ಮಕ್ಕಳಿಗೆ ಎರಡನೇ ಮನೆಯೇ ಶಾಲೆ: ಕವಯತ್ರಿ ಕಮಲ

ದೇವನಹಳ್ಳಿ: ಎಲ್ಲ ಮಕ್ಕಳಿಗೆ ತಮಗೆ ಜನ್ಮ ನೀಡಿದ ತಾಯಿ, ತವರು ಮನೆಯಾದರೆ, ಅದೇ ಮಕ್ಕಳಿಗೆ ಶಾಲೆ ಎರಡನೆ ಮನೆಯಾಗುತ್ತದೆ, ಶಿಕ್ಷಕಿಯರೇ ಅವರ ಎರಡನೇ ತಾಯಂದಿರು, ಅಲ್ಲದೆ ಮಕ್ಕಳಿಗೆ ತಾಯಿಯ ನಂತರ ಮಮತೆ ಹಾಗು ಮಾತೃ ವಾತ್ಸಲ್ಯ ನೀಡುವವರು ಶಿಕ್ಷಕಿಯರು ಮಾತ್ರ ಎಂದು ನಿವೃತ್ತ ಪ್ರಾಂಶುಪಾಲರು, ಕವಯತ್ರಿ ಎಂ.ಆರ್‌. ಕಮಲ ಹೇಳಿದರು.

ಅವರು ಯಾವ ಕ್ಷೇತ್ರದಲ್ಲಿ, ಯಾವ ವಿಷಯದಲ್ಲಿ ಆಸಕ್ತಿಯಿಂದ ಕಲಿಯಲು ಮುಂದಾಗುವರೋ ಅದೇ ಕ್ಷೇತ್ರದಲ್ಲಿ ಕಲಿಯಲು ಬಿಡಬೇಕು. ಅವರಲ್ಲಿರುವ ಪ್ರತಿಭೆಯನ್ನು ಗುರುತಿಸಿ ಪ್ರೋತ್ಸಾಹಿಸಬೇಕು. ಪೋಷಕರು, ಶಿಕ್ಷಕರು ಮಕ್ಕಳಲ್ಲಿ ಆತ್ಮವಿಶ್ವಾಸ ಹೆಚ್ಚಿಸಬೇಕು, ಸಂಸ್ಕಾರ, ಸುಸಂಸ್ಕೃತರನ್ನಾಗಿ ಮಾಡಲು ಮಕ್ಕಳಲ್ಲಿ ಓದುವ ಹವ್ಯಾಸ ಬೆಳೆಸಬೇಕು. ಉತ್ತಮ ಅಭಿರುಚಿಗಳನ್ನು ತಿಳಿಸಿಕೊಡಬೇಕು ಎಂದು ಕಿವಿಮಾತು ಹೇಳಿದರು.