ನೆಮ್ಮದಿ ಜೀವನಕ್ಕೆ ಅಧ್ಯಾತ್ಮಿಕ ಜ್ಞಾನ ಅಗತ್ಯ

ನರಗುಂದ: 12ನೇ ಶತಮಾನದಲ್ಲಿ ಬಸವಣ್ಣವರು ಹಲವಾರು ಶರಣರ ಮೂಲಕ ಸಾವಿರಾರು ವಚನಗಳನ್ನು ರಚಿಸಿ ಸಮಾಜದ ಸುಧಾರಣೆಗೆ ಶ್ರಮಿಸಿದ್ದಾರೆ ಎಂದು ಪ್ರಜಾಪಿತ ಬ್ರಹ್ಮಾಕುಮಾರಿ ಈಶ್ವರೀ ವಿಶ್ವವಿದ್ಯಾಲಯದ ಸಂಚಾಲಕಿ ರಾಜಯೋಗಿನ ಕು.ಪ್ರಭಕ್ಕನವರ ಹೇಳಿದರು.

ಲಯನ್ಸ್ ಇಂಗ್ಲೀಷ್ ಮಾಧ್ಯಮ ಶಾಲೆಯ ಮುಖ್ಯ ಶಿಕ್ಷಕ,ಪ್ರವಚನಕಾರ ಗಿರೀಶ್ ಹಿರೇಮಠ ಮಾತನಾಡಿ, ಶರಣರು 12 ನೇ ಶತಮಾನದಲ್ಲಿ ವಚನ ಸಾಹಿತ್ಯದ ಮೂಲಕ ಸಮಾಜವನ್ನು ತಿದ್ದುವಲ್ಲಿ ಪ್ರಮುಖ ಪಾತ್ರ ವಹಿಸಿದರೆ, 20-21ನೇ ಶತಮಾನದಲ್ಲಿ ಪತ್ರಿಕೆಗಳು ಆ ಕೆಲಸ ನಿರ್ವಹಿಸುತ್ತಿವೆ. ಸುಸ್ಥಿರ ಸಮಾಜ ನಿರ್ಮಿಸುವುದರ ಜತೆಗೆ ಪತ್ರಿಕೆಗಳ ಜ್ಞಾನ ಸಂಗ್ರಹಕ್ಕೆ ಮೂಲಾಧಾರವಾಗಿವೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ಶ್ರೀಮುರುಘರಾಜೇಂದ್ರ ಟ್ರಸ್ಟ್‌ ನಿರ್ದೇಶಕ ವಿ.ಎನ್. ಕೊಳ್ಳಿ ಮಾತನಾಡಿ, ಅಧ್ಯಾತ್ಮ ಪರಂಪರೆಯಲ್ಲಿರುವ ನಾವು ಅದರ ಭಾಗವಾಗಬೇಕು. ಸಜ್ಜನರ ಸಹವಾಸದ ಮೂಲಕ ಶಾಂತಿಯ ಬದುಕು ನಡೆಸಬೇಕು. ಬಸವಾದಿ ಶರಣರ ತತ್ವ ಅಳವಡಿಸಿಕೊಂಡು ಜೀವನ ಪಾವನವಾಗಿಸಿಕೊಳ್ಳಬೇಕೆಂದರು.

ಪ್ರೊ.ಆರ್.ಬಿ. ಚಿನವಾಲರ ಸ್ವಾಗತಿಸಿದರು, ಪ್ರೊ.ಆರ್.ಎಚ್. ತಿಗಡಿ ನಿರೂಪಿಸಿ ಕೊನೆಯಲ್ಲಿ ವಂದಿಸಿದರು.