ಶಿರಾ: ನಾಳೆಯಿಂದ ಗುರುಗುಂಡ ಬ್ರಹ್ಮೇಶ್ವರ ಸ್ವಾಮಿ ಜಾತ್ರಾ ಮಹೋತ್ಸವ

ಕನ್ನಡಪ್ರಭ ವಾರ್ತೆ ಶಿರಾ

ಜ. ೨೫ ಗುರುವಾರ ಗಂಗಾಪೂಜೆ, ಜ. ೨೬ ಶುಕ್ರವಾರ ಬೆಳಗ್ಗೆ ಕಳಸ ಸ್ಥಾಪನೆ, ಜ.೨೭ ಹೂವಿನ ತೇರು, ಜ.೨೮ ಕೈಲಾಸೋತ್ಸವ, ಜ.೨೯ ನಂದೀಶ್ವರ ಉತ್ಸವ, ಜ.೩೦.ರ ಮಂಗಳವಾರ ರಾತ್ರಿ ಮಡಿತೇರು ಉತ್ಸವ ನಡೆಯಲಿದೆ.

ನಂಜಾವಧೂತ ಶ್ರೀಗಳ ನೀರಾವರಿ ಹಕ್ಕೊತ್ತಾಯಕ್ಕೆ ೨೫ ವರ್ಷ

ಬಯಲು ಸೀಮೆಯ ಧಣಿವಿಗೆ ಅಸರೆಯಾಗಿ ಯಾವುದಾದರೂ ಜಲಮೂಲ ಬೇಕೆಂಬ ಆಶಯವನ್ನು ನಂಜಾವಧೂತ ಶ್ರೀಗಳು ಭಕ್ತ ಸಮೂಹದ ಮುಂದೆ ವಿಷಯವನ್ನು ಮುಂದಿಟ್ಟಾಗ ಇದು ಆಗುವ ಮಾತೇ, ಸ್ವಾಮೀಜಿಯವರು ಕಾಲಹರಣ ಮಾಡಲು ಇಂತಹ ವಿಷಯವನ್ನು ಹೇಳುತ್ತಿದ್ದಾರೆ ಎಂದು ಕುಹಕವಾಡಿದ ಮಂದಿ ಇಂದು ಅಚ್ಚರಿ ಎಂಬಂತೆ ಸ್ವಾಮೀಜಿಯವರ ದೂರದೃಷ್ಟಿಯ ಬಗ್ಗೆ ಮಾತನ್ನಾಡುತ್ತಿದ್ದಾರೆ. ಬಯಲುಸೀಮೆಯ ಒಡಲು ಇದೀಗ ಹೇಮಾವತಿ, ಭದ್ರೆ, ತುಂಗೆ, ಎತ್ತಿನಹೊಳೆ ನೀರಿನಲ್ಲಿ ಮಿಂದೇಳುತ್ತಿದೆ. ಕೋಲಾರ, ಚಿಕ್ಕಬಳ್ಳಾಪುರ ಭಾಗದಲ್ಲಿ ಕೆ.ಸಿ ವ್ಯಾಲಿ, ಎತ್ತಿನಹೊಳೆ, ತುಮಕೂರು ಭಾಗಕ್ಕೆ ಹೇಮಾವತಿ ,ಅಪ್ಪರ್ ಭದ್ರಾ, ಎತ್ತಿನಹೊಳೆ ಚಿತ್ರದುರ್ಗ ಭಾಗದಲ್ಲಿ ಅಪ್ಪರ್ ಭದ್ರಾ, ತುಂಗಾ ತಿರುವು ಯೋಜನೆಯಡಿ ನೀರು ಬರುತ್ತಿರುವುದು ಪರಮಪೂಜ್ಯರ ದೂರದೃಷ್ಟಿ. ೧೯೯೮ರಲ್ಲಿ ಎಳೆಯ ವಯಸ್ಸಿನಲ್ಲಿಯೇ ಸನ್ಯಾಸತ್ವ ಸ್ವೀಕರಿಸಿ ಪಟ್ಟನಾಯಕನಹಳ್ಳಿ ಮಠದ ಕಾರ್ಯಭಾರ ವಹಿಸಿಕೊಂಡ ತರುವಾಯದಲ್ಲಿ ಈ ಭಾಗದ ಜನರ, ರೈತರ ಕೊರಳ ದನಿಗೆ ಶಕ್ತಿಯಾಗಿ ನಿಂತು ತಮ್ಮ ಕಾರ್ಯವೈಖರಿ ಬಗ್ಗೆ ಜನರಲ್ಲಿ ವಿಶ್ವಾಸ ತಂದರು. ಎಸ್.ಎಂ. ಕೃಷ್ಣ, ಎಚ್.ಡಿ. ಕುಮಾರಸ್ವಾಮಿ, ಯಡಿಯೂರಪ್ಪ, ಸಿದ್ದರಾಮಯ್ಯ, ಬಸವರಾಜ ಬೊಮ್ಮಾಯಿ ಅವರ ಅಡಳಿತ ಅವಧಿಯಲ್ಲಿ ಶ್ರೀಗಳು ತೋರಿದ ನೀರಾವರಿ ಕನಸು ನನಸಾಗಿ ರೈತರ ಮೊಗದಲ್ಲಿ ಮಂದಹಾಸ ಮೂಡಿದೆ. ರೈತರಿಗಾಗಿ ನಂಜಾವಧೂತ ಶ್ರೀಗಳ ನೀರಾವರಿ ಹಕ್ಕೊತ್ತಾಯದ ಸಮಾವೇಶ ನಿಜಕ್ಕೂ ಬಯಲುಸೀಮೆಯ ಭಾಗ್ಯವೇ ಸರಿ.