ಸಾಮಾಜಿಕ ಸಮಸ್ಯೆಗಳು ಯುವಕರ ಅಶಾಂತಿಗೆ ಕಾರಣ: ಡಾ. ವೀರೇಂದ್ರ ಕುಮಾರ

ಭಾರತದಲ್ಲಿ ಯುವಕರ ಅಶಾಂತಿ, ಪರಿಹಾರೋಪಯಗಳು-ವಿಶೇಷ ಉಪನ್ಯಾಸ

ಇಡೀ ಜಗತ್ತಿನಲ್ಲಿ ಬಹುಪಾಲು ಯುವಕರು ಸಾಮಾಜಿಕ ದಾರಿದ್ರ್ಯದಲ್ಲಿ ಬಳಲುತ್ತಿದ್ದಾರೆ. ಕಾನೂನು ಬಾಹಿರವಾಗಿ ಆಯುಧಗಳ ಸರಬರಾಜು, ಕಾನೂನು ಬಾಹಿರ ವ್ಯವಹಾರ, ಮಾದಕ ದ್ರವ್ಯ ವ್ಯವಹಾರ, ಮಾನವ ಕಳ್ಳಸಾಗಣೆಗಳು ಜ್ವಲಂತ ಸಮಸ್ಯೆಗಳಾಗಿವೆ. ಇಂತಹ ಅನೇಕ ಸಾಮಾಜಿಕ ಸಮಸ್ಯೆಗಳು ಯುವಕರ ಅಶಾಂತಿಗೆ ಕಾರಣ ಎಂದು ಬಳ್ಳಾರಿಯ ವಿಜಯನಗರ ಶ್ರೀಕೃಷ್ಣದೇವರಾಯ ವಿಶ್ವವಿದ್ಯಾಲಯದ ಸಮಾಜಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ. ವೀರೇಂದ್ರ ಕುಮಾರ ಎನ್. ಮಾತನಾಡಿದರು.

ಯುವ ಸಮುದಾಯವನ್ನು ಸರ್ಕಾರಗಳು ನಿರ್ಲಕ್ಷಿಸಿವೆ. ಇದು ಯುವಕರ ಅಶಾಂತಿಗೆ ಕಾರಣ. ಯುವಕರ ಮನಸ್ಥಿತಿಯಲ್ಲಿ ಈ ಜಗತ್ತಿನಲ್ಲಿ ಎಲ್ಲವೂ ಸರಿ ಇಲ್ಲ ಎಂಬ ಧೋರಣೆ ಬಂದಿದೆ. ವಿವಿಧ ಅಸಮಾನತೆಗಳಿಂದಾಗಿ ಯುವಕರಲ್ಲಿ ಅಶಾಂತಿ ಉಂಟಾಗುತ್ತಿದೆ.

ಕಾಲೇಜಿನ ರಾಜ್ಯಶಾಸ್ತ್ರದ ಉಪನ್ಯಾಸಕ ಬಸವರಾಜ ಕಲ್ಮನಿ ಮಾತನಾಡಿದರು.