ಪ್ರಸ್ತುತ ಶಿಕ್ಷಣ ಸಂಸ್ಥೆಗಳು ವ್ಯಾಪಾರೀಕರಣಗೊಂಡು ಔದ್ಯೋಗಿಕ ಕೇಂದ್ರಗಳಾಗಿವೆ

ಕನ್ನಡಪ್ರಭ ವಾರ್ತೆ ಮೈಸೂರು

ವಿಜಯನಗರದ ಕನ್ನಡ ಸಾಹಿತ್ಯ ಭವನದಲ್ಲಿ ಸ್ಪಂದನ ಸಾಂಸ್ಕೃತಿಕ ಪರಿಷತ್ತು ಹಾಗೂ ಅದಮ್ಯ ರಂಗಶಾಲೆ ಸಂಯುಕ್ತವಾಗಿ ಆಯೋಜಿಸಿದ್ದ ನಾಟಕ ಪ್ರದರ್ಶನದಲ್ಲಿ ವಿವಿಧ ಕ್ಷೇತ್ರದ ಸಾಧಕರಿಗೆ ನಾಡಪ್ರಭು ಕೆಂಪೇಗೌಡ ಪ್ರಶಸ್ತಿ ಪ್ರದಾನ ಮಾಡಿ ಅವರು ಮಾತನಾಡಿದರು.

ನಾಡು- ನುಡಿ, ಸಾಹಿತ್ಯ- ಸಂಸ್ಕೃತಿಯ ಕಟ್ಟಲು ನೂರಾರು ಮಂದಿ ದುಡಿದಿದ್ದಾರೆ. ಹಾಗೇ ಅನೇಕ ಸಂಘ ಸಂಸ್ಥೆಗಳು ಕನ್ನಡ ಏಳ್ಗೆಗಾಗಿ ಪ್ರಾಮಾಣಿಕವಾಗಿ ಕಾರ್ಯೋನ್ಮುಖವಾಗಿವೆ. ಪ್ರಶಸ್ತಿಗಳು ಮಾರಾಟವಾಗುತ್ತಿರುವ ಕಾಲದಲ್ಲಿ ಕನ್ನಡ ಪರಂಪರೆ ಕಟ್ಟಲು ಶ್ರಮಿಸಿದವರಿಗೆ ನಾಡಚೇತನ ಕೆಂಪೇಗೌಡರ ಹೆಸರಿನಲ್ಲಿ ಪ್ರಶಸ್ತಿ ನೀಡುತ್ತಿರುವುದು ಶ್ಲಾಘನಿಯ ಎಂದು ಅವರು ಹೇಳಿದರು.

ಸಮಾಜವನ್ನು ಕಾಪಾಡುವುದು ಸಾಹಿತ್ಯ, ಸಂಗೀತ, ನಾಟಕ ಮಾತ್ರ. ಇವು ಮನುಷ್ಯನಲ್ಲಿ ಚೈತನ್ಯಶೀಲತೆ ಬೆಳೆಸುತ್ತವೆ. ಉತ್ತಮ ದಾರಿಯೆಡೆಗೆ ಮುನ್ನಡೆಸುತ್ತವೆ. ಹೀಗಾಗಿ ಮಕ್ಕಳಿಗೆ ಆಸ್ತಿ, ಅಧಿಕಾರ ಕೊಡಿಸುವ ಬದಲಿಗೆ ಸಾಹಿತ್ಯ ಮತ್ತು ಸಂಸ್ಕೃತಿಯ ಅಭಿರುಚಿ ಬೆಳೆಸಿದರೆ, ಅವರು ಉತ್ತಮ ಮಾನವರಾಗುತ್ತಾರೆ ಎಂದು ಅವರು ತಿಳಿಸಿದರು.

ನಂತರ ಕಥೆಗಾರ ವಸುದೇಂದ್ರ ಅವರ ಲಲಿತ ಪ್ರಬಂಧಗಳನ್ನು ಆಧರಿಸಿದ ವಿನೋದ್ ಸಿ. ಮೈಸೂರು ರಂಗರೂಪ ನಿರ್ದೇಶನದ, ಅದಮ್ಯ ರಂಗಶಾಲೆಯ ಕಲಾವಿದರ ಅಭಿನಯದ ''''''''ನಮ್ಮಮ್ಮ ಅಂದ್ರೆ ನಂಗಿಷ್ಟ'''''''' ಎಂಬ ನಾಟಕ ಪ್ರದರ್ಶನವಾಯಿತು.