈಗ ವಾಣಿಜ್ಯ ಉದ್ದೇಶಕ್ಕೆ ಬಳಸುವುದೇ ಹೆಚ್ಚುತ್ತಿದೆ. ದಿನನಿತ್ಯ ಒಂದಿಲ್ಲೊಂದು ಖಾಸಗಿ ಕಾರ್ಯಕ್ರಮ, ವಾಣಿಜ್ಯ ಉದ್ದೇಶ ಕಾರ್ಯಕ್ರಮಗಳಿಗೆ ಹೈಸ್ಕೂಲ್ ಮೈದಾನದಲ್ಲಿ ಅ‍ವಕಾಶ ನೀಡುತ್ತಿದ್ದಾರೆ. ಇದರಿಂದ ಕ್ರೀಡಾಪಟುಗಳಿಗೆ, ಕ್ರೀಡಾ ಚಟುವಟಿಕೆಗಳಿಗೆ ತೊಂದರೆಯಾಗಿದೆ ಎಂದು ಕ್ರೀಡಾಪಟುಗಳು ಆಕ್ಷೇಪಿಸಿದರು.

ಸಂಘಟನೆ ಮುಖಂಡ ಮಂಜುನಾಥ ಕುಕ್ಕುವಾಡ. ಹಿರಿಯ ಕ್ರೀಡಾಪಟುಗಳಾದ ವೀರೇಶ, ಕಾಂತರಾಜ, ನೂರ್ ಅಹಮದ್, ನಯಾಜ್ ಅಹ್ಮದ್, ಯೂಸೂಫ್, ಆನಂದ, ಚಂದ್ರಮೌಳಿ ಸೇರಿದಂತೆ ನೂರಾರು ಕ್ರೀಡಾಪಟುಗಳು, ಕ್ರೀಡಾ ಸಂಸ್ಥೆಗಳ ಪದಾಧಿಕಾರಿಗಳು, ವಾಯು ವಿಹಾರಿಗಳು ಪ್ರತಿಭಟನೆಯಲ್ಲಿದ್ದರು.

ದಾವಣಗೆರೆ ಹೈಸ್ಕೂಲ್ ಮೈದಾನವನ್ನು ಕೇವಲ ಕ್ರೀಡಾ ಉದ್ದೇಶಕ್ಕೆ ಮಾತ್ರ ಮೀಸಲಿಡುವಂತೆ ಎಸಿ ಕಚೇರಿ ವೃತ್ತದ ಎದುರು, ಹಳೇ ಪಿ.ಬಿ. ರಸ್ತೆಯಲ್ಲಿ ಕ್ರೀಡಾಪಟುಗಳು ಫುಟ್‌ಬಾಲ್‌, ಕ್ರಿಕೆಟ್‌ ಆಡುವ ಮೂಲಕ ಪ್ರತಿಭಟಿಸಿದರು. -17ಕೆಡಿವಿಜಿ6: ದಾವಣಗೆರೆ ಹೈಸ್ಕೂಲ್ ಮೈದಾನವನ್ನು ಕ್ರೀಡೆಗಷ್ಟೇ ಸೀಮಿತಗೊಳಿಸುವಂತೆ ಒತ್ತಾಯಿಸಿ ನೂರಾರು ಕ್ರೀಡಾಪಟುಗಳು ಭಾನುವಾರ ಬೆಳಗ್ಗೆ ಪ್ರತಿಭಟನೆ ನಡೆಸಿದರು.