ಕೊಡಗಿನ ಅಧಿದೇವತೆ ಕಾವೇರಿ ಮಾತೆಯ ವಾರ್ಷಿಕ ಜಾತ್ರಾ ಮಹೋತ್ಸವ ಹಾಗೂ ತುಲಾ ಸಂಕ್ರಮಣದ ಅಂಗವಾಗಿ, ಪ್ರಸಿದ್ಧ ಪುಣ್ಯಕ್ಷೇತ್ರ ಭಾಗಮಂಡಲದ ಭಗಂಡೇಶ್ವರ ದೇಗುಲದಿಂದ ತಲಕಾವೇರಿಗೆ ಪವಿತ್ರ ಭಂಡಾರ ಕೊಂಡೊಯ್ಯುವ ಧಾರ್ಮಿಕ ವಿಧಿವಿಧಾನವು ಅತ್ಯಂತ ಶ್ರದ್ಧಾ-ಭಕ್ತಿಯಿಂದ ಶುಕ್ರವಾರ ನೆರವೇರಿತು.
ನಾಪೋಕ್ಲು : ಕೊಡಗಿನ ಅಧಿದೇವತೆ ಕಾವೇರಿ ಮಾತೆಯ ವಾರ್ಷಿಕ ಜಾತ್ರಾ ಮಹೋತ್ಸವ ಹಾಗೂ ತುಲಾ ಸಂಕ್ರಮಣದ ಅಂಗವಾಗಿ, ಪ್ರಸಿದ್ಧ ಪುಣ್ಯಕ್ಷೇತ್ರ ಭಾಗಮಂಡಲದ ಭಗಂಡೇಶ್ವರ ದೇಗುಲದಿಂದ ತಲಕಾವೇರಿಗೆ ಪವಿತ್ರ ಭಂಡಾರ ಕೊಂಡೊಯ್ಯುವ ಧಾರ್ಮಿಕ ವಿಧಿವಿಧಾನವು ಅತ್ಯಂತ ಶ್ರದ್ಧಾ-ಭಕ್ತಿಯಿಂದ ಶುಕ್ರವಾರ ನೆರವೇರಿತು.
ತುಲಾ ಸಂಕ್ರಮಣದ ಪವಿತ್ರ ದಿನದ ಹಿನ್ನೆಲೆಯಲ್ಲಿ, ಸಾಂಪ್ರದಾಯಿಕ ಭಕ್ತಾದಿಗಳು ಸನ್ನಿಧಿಯಲ್ಲಿ ವಿಶೇಷ ಪೂಜಾ ವಿಧಿ ವಿಧಾನ ನೆರವೇರಿಸಿದ ಬಳಿಕ ಭಾಗಮಂಡಲದಿಂದ ತಲಕಾವೇರಿವರೆಗೆ ತೆರಳಿ ಭಂಡಾರ ಮನೆಯಲ್ಲಿ ಭಂಡಾರವನ್ನು ಇಡಲಾಯಿತು. ಈ ಸಂದರ್ಭ ಭಾಗಮಂಡಲ ತಕ್ಕರಾದ ಬಳ್ಳಡ್ಕ ಅಪ್ಪಾಜಿ, ತಲಕಾವೇರಿ ತಕ್ಕರಾದ ಕೋಡಿ ಮೋಟಯ್ಯ , ದೇವಾಲಯದ ವ್ಯವಸ್ಥಾಪನ ಸಮಿತಿಯ ಪದಾಧಿಕಾರಿ ಸದಸ್ಯರು, ಕಾರ್ಯನಿರ್ವಹಣಾಧಿಕಾರಿ ಚಂದ್ರಶೇಖರ್ ಸೇರಿದಂತೆ ಭಕ್ತಾದಿಗಳು ಭಾಗವಹಿಸಿದ್ದರು.ನಿಗದಿತ ಶುಭ ಮುಹೂರ್ತದಲ್ಲಿ ದೇವರಿಗೆ ಚಿನ್ನ ಆಭರಣವನ್ನು ತೊಡಿಸಿ ಕಾವೇರಿ ತುಲಾ ಸಂಕ್ರಮಣದ ಮಹಾಪೂಜೆ ಹಾಗೂ ಧಾರ್ಮಿಕ ವಿಧಿಗಳು ವಿದ್ಯುಕ್ತವಾಗಿ ಜರುಗಲಿದೆ.
