ರಾಜ್ಯ ಸರ್ಕಾರ ವಜಾಕ್ಕೆ ಶ್ರೀರಾಮಸೇನೆ ಆಗ್ರಹ

ಕನ್ನಡಪ್ರಭ ವಾರ್ತೆ ಯಾದಗಿರಿ

ರಾಜ್ಯಪಾಲರಿಗೆ ಬರೆದ ಮನವಿಯನ್ನು ಜಿಲ್ಲಾಧಿಕಾರಿಗಳ ಮುಖಾಂತರ ಸಲ್ಲಿಸಿದ ಶ್ರೀರಾಮಸೇನೆ ಜಿಲ್ಲಾಧ್ಯಕ್ಷ ಶಶಾಂಕ ನಾಯಕ ಮಾತನಾಡಿ, ಕಳೆದೆರಡು ದಿನದಲ್ಲಿ ಇಡೀ ರಾಜ್ಯದ ಹಿಂದೂ ಜನತೆ ಬೆಚ್ಚಿಬೀಳುವ ಹಾಗೆ ಕೆಲವು ಮತಾಂಧರು ಅಟ್ಟಹಾಸ ಮೆರೆದಿದ್ದು ನಿಜಕ್ಕೂ ಆಘಾತಕಾರಿ ಬೆಳವಣಿಗೆ. ಯಾವ ಕಾನೂನು, ಪೊಲೀಸ್, ಸಂವಿಧಾನಕ್ಕೆ ಮರ್ಯಾದೆ ಇಲ್ಲದೇ ಕಾನೂನನ್ನು ಕೈಗೆತ್ತಿಕೊಂಡು ತಾಲಿಬಾನ್ ಮಾದರಿ ರಾಜ್ಯದ ಜನ ನೋಡುವ ಸ್ಥಿತಿ ಬಂದಿರುವುದು ಅತ್ಯಂತ ದುರ್ದೈವ ಎಂದರು.

ಇಂತಹ ಘಟನೆಗಳು ಈಗ ಗಮನಕ್ಕೆ ಬಂದಿದ್ದು, ಬೆಳಕಿಗೆ ಬಾರದೇ ಇರುವ ಇನ್ನೂ ಅನೇಕ ಪ್ರಕರಣ ಮುಚ್ಚಿ ಹಾಕಿರುವ, ಧ್ವನಿ ಹತ್ತಿಕ್ಕಲಾಗಿದೆ. ಕಾಂಗ್ರೆಸ್ ಸರ್ಕಾರ ಅಸ್ತಿತ್ವಕ್ಕೆ ಬಂದ ಮೇಲೆ ಕಳೆದ ವರ್ಷದಲ್ಲಿ ನಿರಂತರವಾಗಿ ಹಿಂದೂಗಳ ಮೇಲೆ ಕೊಲೆ, ಸುಲಿಗೆ, ಹಲ್ಲೆಗಳು ನಡೆಯುತ್ತಲೇ ಇರುವುದರಿಂದ ರಾಜ್ಯದಲ್ಲಿ ಆಡಳಿತ ನಡೆಸಲು ಅಯೋಗ್ಯವಾಗಿದ್ದು, ಎಲ್ಲರನ್ನು ಒಳಗೊಂಡು ಕೊರೆದೊಯ್ಯುವ ಸರ್ಕಾರ ಇಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸಂದೀಪ ಮಹೇಂದ್ರಕರ್, ಉಪಾಧ್ಯಕ್ಷ ಅಂಬ್ರೆಷ್ ತಡಿಬಿಡಿ, ಯುವ ಅಧ್ಯಕ್ಷ ರಘುರಾಮ್, ತಾಲೂಕು ಉಪಾಧ್ಯಕ್ಷ ಬಸ್ಸು ಮನಗನಾಳ, ಗೋರಕ್ಷಕ ಪ್ರಮುಖ ಮಲ್ಲು ಮುಂಡ್ರಗಿ, ಶಿವಾನಂದ ಮುಂಡರಗಿ, ರಾಕೇಶ ನಾಯಕ, ಆಕಾಶ ಚವ್ಹಾಣ, ಪವನ್, ರಾಘು ಮನಗನಾಳ, ಅಭಿಷೇಕ್ ಹಿರೇಮಠ ಸೇರಿದಂತೆ ಇತರರಿದ್ದರು.