ನಿವೇಶನ ಹಂಚಿಕೆಗೆ ವಿಶೇಷ ಗ್ರಾಮಸಭೆ

ವಿಜಯಪುರ: ಹೋಬಳಿಯ ಗೊಡ್ಲುಮುದ್ದೇನಹಳ್ಳಿ ಗ್ರಾಪಂ ವ್ಯಾಪ್ತಿಯ ಸಿ.ಎನ್.ಹೊಸೂರು, ಪಿ.ರಂಗನಾಥಪುರ, ಕೊಮ್ಮಸಂದ್ರ ಗ್ರಾಮಗಳ ನಿವೇಶನ ರಹಿತರಿಗೆ ನಿವೇಶನ ಹಂಚುವ ಸಲುವಾಗಿ, ಗುರುವಾರ ಗ್ರಾಪಂ ಅಧ್ಯಕ್ಷ ಎಂ.ಮುರಳೀಧರ್ ಅಧ್ಯಕ್ಷತೆಯಲ್ಲಿ ವಿಶೇಷ ಗ್ರಾಮಸಭೆ ನಡೆಯಿತು.

ಸಿ.ಎನ್.ಹೊಸೂರು ಗ್ರಾಮಸ್ಥರು, ನಮ್ಮ ಗ್ರಾಮದಲ್ಲಿ ನಿವೇಶನಗಳಿಗಾಗಿ ೪ ಎಕರೆ ೧೩ ಗುಂಟೆ ಜಮೀನಿನನ್ನು ಮಂಜೂರು ಮಾಡಿಸಿಕೊಳ್ಳಲು ಹಲವು ವರ್ಷಗಳಿಂದ ನಿರಂತರ ಹೋರಾಟ ಮಾಡಿದ್ದೇವೆ. ನಿವೇಶನಗಳ ಜೊತೆಗೆ, ಸಮುದಾಯ ಭವನ, ಗ್ರಂಥಾಲಯ, ಆರೋಗ್ಯ ಕೇಂದ್ರಕ್ಕೂ ಜಾಗ ಬೇಕಿದೆ. ಆದ್ದರಿಂದ ಬೇರೆ ಗ್ರಾಮಗಳಿಗೆ ನಿವೇಶನ ಹಂಚಬಾರದು. ಒಂದು ವೇಳೆ ಗ್ರಾಮಗಳ ಫಲಾನುಭವಿಗಳಿಗೆ ವಿತರಿಸಬೇಕೆಂದರೆ, ಯಾವ ಗ್ರಾಮದಲ್ಲಿ ಹೆಚ್ಚು ಜಮೀನು ಲಭ್ಯವಿದೆಯೋ ಆ ಗ್ರಾಮದಲ್ಲಿ ಕೊಡಿ ಎಂದು ಗ್ರಾಮಸ್ಥರು ತೀವ್ರ ವಿರೋಧ ವ್ಯಕ್ತಪಡಿಸಿದರು.