ಇಂದು ಜಿಗಣೇಹಳ್ಳಿಯಲ್ಲಿ ಶ್ರೀ ಮೈಲಾರಲಿಂಗ ಕಾರ್ಣಿಕೋತ್ಸವ

ಕಡೂರು ಕೃಷ್ಣಮೂರ್ತಿಕನ್ನಡಪ್ರಭ ವಾರ್ತೆ ಕಡೂರು

ಹಾಗಾಗಿ ಶ್ರೀ ಮೈಲಾರಲಿಂಗ ಸ್ವಾಮಿ ಕಾರ್ಣಿಕವು ಹೆಚ್ಚಿನ ಪ್ರಾಮುಖ್ಯತೆ ಪಡೆದಿದೆ. ಕಡೂರು ತಾಲೂಕಿನ ಜಿಗಣೇಹಳ್ಳಿ ಸೇರಿದಂತೆ ಸುತ್ತಮುತ್ತಲ ಗ್ರಾಮಗಳಲ್ಲಿ ತೆಲುಗುಗೌಡ ಸಮಾಜದವರೇ ಹೆಚ್ಚಾಗಿದ್ದು, ಈ ಗ್ರಾಮಗಳಲ್ಲಿ ಶ್ರೀ ಮೈಲಾರಲಿಂಗ ಸ್ವಾಮಿಯು ಭಕ್ತ ಸಮೂಹದ ಆರಾಧ್ಯ ದೈವವಾಗಿದೆ. ವೇದಾ ಹಳ್ಳದ ತಟದಲ್ಲಿ ನಡೆಮುಡಿಯೊಂದಿಗೆ ಹೆಣ್ಣು ಮಕ್ಕಳು, ದೊಡ್ಡವರು ಮಕ್ಕಳು ಎನ್ನದೆ ಸಾವಿರಾರು ಸಂಖ್ಯೆಯಲ್ಲಿ ಸೇರುವ ಕಾರ್ಣಿಕವು ಜಾತ್ರೆಯಂತೆ ಕಂಗೊಳಿಸುತ್ತದೆ. ಇನ್ನು, ಶ್ರೀಸ್ವಾಮಿ ಆಣತಿಯಂತೆ ಕಾರ್ಣಿಕ ನುಡಿವ ವ್ಯಕ್ತಿಗೆ ದೇವರ ವಸ್ತ್ರಗಳೊಂದಿಗೆ ಮೌನ ವೃತ ಆಚರಿಸಲು ಆಣೆ ಮಾಡಿಕೊಡಲಾಗುತ್ತದೆ.ಭರತ ಹುಣ್ಣಿಮೆಯಲ್ಲಿ ಬರುವ ಶ್ರೀ ಮೈಲಾರಲಿಂಗ ಸ್ವಾಮಿ ಕಾರ್ಣಿಕೋತ್ಸವವು ಹೆಚ್ಚಿನ ಮಹತ್ವ ಪಡೆದಿದೆ. ಮೂಲ ಸ್ಥಾನವಿರುವ ರಾಜ್ಯದ ಹಾವೇರಿ ಜಿಲ್ಲೆಯ ಮೈಲಾರದಲ್ಲಿ ನಡೆವ ಶ್ರೀಮೈಲಾರಲಿಂಗ ಸ್ವಾಮಿ ಅವರ ಕಾರ್ಣಿಕವು ಪ್ರಾಮುಖ್ಯತೆ ಪಡೆದಿದ್ದು, ಅದರಂತೆ ಕಡೂರು ತಾಲೂಕಿನ ಜಿಗಣೇಹಳ್ಳಿಯ ಮತ್ತು ಬೀರೂರಿನ ಶ್ರೀ ಕಾರ್ಣಿಕಕ್ಕೆ ಇತಿಹಾಸವಿದೆ. ಈ ನಿಟ್ಟಲ್ಲಿ ಜಿಗಣೇಹಳ್ಳಿ ಗ್ರಾಮದಲ್ಲಿ ಶನಿವಾರ (ಇಂದು) ಶ್ರೀಮೈಲಾರಲಿಂಗ ಸ್ವಾಮಿ ಮತ್ತು ಇತರೆ ಪರಿವಾರ ದೇವರುಗಳೊಂದಿಗೆ ಗ್ರಾಮದ ವೇದಾಹಳ್ಳದಲ್ಲಿ ಪುಣ್ಯಾಹ ಕಾರ್ಯ ನಡೆಯುತ್ತದೆ. ಶ್ರೀ ಸ್ವಾಮಿಯವರ ಉತ್ಸವದೊಂದಿಗೆ ಕಾರ್ಣಿಕ ನಡೆವ ಜಾಗಕ್ಕೆ ಗೊರವಯ್ಯನನ್ನು ಕರೆ ತರಲಾಗುವುದು. ಉತ್ಸವದ ಬಳಿಕ ಕಾರ್ಣಿಕ ನುಡಿವ ಜಾಗಕ್ಕೆ ಬಂದು ಸಮಯಕ್ಕೆ ಸರಿಯಾಗಿ ಕಾರ್ಣಿಕ ನಡೆಯಲಿದೆ.