ದಾಂಡೇಲಿಯ ರೋಟರಿ ಕ್ಲಬ್ ಸದಾ ಕ್ರಿಯಾಶೀಲ: ಅರುಣ್ ಭಂಡಾರಿ

ಶಿಕ್ಷಕ-ಶಿಕ್ಷಕಿ ಪ್ರಶಸ್ತಿ ಪ್ರದಾನ, ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ವಿತರಣೆ

ರೋಟರಿ ಕ್ಲಬ್, ದಾಂಡೇಲಿ ಶಿಕ್ಷಣ ಸಂಸ್ಥೆ ಮತ್ತು ಇನ್ನರ್ ವಿಲ್ ಕ್ಲಬ್ ಇವರ ಸಂಯುಕ್ತ ಆಶ್ರಯದಡಿ ನಗರದ ರೋಟರಿ ಶಾಲೆಯ ಆವರಣದಲ್ಲಿ ಶಿಕ್ಷಣ ಕ್ಷೇತ್ರದಲ್ಲಿ ಅತ್ಯುತ್ತಮ ಕಾರ್ಯದಕ್ಷತೆ ಮತ್ತು ಸಾಧನೆ ತೋರಿದ ಶಿಕ್ಷಕರಿಗೆ ಶ್ರೇಷ್ಠ ಶಿಕ್ಷಕ-ಶಿಕ್ಷಕಿ ಪ್ರಶಸ್ತಿ ಪ್ರದಾನ ಮತ್ತು ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ವಿತರಣೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

ರೋಟರಿ ಕ್ಲಬ್‌ನ ಜಿಲ್ಲಾ ಸಹಾಯಕ ಪ್ರಾಂತಪಾಲ ಡಾ. ಸಮೀರಕುಮಾರ್ ನಾಯಕ, ವೆಸ್ಟ್ ಕೋಸ್ಟ್ ಕಾಗದ ಕಾರ್ಖಾನೆಯ ಸಾರ್ವಜನಿಕ ಸಂಪರ್ಕ ವಿಭಾಗದ ಉಪ ಪ್ರಧಾನ ವ್ಯವಸ್ಥಾಪಕ ರಾಘವೇಂದ್ರ ಜೆ.ಆರ್., ರೋಟರಿ ಕ್ಲಬ್‌ನ ಅಧ್ಯಕ್ಷ ಅಶುತೋಷ್ ಕುಮಾರ್ ರಾಯ್ ಮಾತನಾಡಿದರು.

ಶಿಕ್ಷಣ ಕ್ಷೇತ್ರದಲ್ಲಿ ದಕ್ಷ ಸೇವೆ ಸಲ್ಲಿಸಿದ 11 ಶಿಕ್ಷಕ-ಶಿಕ್ಷಕಿಯರಾದ ಜಯದೇವ ಸಿರಿಗೇರಿ, ಶಂಕರ ಕಿಲ್ಲೇಕರ, ಮೇನಕಾ ಜಿ.ಮಡಿವಾಳ, ಶಾಲಿನಿ ಪಿ. ಲೋಪಿಸ್, ಎಂ.ಜಿ. ಪತ್ತಾರ, ರೂಪಾ ಡಿ. ಭಜಂತ್ರಿ, ಶಶಿರೇಖಾ ಮುರಳಿ ಕನ್ಯಾಡಿ, ಶೋಭಾ ಆನಂದ ನಾಯ್ಕ, ಜಯಶ್ರೀ ಡಿ., ಜೂಲಿಯಾ ಪಿ. ಕಾಸ್ಟ, ಪಾರ್ವತಿ ಎಲಿಗೇರಗೆ ಪ್ರಶಸ್ತಿ ಪ್ರದಾನ ಮಾಡಲಾಯಿತು.

ನೂತನ ಸದಸ್ಯರನ್ನಾಗಿ ರಾಧೇಶ್ಯಾಮ್ ರಾಠಿ ಮತ್ತು ವಿಜಯ್ ವಿ. ತೇಲಿ ಅವರನ್ನು ಸೇರ್ಪಡೆಗೊಳಿಸಲಾಯಿತು. ರೋಟರಿ ಕ್ಲಬಿನ ಡಾ. ಪರಶುರಾಮ ಸಾಂಬ್ರೇಕರ ಅವರಿಗೆ ಪಿ.ಎಚ್.ಎಫ್ ಪಿನ್ ವಿತರಿಸಲಾಯಿತು. 2024-25 ನೇ ಸಾಲಿನಲ್ಲಿ ರೋಟರಿ ಸಂಸ್ಥೆಗೆ ಅತಿ ಹೆಚ್ಚಿನ ದೇಣಿಗೆ ನೀಡಿದ ಅಶುತೋಷ್ ಕುಮಾರ್ ರಾಯ್ ಗೆ ರೋಟರಿ ಜಿಲ್ಲಾ ಪ್ರಾಂತಪಾಲ ಅರುಣ್ ಭಂಡಾರಿ ಪಾರಿತೋಷಕ ನೀಡಿ ಗೌರವಿಸಿದರು.