ಸೈದಾಪುರ: ಜಾನುವಾರು ಮಾರುಕಟ್ಟೆ ಆರಂಭ

ಕನ್ನಡಪ್ರಭ ವಾರ್ತೆ ಸೈದಾಪುರ

ಪ್ರತಿ ಗುರುವಾರ ಪಟ್ಟಣದಲ್ಲಿ ವಾರದ ಸಂತೆ ನಡೆಯುತ್ತಿದ್ದರೂ, ಜಾನುವಾರು ಮಾರಾಟ ಮತ್ತು ಖರೀದಿಗೆ ಸೂಕ್ತ ವ್ಯವಸ್ಥೆ ಇಲ್ಲದ ಕಾರಣ ರೈತಾಪಿ ವರ್ಗಕ್ಕೆ ಇದರ ಸಂಪೂರ್ಣ ಸದ್ಬಳಕೆ ದೊರೆಯದೆ ನಿರಾಶರಾಗಿದ್ದರು. ಈ ಭಾಗದ ರೈತರು ಹಾಗೂ ಸಾಮಾಜಿಕ ಹೋರಾಟಗಾರರ ಒತ್ತಾಸೆಯ ಹಿನ್ನೆಲೆಯಲ್ಲಿ ಇದೀಗ ಸಂಬಂಧಿಸಿದ ಅಧಿಕಾರಿಗಳು ಸೈದಾಪುರದಲ್ಲಿಯೇ ದನ-ಕರು, ಕುರಿ ಹಾಗೂ ಕೋಳಿ ಮಾರಾಟಕ್ಕೆ ಅವಕಾಶ ಕಲ್ಪಿಸಿರುವುದು ರೈತರಿಗೆ ಅನುಕೂಲವಾಗಿದೆ.

ಆಡು ಕುರಿ ದನ ಎತ್ತು ಕೋಳಿ ಮಾರಾಟದ ಬಗ್ಗೆ ಕೃಷಿ ಇಲಾಖೆ ಸಿಬ್ಬಂದಿ ಮತ್ತು ಸಾಮಾಜಿಕ ಹೋರಾಟಗಾರ ಉಮೇಶ ಕೆ.ಮುದ್ನಾಳ್ ಅವರು ಧ್ವನಿವರ್ಧಕ ಕರಪತ್ರ ಹಂಚಿ ಪ್ರಚಾರಗೊಳಿಸಿದರು, ಅದರಂತೆ ಮಾರುಕಟ್ಟೆ ಬಹು ಸಂಖ್ಯೆಯಲ್ಲಿ ಕುರಿ ಆಡು ಎತ್ತು ಕೋಳಿ ದನ ಮಾರಾಟಕ್ಕೆ ಬಂದ ರೈತರಿಗೆ ಸಾಮಾಜಿಕ ಹೋರಾಟಗಾರ ಉಮೇಶ ಕೆ.ಮುದ್ನಾಳ್ ಸನ್ಮಾನಿಸಿ ಗೌರವಿಸಿದರು.

ನಮ್ಮೂರಿನಲ್ಲಿಯೇ ದನ-ಕರು ಹಾಗೂ ಕುರಿ–ಕೋಳಿ ಸಂತೆ ನಡೆಯುತ್ತಿರುವುದು ಬಹಳ ಸಂತೋಷ. ಈ ಭಾಗದ ರೈತರು ಜಾನುವಾರುಗಳನ್ನು ಖರೀದಿಸಲು ಹಾಗೂ ಮಾರಾಟ ಮಾಡಲು ಯಾದಗಿರಿ, ಶಹಾಪುರ ಮತ್ತು ಗುರುಮಠಕಲ್‌ಗೆ ತೆರಳಬೇಕಾಗಿತ್ತು. ಇದೀಗ ಸೈದಾಪುರದಲ್ಲಿಯೇ ಮಾರುಕಟ್ಟೆ ಆರಂಭವಾಗಿರುವುದರಿಂದ ರೈತರಿಗೆ ಸಮಯ ಹಾಗೂ ಸಾರಿಗೆ ವೆಚ್ಚ ಉಳಿತಾಯವಾಗಲಿದೆ. : -ಅಂಜನೇಯ ಮಲ್ಹಾರ, ರೈತ

ಸೈದಾಪುರ ಜಾನುವಾರ ಸಂತೆಯಲ್ಲಿ ರೈತರಿಗೆ ಹೆಚ್ಚಿನ ಮೂಲಸೌಕರ್ಯ ಒದಗಿಸಿ ಪ್ರಾರಂಭ ದಿನದಂದೇ ಜಾನುವಾರ ಮಾರಾಟಕ್ಕೆ ಬಂದ ರೈತರನ್ನು ಕಂಡು ಬಹಳ ಸಂತೋಷವಾಯಿತು. ಇನ್ನು ಮುಂದೇ ಪ್ರತಿ ಗುರುವಾರ ದನಗಳ ಸಂತೆಯಲ್ಲಿ ಕುರಿ ಆಡು, ದನ, ಎತ್ತು, ಎಮ್ಮೆ ಕೋಳಿ ಮಾರಾಟದ ಮಾಡಿ ಸದುಯೋಪಗ ಪಡೆದುಕೊಳ್ಳಬೇಕು.

----ಫೋಟೊ-----

ಸೈದಾಪುರ ಪಟ್ಟಣದ ಕೃಷಿ ಉತ್ಪನ್ನ ಮಾರುಕಟ್ಟೆ ಯಲ್ಲಿ ಮೊದಲ ಬಾರಿಗೆ ಜರುಗಿದ ಜಾನುವಾರುಗಳ ಸಂತೆಗೆ ಆಗಮಿಸಿದ ರೈತರಿಗೆ ಸನ್ಮಾನಿಸಿ ಸ್ವಾಗತಿಸಲಾಯಿತು.