ಮುಸ್ಲಿಂ ಮತಾಂಧರಿಂದ ಕಲ್ಲು ತೂರಾಟ: ಸಿ.ಟಿ. ರವಿ

ಕನ್ನಡಪ್ರಭ ವಾರ್ತೆ, ಚಿಕ್ಕಮಗಳೂರು

ನಗರದಲ್ಲಿ ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಳೆದ ವರ್ಷ ನಾಗಮಂಗಲದಲ್ಲಿ ಪೆಟ್ರೋಲ್ ಬಾಂಬ್ ಹಾಕಿದ್ದರು. ಜೊತೆಗೆ 30ಕ್ಕೂ ಹೆಚ್ಚು ಅಂಗಡಿಗಳನ್ನು ಟಾರ್ಗೆಟ್ ಮಾಡಿದ್ದರು. ಈ ಬಾರಿ ಮದ್ದೂರಿನಲ್ಲಿ ದಾಂಧಲೆ ನಡೆಸಿದ್ದಾರೆ. ಗಣಪತಿ ವಿಸರ್ಜನೆ ಸಂದರ್ಭದಲ್ಲಿ ಸರ್ಕಾರ ಮುಂಜಾಗ್ರತೆ ವಹಿಸಬೇಕಿತ್ತು. ಜಿಲ್ಲಾಡಳಿತ ಸೂಕ್ತ ಬಂದೋಬಸ್ತ್ ವ್ಯವಸ್ಥೆ ಮಾಡ ಬೇಕಿತ್ತು. ಆದರೆ, ಇದ್ಯಾವುದನ್ನೂ ಮಾಡಿಲ್ಲ ಎಂದು ದೂರಿದರು.

ಸಾಗರದಲ್ಲಿ ಗಣೇಶ ಮೆರವಣಿಗೆ ವೇಳೆ ಚಿಕ್ಕ ಮಕ್ಕಳು ಉಗುಳಿದರು. ಮಕ್ಕಳನ್ನು ನಾವು ದೇವರ ಸಮಾನ ಎಂದು ಭಾವಿಸುತ್ತೇವೆ. ಮಕ್ಕಳ ಹೃದಯದಲ್ಲಿ ವಿಷಬೀಜ ಬಿತ್ತಿದವರು ಯಾರು ? ವಿಷ ಬೀಜ ಬಿತ್ತಿದವರು ಅವರ ಪಾಲಕರ ಅಥವಾ ಮದರಸದಲ್ಲಿ ಇದೆಲ್ಲವೂ ನಡೆಯುತ್ತಿದೆಯಾ ಎಂದು ಪ್ರಶ್ನಿಸಿದರು.

ಪೊಲೀಸ್ ಠಾಣೆಗೆ ಬೆಂಕಿ ಇಟ್ಟವರಿಗೆ ಶಾಂತಿ ಪಟ್ಟ ಕಟ್ಟಿದರೆ ನಿಮಗೂ ಸತ್ಯಕ್ಕೂ ಸಂಬಂಧವೇ ಇಲ್ಲದಂತಾಗುತ್ತದೆ. ರಾಜ್ಯ ಸರ್ಕಾರ ಹಿಂದುಗಳ ಕಣ್ಣಿಗೆ ಸುಣ್ಣ ಹಾಗೂ ಮುಸಲ್ಮಾನರ ಕಣ್ಣಿಗೆ ಬೆಣ್ಣೆ ಹಚ್ಚುವ ತಂತ್ರ ನಡೆಸುತ್ತಿದೆ. ಹಿಂದುಗಳು ಮೈಕ್ ಹಾಕಿ ದರೆ ಕಂಡಿಷನ್‌ ಹಾಕುತ್ತಾರೆ. ಡ್ಯಾನ್ಸ್ ಮಾಡಿದರೆ ಕೇಸು ದಾಖಲಿಸುತ್ತಾರೆ. ಇಂತಹ ಕೆಟ್ಟ ಪರಂಪರೆ ಮುಂದುವರಿಯುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.