ರಸ್ತೆ ಸುರಕ್ಷತಾ ಕ್ರಮ ಪ್ರತಿಯೊಬ್ಬರಿಗೂ ಅತ್ಯಗತ್ಯ

ನರೇಗಲ್ಲ: ಜೀವ ಅತ್ಯಮೂಲ್ಯ,ಸಾರ್ವಜನಿಕರು ವಾಹನ ಸಂಚರಿಸುವ ವೇಳೆ ಕಡ್ಡಾಯವಾಗಿ ರಸ್ತೆ ಸುರಕ್ಷತಾ ನಿಯಮ ಅನುಸರಿಸುವ ಮೂಲಕ ಸುಗಮ ಸಂಚಾರಕ್ಕೆ ಹಾಗೂ ಜೀವ ಸಂರಕ್ಷಣೆಗೆ ಪ್ರತಿಯೊಬ್ಬರೂ ಮುಂದಾಗಬೇಕೆಂದು ಸ್ಥಳೀಯ ಪೊಲೀಸ್ ಠಾಣಾ ಎ.ಎಸ್.ಐ ಶೇಖರ ಹೊಸಳ್ಳಿ ಹೇಳಿದರು.

ಇತ್ತೀಚಿನ ದಿನಮಾನಗಳಲ್ಲಿ ಅಪಘಾತಗಳ ಸಂಖ್ಯೆ ಹೆಚ್ಚುತ್ತಿದ್ದು, ಅದಕ್ಕೆ ಕಾರಣ ಸುರಕ್ಷತಾ ಕ್ರಮ ಅನುಸರಿಸದಿರುವುದು, ಕುಡಿದು ವಾಹನ ಚಲಾಯಿಸುವುದು, ಹೆಲ್ಮೆಟ್ ಧರಿಸದೇ ವೇಗವಾಗಿ ವಾಹನ ಚಲಾಯಿಸುವುದು, ವಾಹನದ ದಾಖಲಾತಿ, ಡ್ರೈವಿಂಗ್ ಲೈಸನ್ಸ್‌ ಇಲ್ಲದೇ ಅಪ್ರಾಪ್ತ ಮಕ್ಕಳ ಕೈಯಲ್ಲಿ ಪಾಲಕರು ವಾಹನ ನೀಡುವುದು ಈ ರೀತಿಯ ತಪ್ಪು ಮಾಡುವುದರಿಂದ ಸಂಚಾರದ ವೇಳೆ ಅಪಘಾತಗಳು ಸಂಭವಿಸಿದಾಗ ಅಪಘಾತಕ್ಕೊಳಗಾದ ವ್ಯಕ್ತಿಗಳಿಗೆ ಯಾವುದೇ ಪರಿಹಾರ ದೊರೆಯುದಿಲ್ಲ. ಮನೆಯಲ್ಲಿ ಅವಲಂಭಿತರಿದ್ದರೆ ಅವರ ಪರಿಸ್ಥಿತಿ ಚಿಂತಾಜನಕವಾಗುತ್ತದೆ ಕಾರಣ ವಾಹನ ಚಲಾಯಿಸುವ ಪ್ರತಿಯೊಬ್ಬರು ತಮ್ಮ ಜೀವದ ಬಗೆಗೆ ಗಮನಹರಿಸಿದಲ್ಲಿ ಹಾಗೂ ದಾಖಲಾತಿ ಸರಿಯಾಗಿಟ್ಟುಕೊಂಡು ಸಂಚರಿಸುವುದರಿಂದ ನಿಮ್ಮನ್ನವಲಂಭಿತ ಕುಟುಂಬಗಳು ಸುರಕ್ಣಿತವಾಗಿರುತ್ತವೆ ಎಂದು ತಿಳಿಸಿದರು.